Gvardjan je rekel: Nega Božeka… (kak je naš)

ZVONA, Mesečni list čakovečke žup, STUDENI 2012.

 NEKAJ ZA ČAS KRATITI

Gvardjan je rekel: Nega Božeka… (kak je naš)

     Nebrem veruvati na kaj smo došli, precednik Vlade vu Lepoj našoj drug i gospon Zoki Milanović je vse gosteše i gosteše počel nucati lejpe reči z Biblije. Pak što bi se tomo nadjal od političara šteri verje gda ga Božeka nega, očem reči, gda Božek ne postoji. Kaj se mo je drugo moglo pripetiti nego gda so mo sfalile spametne reči vu jegovaj črlenaj knigicaj, a mora nekaj govoriti kaj bodo ljudi veruvali, pak je zaluknul v Biblijo. Ak tak nastavi brzčas ga bodemo včasi vidli na krsto vu Katedrali.

     Vu semptembro i oktobro nam je naš dragi Božek dal lejpo vreme tak gda smo nej morali kuriti i zašparali smo ono kaj nam je minister Linič zdigel cene plino i struji. I unda bode nešči pak rekel gda se dragi Božek ne briga za nas.

    Nešterno nedelo vu oktobro smo meli zahvalno nedelo  za vse ono kaj je zraslo vu goricaj, na polju, vu sadovnjako ili pak vu vrčako. Zišli smo se kaj zafalimo dragomo Božeko za vse ono kaj nam je minulo leto dal, za vse ono kaj je zraslo makar je bila i suša. A to je nej bilo tak malo, ak bodemo priznali po istini. Glasno smo molili, lejpo smo popevali, ali dok se pobiralo vu ime Božje, unda smo prebirali po buksaj i zbirali med žutaj penezaj kaj reda zbavimo, a kaj čim meje damo, očem reči, bodemo kvarni. Vse vejč imamo, a vse meje i meje davlemo dragomo Božeko, a i bližnjemo svojemo. Naš bližnji se, tu i tam, još oglasi, ali što je kriv našemo Božeko kaj on nikaj ne šteči, nikaj ne terja i  kaj je tak dober i kaj je i nas na vse dobro navčil!? Dobro je gvardjan rekel: Nega Božeka kak je naš.

      Vsi mi Međimorci znamo kakše so prinas šege dok sneha dojde k hiži: dok sneha prvič dojde k hiži unda jo mladi mož odnese prek poceka kaj bode sreča pre hiži i kaj bode se znalo što je gazda. A ja sam vam došel za zeta pak me je moja prva žena morala prenesti prek poceka vu hižo kaj bode vse onak kak dragi Božek zapoveda. Dok je bila mladenka bila je vihrasta kak srna i neje me mogla sama prenesti pak joj je pomogla punica. Vu tem cajto sam niti nej znal kakša je to bila sreča jerbo je punica nigdar potlik nej mogla pitati: šteri vrag te, itak, k hiži donesel?

      Nebi štel kajbi si vi mislili kak se delam važen i spameten, ali sam vam sam štel reči gda sam nej pozabil, a ne bi štel kaj bi i vi pozabili gda nam ova naša Zvona zvonijo već sedemnajst let. Još leto dni i punoletna bodejo tak gda bodo mogla hodati na izbore glasa davat. Fala vam kaj nas tak dugo magadite, očem reči, čitate.

Još navek, vaš Tonček

* * * * * * * * * * * * * * * * * * * * * * * * * * * * * * * * * * * * * *

Zvir:
ZVONA, Mesečni list čakovečke žup,
Leto XVI, br.11, studeni 2012. l.
Nakladnik: ŽUPA SV. NIKOLE BISKUPA, ČAKOVEC,
http://www.ofm.hr/zupa_cakovec/ , http://www.ofm.hr/zupa_cakovec_jug/
Naklada 750 primerkov

* * * * * * * * * * * * * * * * * * * * * * * * * * * * * * * * * * * * * *

Kajkavski v cirkvam
Velečâsni Ivan Hrâstovičov, župnik v Loboru v Hrvackomu zâgorju, sě z svemi meštani spomina(l) kajkavski i, ke jě posebno vâžno, na mešami propovéda(l) na kajkavskomu jeziku.
http://www.zagorje.com/articles/2340/show.aspx

* * * * * * * * * * * * * * * * * * * * * * * * * * * * * * * * * * * * * *

KAJKAVSKA VEČERNICA I MEŠA
a) pdf oblik (zvirni oblik, z ilustrâcijam):
http://www.esnips.com/r/hmfl/doc/e5f32fb6-9f50-4fc3-8c7b-4629d332d4a2/KAJKAVSKA_VECERNICA_I_MESA
b) editérajuči oblik (ně baš lépo posložen, bez ilustrâcij)
http://www.forumgorica.com/kajkavski/p-oltar-portal-nas-svagdasni-pobozni-i-vragolasti-bogoslavija/msg4294/#msg4294

c) Video:
Kajkavska večernica z mešum: KAJ v Zeline 2008. i 2009.

http://www.forumgorica.com/kajkavski/p-oltar-portal-nas-svagdasni-pobozni-i-vragolasti-bogoslavija/msg21820/#msg21820

Na priliku z leta 2008. (1/5):

Citat:

http://www.youtube.com/watch?v=rImSspAN8xk

Dej mi Bože(k j)oči sokolove

OD CIKLE DO ŠTIKLE : SINGRLICE – Dej mi bože oči sokolove, 03:08