Blagi kotrljajuči bregi
z načičkanimi hiži
pitomi zagorski lugi
sercu so mi se bliži.
Rollings hills, denes bi rekli
kakti je te moderne ve,
se je prepune anglejnštine stranjske
tak se nigdor niš ne razme
sikut furt se čuje;haj, baj, okej, kis i fak
se je ponorelo, pak je to odjenput tak.
Naši stari so nemštinu vučili
sad mladi some anglejštinu
saka generacija nekaj zmišlava
al nam najdrajši kaj vri vu nutrini
ki svetla luč v tuđoj črnini
za navek zapisan v krvi i geni.
Some jene ni mogoče zmeniti
miris blagi vu gorski lugi
jengve vrganje najslajše je jesti
hodit po pitomi kotrljajuči bregi.