Vesti Ogranka „Selačke sloge” Buševec
17.11.2012.
9.”KAJ-BUŠ”
ZESTANEK PUČKE KAZALIŠČ KAJKAVSKOGA GOVORNOGA PODRUČJA
Po deveti puta za redom v Domu kulture Buševec, 17.11.2012. leta od 18,00 vur, se održala svečanost pučkoga kazališnoga amaterizma naše kajkavcov, ali i nijove gostov. Letos se KAJ-BUŠ izvrsno poklopil z Nočjum kazališča tera se vupriličuje v nekuliko zemli Europe.
Z našemi predstavi i mi smo dali svoj mali doprinos te falevredne inicijative. Ovo leto na “deska tere život znače” Doma kulture v Buševcu su gostuvali sledeči dramski amateri z svojemi predstavami:
– KUD “Mala Gorica” – Mala Gorica – “Božična pripovest (priča)”
– KUD “Paurija” – Dubravci (občina Netretič) – “Na selu ima sega”
– Etno vudruga Kurilovec Kurilovec – “Jel je mlieko, jel je voda” i
– Češka beseda Doljani – Doljani – “Put v Ameriku”
Odlične predstave, puno gledališče i izvrsna atmosfera po do zna teri put su potonačili da se splati dojti nastupiti v Buševcu na KAJ-BUŠ-u, ali i da se splati dojti pogledati ke to dramski amateri imaju za pokazati. Ovo leto smo najpre videli jenu lepu Božičnu pripovest (priču) z vilami, tera nas je vpelala u ovo predbožično vreme. Potlam su nam gosti z KUD-a “Paurija” pokazali kak je negda na selu bilo sega, ali se z predstave može ščitati da niti des ne puno drugač. Oduševili su nas svojum odličnum glumom, domačem paurskem jezikom i nasmejali nas do suz svojemi gegi i vupadicam.
Iza jni na scenu su zišli glumci Etno vudruge Kurilovec teri su nam v kratke jednočinke pokazali kak su negda ludi prinas v Turopolu nosili mleko v Zagreb i da tu nesu saki put baš bila čista posla. Znajuč da imaju još jenu predstavu “Božič v Kurilovcu” šteli smo im na ov način dati poticaj za dalne bavlejne dramskem amaterizmom jer vidimo da potencijala v Kurilovcu ima.
Za sam kraj programa ostavlena je predstava Češke besede z Doljana “Put v Ameriku” tera je prešlo leto (2011.) na Festivalu hrvatske kazališne amaterov na Hvaru preglašena najbolšum amaterskum predstavum v Hrvatske. Maker je predstava na češkomu jeziku, vuz vpelajuče obrazložejne nijove pelatelice gospe Svjetluške Prokopič, izvrsnu glumu i dinamiku predstave, ter jednostavna rešejna za zmejnajne kulis vužitek je je bilo gledeti i slušati. I ov puta se pokazalo da za izvrsnu predstavu niti jezek ne problem, jer su glumci bili zadovolni reakcijam publike, a publika je vuživala v predstave.
Nakon odigrane predstavi za vučesnike (ne 135) i organizatore vupriličena je zajednička večera i družejne vuz tamburaše OSS Buševec v Vatrogasnomu domu Buševec. Glumci su pokazali da se osim ke odlično glume, znaju i dobro zabavlati.
Na druženju su vuspostavleni još bolši medsobni kontakti i več su dogovorjena medsobna gostuvajna. Naša predstava “Dok nas smrt ne rastavi” ima pozive za Rakov Potok, Doljane i Dugu Resu, a mladi glumci z Rakovoga Potoka za Sv. Mikulu dolaze v Buševec. Baš zbog ovakve stvari su bitna zajednička družejna posle predstavi.
Zafalujemo još jemput sem vučesnikem 9. KAJ-BUŠ-a, naravno i naše verne publike i vidimo se na nekomu novomu događajnu.
Predsednik OSS Buševec
Nenad Rožič
Zvir:
http://www.oss-busevec.hr/vijesti.htm
Najava dogotkov
„Kaj–buš“, DK Buševec, zestanek pučke kazališč kaj-govornoga područja
Kavaliri Kaj buš ti, bum i ja, 03:16
