NOČ KAZALIŠČA V SV. IVANU ZELINE 17.11.2012.

Pučko oprto vučilišče Sv. Ivan Zelina i negvo Zelinsko amatersko kazališče “ZAmKa” vuklučili su se i ovo leto med organizatore programa manifestacije “Noč kazališča” pa buju lubiteli kazališča z Sv. Ivana Zeline i okolne mest v sobotu, 17.11.2012. mogli vuživati v zanimlivemi programi vezanem vuz kazališče i v svem gradu.

V kazališnomu programu vuz najmlajše glumce domačina – Dečje scene Zelinskoga amaterskoga kazališča “ZAmKa” sudeluvali buju i gosti z Križa i Virja. Zvedene buju dve predstave:

18:30 vur DUV V DELAONICE (DUH U RADIONICI)

Amatersko kazalište Josip Badalič, Križ
autor: Ellis Kaut
adaptacija: Jadranka Pleše

20:00 vur BERTAŠICA MAREK (KRČMARICA MARICA iliti KRČMARICA)

Glumačka družina Virje
autor: Carlo Goldoni
adaptacija: Đurđica Krčmar Zlatar

Prateči program:

– v pauza med predstavam – dečja scena ZAmKe zpelava skeč Štefice Fanjek “NEGDA I DENES”
– prikazivajne video zapisov najbolše pesmi 32. Smotre dečjoga kajkavskoga pesništva “Dragutin Domjanič” Sv. Ivan Zelina
– besplatna degustacija najbolše vin Zelinske vinarov

Cena jedinstvene vulaznice terum bute mogli prisustvuvati sem zbivajnem “Noči kazališča 2012” v Sv. Ivanu Zeline, je 20,00 kn a morete ju kupiti v Pučkomu oprtomu vučilišču Sv. Ivan Zelina.

Vlaznicu morete rezerverati i telefonski na broj 01/ 2059-062 ili 2060-270.

http://www.pou-zelina.hr/component/content/article/37-aktualno/171-no-kazalita-2012.html

* * * * * * * * * * * * * * * * * * * * * * * * * * * * * *

Hana Beloša, 8. razred
Voditeljica: Sunčica Križan – Kadi, prof.
Osnovna škola Novi Marof

Kmica je z nami

Sedim pred kleti, gorice gledim.
Se je pusto, grozdja več ni.
V lagvima je, igra, vri.
Z druge strane brega hosta šumi.
Sončeko polefko za brege beži.
Kmica več pred nami na vratima stoji.
Ide pomalem, postiha korača.
Oblake črne, žmefke za sobom zavrača.
Zvezde poskrivečki za njom hodiju.
Žote, sjajne, male, pomalem svetiju.
Škripleju vrata, cviliju od zdola,
od pelnice, saku je večer tak.
To nešče našu lampu išče pak.
Staru, s prašinu prekritu,
za gredu skritu.
Sam sene se nazireju, koraki primičeju,
se bliže, i bliže, kmicu razgrneju…
I vužgana je lampa
al’ kak da i ni.
V dedekovi kleti več ničega videti ni,
bole se v kmici skri
postiham zaspi, zanavek zaspi.

Pesma je vundana v zbirke “Oblak, najdi me!”:
http://www.pou-zelina.hr/images/stories/Smotre/32/Oblak_najdi_me!.pdf
32. Smotre dečjoga kajkavskoga pesništva “Dragutin Domjanič” – Sv. Ivan Zelina 2012.

http://www.pou-zelina.hr/component/content/article/173.html

Hana Beloša – Kmica je z nami, 01:58