Leona Roginek, 3. r(azr)ed
Pelatelica: Barica Mlinarek
OŠ Breznički Hum

Spovet babice Marice

Moja babica same dvori i dvori,
a gda dojde v hižu same se jadi:
„Pak same ja pri te hiži dielam!“

A tuo vam je zate
kaj babica ima mužeka,
mojega dedeka,
dva sineka, dvie snehice,
četiri vnuka,
a peti je bome na putu.

Pa vas pitam:
„Koj bi vi na to rekli?“
Dedek z rukami pleska,
snehe se smieju,
tatekov doma ni,
pak misle da babica
same doma spi.

Na tuo moja babica
same zmigne i k svoje,
pernate živinice pobegne.

Tuo vam je spovet
moje babice imenom Marice.

Pesma je vundana v zbirki “Oblak, najdi me!”

http://www.pou-zelina.hr/images/stories/Smotre/32/Oblak_najdi_me!.pdf
32. Smotre dečjoga kajkavskoga pesništva “Dragutin Domjanič” – Sv. Ivan Zelina 2012.

Zvir:
http://www.pou-zelina.hr/component/content/article/190.html

Leona Roginek – Spovet babice Marice, 01:19