Pregled tisKAJna

Međimurske novine,
e-vundato: 19.11.2012.
 
Premišlavanje Jožeka radnika

Kak sam vam več rekel, Drava je poplajla Puščine v tork odvečer i vu noči, vse do srede vjutro, a vu sredo navečer došla nam je vsima skupa nova nevola. Dinamovci so fasovali vu Parizo štiri komade. Morete si misliti kak je bilo Puščinčarima šteri navijajo za Dinamo? Još jempot se pokazalo gda jedna nevola nigdar ne dohaja sama i kaj je nej voda vništila Dinamo je to napravil!

Dok je čovek betežen i to čuda bole nek se mo šika, očem reči, kaj vse boli ili pak se po štirje vleče i to mo veli jeden doktor, on si zeme cajta i peneze i ide k drugomo doktoro po drugo mišleje, jerbo znate kaj vam je jedno mišleje, to vam je kakti i jen gemišt, a to je čistam ništ. Tak so vam naši političari, a i oni čija bi voda trebala biti prva briga (Hrvaške vode, Ferid i pajdaši, čija je briga skrbeti kaj nas voda ne poplavi) poslušali vse ono kaj so jim govorili iz Zagreba, našega glavnoga grada, a voda je došla z Osterajha i Dežele. Nej sam kaj je došla, nek nam je predrla šanca pre Gornjemo Hraščano i neje dugo trelo več so Puščine i Puščinčari plavali. Vsaka čast nam Međimorcaj, mam smo doleteli vu Puščine i punili vreča z peskom, ali mi smo to delali z ceste, a voda je dohajala po vrtaj i punila dvore, pelnice i stanovaje. Nejso brez vode ostale niti štale, koci, peradarniki, škedji… Neje bilo lefko, a voda je sam dohajala i dohajala. Puščinčari so se znašli na vse mile načine: nešterni so se vu koritaj vozili, nešterni v čonima, nešterni so si obuli batove škorje do riti, a nejveč jiv je nej moglo do reči dojti od šoka. Kuliko sam mel za čuti, takša poplava je još nej bila vu našemo krajo, a vsi se slažejo z tem gda smo sam posluhnuli Janeze, šteri so dva dni prepovedali kaj nas čaka, vse bi drugač, očem reči, čuda bole bilo. No, ve moremo sam jafkati i čakati kaj voda odide i kaj probamo vse to, kuliko se bode dalo, posušiti i poprajti. Još jempot nam je voda pokazala gda je ona dober sluga, ali hudi, bole nikši, gazda. Vsi smo to znali, a i drugi so nam to pripovedali, ali mi ne verjemo dok to ne sprobamo na svojoj koži. Kak god je to hudo bilo, ali je vsa sreča kaj smo vsi preživeli i kaj je nej nišči nastradal. Par dni posle naš međimorski župan je preglasil elementarno nepogodo štero je naprajla Drava. Najgerek sam, jako sam najgerek, kuliko bode to Puščinčaraj pomoglo gda znamo kak je minister Linič škrti, druzga peneze i špara jiv za brodogradilišča.

Kak sam vam več rekel, Drava je poplajla Puščine v tork odvečer i vu noči, vse do srede vjutro, a vu sredo navečer došla nam je vsima skupa nova nevola. Dinamovci so fasovali vu Parizo štiri komade. Morete si misliti kak je bilo Puščinčarima šteri navijajo za Dinamo? Još jempot se pokazalo gda jedna nevola nigdar ne dohaja sama i kaj je nej voda vništila Dinamo je to napravil!

I Janezima je vgaslo v pipi kaj se dotikavle Ljubljanske banke. Najme kaj, več duže od dvajsti let oni z nas delajo hrmake i nedajo nam naše peneze štere smo mi, na leta, šparali vu Ljubljanskoj banki. Nejga dostik mesta kaj bi vam vse nabrojil kaj so zdelavali sam kaj bi te penezi vu Deželi ostali zanavek. Nadjali so se gda bodo, te naši ljudi šteri so šparali v jivoj banki, pomrli i gda jiv več nišči ne bode terjal. No, nej so se toga fčakali več je i jiva slovenska rit došla na šekret, ali nej na naš nek na bosanski. Kak se meni zdi Bosančerosi imajo bolše fiškaljoše od naših i nagovorili so evropske soce kaj bodo Janezi morali vrnuti jive, a unda i naše peneze. Vidite, dok so Bosančerosi zeli boto vu svoje roke, stirali so lisico vum z šume. Nikaj brez jiv. Pak je zišlo po onoj pučkoj: dok nekaj nebreš rešiti dej to vu roke Bosančerosaj. Dok sam to zazvedil mam mi je na pamet pala ona negdašja misel: (.)ebeš državo štera Bosno nema.

Dišel je dišel Sveti Martin, on ga je  krstil, a ja ga bum pil… Sveti Martin je pokrstil vsega mošteka, očem reči, kak onoga šteri je zavrel, tak i onoga šteri još navek vri. Isto tak je pokrstil onoga šteri se več ščistil i ima duho po vini, ali ne bi znal reči je li je nešči podlečil i onoga šteri je bil napravleni od Zorčecove vode, jerbo je i takših bilo. Znate kak je to gda vam posle dobre berbe ostanejo par lagvi prazni. Ne bi del roko vu ogenj, kakši smo več mi Međimorci je, gda je nešči i  takšega mošteka dovlekel pred svetoga Martina. Makar je bila i suša, mošta, očem reči, vina ga jega dosti i prosim vas lejpo kaj se primete posla kaj nebomo Božekovo kapljico fkrej vlevali. Znate kak bi precednik Zoki rekel kaj o temo piše vu Bibliji: Žetva (čitaj: berba) je bila velika, a težakov ga malo… A jega tre posluhnuti bar unda gda nam to paše.

Posle gospodarstvenikov z Evrope vu Prilog so se dotepli i gospodarstveniki z Singapura. Nej znati što jiv je dovlekel vu grad na Dravi? Kuliko sam mel za čuti za Prilok i priločkoga načelnika se intereserajo i Kinezi. Pitali so Guglina gde je tej Prilok i kaj je to tam kaj vsi durajo tua, a oni ga nikak, niti z povečalom, nebrejo najti na karti sveta. Mortik so se ve, vu Kataro, zišli z prvim potprecednikom vlade gosponom Čačićom, pak bo jim on povedal gde je hatar jegovoga pajdaša Drageca Glavine.

Vu minulo nedelo je vu čakoskoj južnoj cirkvi Svetoga Tončeka bil koncertlin na orguljaj, a igral je nejbolši poljski i jeden od nejbolših orguljašov vu Evropi i sveto. Andrašek Bialko. No, to vse kaj on zna, kaj se je navčil i kaj je nejbolši je nej bilo dostik našaj navučitelaj, nastavnikaj i profesoraj, šteri našo deco vučijo popevati  kaj bi ga bili došli poslušat. Najte me krivo razmeti, ali meni vam to nejde vu glavo.

Zvir:
http://www.mnovine.biz/novo/index.php?option=com_content&view=article&id=15228:i-slovenska-rit-je-dola-na-ekret&catid=301:joek-radnik&Itemid=575
i(l) str. 56 sim:
http://issuu.com/mnovine/docs/mnovine897i?mode=embed&layout=grey           
i(l) str. 56 sim:
http://www.mnovine.biz/images/pdf/897/mnovine897i.pdf   

* * * * * * * * * * * * * * * * * * * * * * * * * * * * * *

TS Oblaki – Raca plava po Dravi, 01:55
Tamburaški festival Buševec 2008