Milan Krmpotič

Strina Kata

Stiha bom vam nekaj rekel,
moramo šeptati,
kaj se fčera pripetilo
naši strini Kati.

Predi neg vu krušno peč so
kruha peči deli,
kotrige si kre jognjišča
vračiti so šteli.

Ober križi zdigli kikle,
fanj čas so se greli,
al najempot – skočili so,
fest so se smodeli.

Najte, najte preveč glasno
vezda se smejati,
mogli bi nas čuti strina,
z botom naganjati.

Slika:
Krušna peč
http://s2.pticica.com/foto/0000192457_l_0_PY43E1.jpg

Zvir:
http://www.pticica.com/slike/strina-kata/192457

* * * * * * * * * * * * * * * * * * * * * * * * * * * *

Ansambl Vedra srca – Krušna peč, 03:29