BÂRKA – list župě Sv. Barbara Velika Mlâka – elektroničko izdâjně
br. 49, Prosinac, 2003., Leto 5.

Pűt v povest

pišě:     Nikola Maković

49

K Markice sem ja koj mali zalazil svojum Janicum, jerbo je negva Katek bila vršnakijna i skup su išle na Mlake v školu. Na kraju života Markica je siromak zbog betega ostal bez nog, pa su mu kupili invalidska kolica vukemi se vozil, i više put vuz cestu zaspal.

 
Krpa zemle, od Jureka z Brckovoga ižice do Jožića Beničkinoga pri Kovače, bila je jedna loza Cundekovič tere se, kaj bi ja znal, ni nikak po špotu reklo. Tu su bili Juda i Đuro pl. Cundekovič, ki su osim Iviča, komu se govorilo Sigeta o teromu sem pisal prošli put, imali još i: Imbriča, ki je z Janekom pl. Plepelič z Plesa (sestra Barek je bila žena od Miška Lackovič sina Roka z brega) imal jedinca, Drageca. Dragec je ožejnen z Baričom z Dolenca, čerjum Iviča Trumbetaša komu se reklo Čaruga, i Dore rodom Kunič. Dragec i Barič imaju dva sine, ožejnene. Stareji Čedo je bil ožejnen z dolenčicu Maricum, čerjum Števiča Trumbetaš komu su govorili Pilekof. Marica je bila visoko zeškolana, za zubaricu. 
Zrodila je dvoje lepe dece, i rano, v četrdesetom letu je vmrla. Čedek je do denes ostal dovec i sam skrbi za decu. Zlatko, mlajši Dragecof i Baričof sin se oženil z Jakuševca i ima čer. Ojnem neznam više. Med Imbričom, Dragecovem ocom i druge dve bratof, Juriča komu su govorili Jujeta i Markice je bila, i sad je, vulička. Ta je vulička išla k jedne drevene iže ke se ja malo sečam, a vujne je pod starost živela dovica Juda. Ja sem koj dete vujne bil kad je Juda mrla, znekem od svoje. Te iže više ni. Na kraju vuličke je živel Markica. On je bil ožejnen z Milkum, čerjum Števe komu su govorili Cogar, i Katiča od Korliča Munđera. Markica i Milka su bili skromni ludi i život su preživeli v drevene ižice ka je još i sad.   
Čedo Cundeković, prvi zleva 
Imali su dve čeri ke su po lepote bile prave mamine čeri. Stareja Draga se vdala na Odru k Vučiću, a mlajša Katek v Rašče, k Iveku Koprjnaku komu je Filip s konopel bil stric. Ivek je puno let bil na velikomlačke zadruge blagajnik. Otut je taj vredni i pošteni čovek otišel v mirovinu ku uživa v svem domu, v Rašču. Čini mi se da obadve imaju jedince, a ak ni točno, nek oprostiju.

K Markice sem ja koj mali zalazil svojum Janicum, jerbo je negva Katek bila vršnakijna i skup su išle na Mlake v školu. Na kraju života Markica je siromak zbog betega ostal bez nog, pa su mu kupili invalidska kolica vukemi se vozil, i više put vuz cestu zaspal. To sem videl i žnem sem se znal spominati kad sem išel na zemlu v “Otočec”, po ječmen, kukuruzu. Mam do puta je bila iža Markičinoga brata Juriča ili kak mu se reklo Jujeta. Toga se ja čoveka ne sečam, ali sem poznal negvu ženu Lubu rodom z Dolenca, sestra od Pavca, Miška čoveka, Iviča Čaruge, Bariča ka je zela Franceka Malarovoga i Mariča pri Črjnaku z Gorice. Luba je z Jujetum imala sina Miška komu su govorili Čvink, i čer Janeka ka je v zamuš otišla na Malu Mlaku za mesara Juru Cvetkoviča. Zrodila je tri prelepe čeri. Miško se oženil z Marum, Raščankum, skum je imal jedinca Pepeka, ki se z avutom zabušil v drevo negde pri Čutarjevu, i na žalost, na mestu se vubil. Pepek je bil ožejnen z zagorčicum Milenum. Imali su lepu curicu Danijelu. Sad se več i ona oženila, tak da je Pepek živ, bil bi deda.

