Kajkavski (i) vide(l)o oblizeki

Pučko oprto vučilišče Sv. Ivan Zelina, organizator kajkavske recitalov “Dragutin Domjanič” pripravilo je lubitelem kajkavskoga jezika još jene “oblizeke”. Donašamo vam vide(l)o izsečke z 32. Smotre dečjoga kajkavskoga pesništva na čiji je natečaj pristiglo vukupno 265 nove dečje pesmi. Stručni ocejnivački sud (dr.sc. Ivo Kalinski, prof.dr.sc. Joža Skok i dr.sc. Božica Pažur) zebral je 56 pesmi za vundavajne v zbirke naslova “Oblak, najdi me!” a 31 ojdni je i javno zpelan 20. listopada na Smotre v Sv. Ivanu Zeline. Pesnički biseri moru se videti, čuti i prečitati klikom na slikicu nijove autorov (recitatorov).

Nadamo se da bute vuživali!

Za gledejne vide(l)o klipekov v Vašomu Internet pregledniku mora biti instaliran i omogučen
Adobe Flash Player! (http://get.adobe.com/flashplayer/ )

http://www.pou-zelina.hr/component/content/article/170-kajkavska-poslastica-2012.html

Na priliku:
Anamarija Vitez, 6. r(azr)ed
Pelatelica: Maja Priher
OŠ: “Vladimir Nazor”, Sveti Ilija

Vrata domovine

Vrata moje hiže
Navek su otpreta,
Saki k nama more dojti.

I vrata mojega srca
Otpreta su za
Pomoć pajdašima dati,
Za kušlec bratu, mami i tati.

I nebo svoja vrata ima.
Stari ljudi veliju
Da nas Sveti Peter
Čeka tam.

Domovina moja
Pak najvekša vrata ima!
Sim ljudima kaj v njoj živiju,
Sim ljudima koji se sim nameriju
Zi širokim osmehom
I otprtim srcem,
Domovina širom opre
Vrata hrvatska!

 http://www.pou-zelina.hr/component/content/article/203.html 

Pesma je vundana v zbirke “Oblak, najdi me!”:

http://www.pou-zelina.hr/images/stories/Smotre/32/Oblak_najdi_me!.pdf
32. Smotre dečjoga kajkavskoga pesništva “Dragutin Domjanič” – Sv. Ivan Zelina 2012.

Anamarija Vitez – Vrata domovine, 01:11