Pregled tisKAJna
Varaždinske vesti, br. 3543, 27.11. 2012.
Piše Barica Pahič
KAJ je naše pitanje i naš odgovor
Zanimljive je kak ljudi obrču kapute i mienjaju mišljenja
Piše: prof. Barica Pahič
Dek je Ante bejžal po svetu, govorili su da toga “nacionalistu, kriminalca i genocidaša” treba sikak vloviti i v rešt zaklenuti doživotno.
Gda je presuđen “na 24 leta krletke” su zjavljivali da je to prava svecka pravda, a vezda se kuneju da su pri oslobađajuči presudi od sreče “plakali kaj kiša”. A zaprav, takvi ni nemaju svoje mišljenje. Veruju ono kaj im novine i TV serviera.
Zadnjih dnevov smo z sieh novin i z teveja zapljusnuti vglavnem viestimi o tem kak su presuđena tri naša javnika; najprie Čačić, pa Gotovina i onda Sanader. Viesti idu od najvekšeg stupnja slavljenja do najnižeg obezvređivanja. Si imaju svoje mišljenje o tem, a jake je zanimljive vu tem kak ljudi obrču kapute i kak brzo mienjaju svoja mišljenja.
Morti nie ni mišljenja, neg ono za kaj misle da drugi trebaju znati kak misle. Tak sam imela priliku videti da su neki, šteri su slavili Čačića kak gospodarskoga genija, najemput pričeli trditi da je “toga muljatora” več odavno trebalo deti “onkraj brave”. Još je zgodnejši slučaj Gotovine i Markača. Dek je Ante bejžal po svetu, govorili su da toga “nacionalistu, kriminalca i genocidaša” treba sikak vloviti i v rešt zaklenuti doživotno.
Gda je presuđen “na 24 leta krletke” su zjavljivali da je to prava svecka pravda, a vezda se kuneju da su pri oslobađajuči presudi od sreče “plakali kaj kiša”. Isto tak v slučaju Sanadera veliju da je dobil premalo i da su srečni kaj je dolijal, a prie su isti trdili da je to najvekši hrvatski državnik. A zaprav, takvi ni nemaju svoje mišljenje. Veruju ono kaj im novine i TV serviera.
Neki pak ne veruju ni v ono kaj vidiju ze svoji očmi. V jeni emisiji se raspravljalo o haaški presudi. Si su se slagali da je presuda pravedna i da je to konačna pobeda Hrvatske, ali…
Ali, naš veliki “mea culpa”, kak prirepek prati cielu našu obranu o šteri su ni člani VKD-a nie preveč vupali pisati, osim nas dvoje-troje. I se je to bilo prihvatljivo dek je nie poslikani viečni Pupi i z svojim bolečivim glasom naglasil srpske patnje radi Oluje.
O tem kaj se dogajalo prie, čez kakve su patnje morali prejti Hrvati, pogotove oni v tzv. Krajine, nie ni beknul. Nikakvoga kajanja! Ni rieči o Vukovaru, Škabrnji, Bućinu, Četekovcimi, logori, skupnimi grobnicami ni kajanja. On je protiv slavljenja Oluje kak i veselja kaj su naši generali oslobođeni. Kaj ti je moč javne rieči! Meni je to dalo misliti. A vam?
Zvir:
http://varazdinske-vijesti.hr/pdf/3543.pdf
* * * * * * * * * * * * * * * * * * * * * * * * *
Međimurska narodna pesma o ispračaju dečkov i mužov (v) vojsku (na front)
Tamburaši KUD-a Kotoriba – V Kotoribi cugmašina fučnula, 03:19