Komačec vrta je Miško prodal doselencom, Tončeku i Dragice Kušen, ki su po sina Ratka žene Davorke povezani z starum velikomlačkum familijum Imbre Lackoviča Todeka. Osim ove četiri sinof, Juda i Đuro su imali i dve čeri: Janiča ka je život preživela v Amerike z Ivičom Kunič, Pažulevoga Roka bratom, i Rožu ke su govorili Čopica, vdanu na Odru k Bačurinu. Roža je imala sina Drageca koga sem i ja poznal, jerbo sem ojdnega v mesnice na Lomice D. više put kupuval meso i kobase. Dragec je bil dober i pošten mesar, s čem se baš pravi Odrci nemreju poštimati. Sigurno je da je poštejne i obzir spram ludem nasledil po mame, ali i po familije Cundekovič s tere je potekel. Na velikom placu zmed Drageca Cujnkovoga Dajdeka i Črdaka je bila najviše praznina. Tu su bili vrti bratof Lackovič, Pavla i Jureka. Negda su se stareji zagnezdili na gruntu, a mlajši morali otijti. Tak je bilo z Pavlom i Jurekom zbrckova. Na kraju vrta ižicu si je naredil Jurek. Oženil se i okučil z Barbarum, rodom z brojne i siromašne familije Jagnič, z Rašč. Imali su čer Dragicu, starosti moje Janice, tak da sem i knem koj mali višeput zalazil. Negda je to bilo radi igrajna, a negda i radi poslušajna radija koga su oni med prvemi na Mlake imali. Na mestu te ižice sad je velika duplična zidanica, na kat, vuke živeju Dragine čeri ke ima z Mijom Krilčič komu račeju Štefanov. V sečajnu mi je i Dragina stara majka Dora Jagnička ka nas je navek lepo prijela i ak je kaj slatko imala ponudila nam.
 
Jurek je bil fajn stareji od žene Barbare, tak da je več fajn let prešlo kak je on vmrl, a Barbara dovica. Ona je kak i puno našega sveta otišla v Nemačku de još i sad dela, za marke, ke davleju sigurnost nezine čeri i zetu, a osetiju to i nučiči Krilčič, Domovič i Peček. Gledeč s ceste, brate Paviča i Jureka Lackovič kaj jem se veli Zbrckova deli starinski, na pol dreveni, a na pol zidani Črdak. Vujnem je več sekaj bilo.
V mojem detinstvu v dolnem delu drevene polovice je bil dučan. Na katu je stanuval Francek Vučko z ženum Marijum ke se govorilo Micika. Oni su rodom bili Slovenci. V dučan se išlo po industrijsku robu ke je za onda bilo malo. To je bil cukor, volje, ocet cukorvanilija, čikulada i napolitanke Adrija, cigaretlini, žigice, marmelada. Ja i pokojni Jurič Brozovič smu se namerili na nekakvi plesnivi čokoladni desert ki je Francek tržil, komad po dva dinare. Ni nam niš bilo ojdnega, samo nas je tuliko omrsil, da smu doma svojemi peneze krali kaj smu to išli kupuvat.   

Na slike:
– Čedo Cundeković, prvi zleva
– Vladimir Domović i sin Juraj, a nalukavaju se Nana i strina Vera 

Zvir:
http://www.barka.com.hr/barka49/put%20u%20povijest.htm

Miroslav Krleža
Balade Petrice Kerempuha

TUROPOLSKA REŠTAURACIJA
A. D. 1848

 Mi nedamo jezika kaj v Lukavcu i v Mlaki
kak đemant blisiče naša đunđanosna reč,
kaj tverja je neg jesu
i Hapšpurg i Šenprun i Prag i Beč . . .

http://www.forumgorica.com/kajkavski/pro(iliti)za-kajkavsku-p(r)oeziju/msg2503/#msg2503

Video: Naše selo Mlaka je,   02:43
Velikomlačka himna v izvođejnu Miroslava Lackoviča Mimija i TS Svibenska noč