ZVONA, Mesečni list čakovečke žup, PROSINEC 2012.
NEKAJ ZA ČAS KRATITI
Nikaj brez spovedi
Pred nami je Božić, več je pred vrataj, očem reči, na poceko. Ne morate ga čakati pre potni lesi, mali Isusek bode sigurno došel. Več duže od dve jezeri let dohaja na krajo Adventa, pak verjem gda niti ve ne bode zahuzal. Neje on kak mi. Svetešjega stola bodete napunili, kakša je god kriza, sam pazite kaj vas ne bode videl minister Linič jerbo nam pak bode novoga poreza včehnul, ali bi vas prosil kaj bi išli na Isusekov doček črez spovedalnico, kaj z Božekom poravnate račune.
Verjem gda ste i vi bili veseli kak i ja gda so nam dimo z Haga pustili naše heroje i vitezove, generale Gotovino i Markača. Kaj nebodem ve vse ponavlal zakaj so oni tam bili, ali štel bi reči gda so čakali, na leta, kaj jim soci oprostijo grehe štere so nej naprajli. Morete si zamisliti kakša je to duga spoved bila i kak so dugo bili vrešto, a na vse zadje se je zazvedilo gda so nej nikaj krivi. Moramo deti roko na srce i priznati gda so meli srečo kaj so Karlo del Ponte poslali v penzijo jerbo gda so joj dali pravico vu roke naši generali bi još dendenes prhnuli vu haškomo rešto. Verjem gda bodete se tu z menom složili, ali si več dugo gruntam gda je i tu naš dragi Božek mel svoje prste i on je pomogel kaj je gospa Karla odišla i pravico za Lejpo našo ostajla socima šteri so nam dečke vrnuli dimo. Kak je i red i kak so si zaslužili. Nej znati što bode ve shodil pre, dragomo Božeko, kaj jim produži živleje za tuliko let kuliko so bili v rešto.
Drugi šteri je bil pre spovedi je bil naš negdašji precednik Ivek Sanaderov. Jega pak je spovedala naša čakoska gospa Tamara Laptoš. I njoj je dragi Božek pomagal kaj je mogla zdržati vse te huncvutarije štere so Ivek i jegovi fiškaljuši speluvali.. Kak bilo gda bilo, Ivek je moral odgovarjati za to kaj žel tam gde je nej sejal i jemal je ono kaj je nej bilo jegovo, a kaj je nej niti herbal. Na vse zadje je moral odgovarjati za vse kaj je napravil makar so mo Tamara i sodec Turudić, isto Ivek, oprostili, ali za pokoro so ga poslali v Remetinečki rešt na deset let. Nek si čovek pregrunta zakaj je to delal.
Vidli smo kak čuda cajta mora minuti gda bi se pravica skazala vu Hago, a na drugoj strani je došlo na svetlo dneva vse ono kaj je Ivek pregruntal gda se nidar ne bode zazvedilo. A vidite kak je nam lejpo: dok nekše grehe napravimo, očem reči, zglajzamo z pota šteroga nam je naš dragi Božek pokazal, moramo sam dojti v spovedalnico, pokleknoti se, prekrižiti i priznati vse ono kaj smo zahuzali. Vsega par minot nam tre kaj se znova pomirimo z dragim Božekom. A i to nam je tak teško. Kak tua tehnika ide naprej, brzčas, bi nešterni šteli kaj bi se mogli spovedati prek mobitela ili pak kompjutora. Mortik bi bilo čuda leži gda bi se grehi mogli pošiljati prek emajla, pak nek ti mladi fratri, Marko, Tomo i Vjeko, dežurajo pre kompjutoro. Ili pak bi se vse to moglo rešiti prek Fejzbuka, tam je, brzčas, nejvekša stiska i tam so skorom vsi i to vsaki den po par vur. Ak mene pitate ne bode čuda vode preteklo spod pod mostom na Trnavi i grehe bomo pošiljali prek Interneta. Nebodem o temo dale premišlavlal kaj se nebodem zavozlal, pak zidem kak Gordijski vozel.
Pred nami je Božić, več je pred vrataj, očem reči, na poceko. Ne morate ga čakati pre potni lesi, mali Isusek bode sigurno došel. Več duže od dve jezeri let dohaja na krajo Adventa, pak verjem gda niti ve ne bode zahuzal. Neje on kak mi. Svetešjega stola bodete napunili, kakša je god kriza, sam pazite kaj vas ne bode videl minister Linič jerbo nam pak bode novoga poreza včehnul, ali bi vas prosil kaj bi išli na Isusekov doček črez spovedalnico, kaj z Božekom poravnate račune. Srečnoga i blagoslovlenoga Božiča vam želem, a na mlado 2013. leto vsega obilja.
Vaš Tonček
* * * * * * * * * * * * * * * * * * * * * * * * * * * * * * * * * * * * * *
Zvir:
ZVONA, Mesečni list čakovečke žup,
Leto XVI, br.12, prosinec 2012. l.
Nakladnik: ŽUPA SV. NIKOLE BISKUPA, ČAKOVEC,
http://www.ofm.hr/zupa_cakovec/ , http://www.ofm.hr/zupa_cakovec_jug/
Naklada 750 primerkov
* * * * * * * * * * * * * * * * * * * * * * * * * * * * * * * * * * * * * *
Kajkavski v cirkvam
Velečâsni Ivan Hrâstovičov, župnik v Loboru v Hrvackomu zâgorju, sě z svemi meštani spomina(l) kajkavski i, ke jě posebno vâžno, na mešami propovéda(l) na kajkavskomu jeziku.
http://www.zagorje.com/articles/2340/show.aspx
* * * * * * * * * * * * * * * * * * * * * * * * * * * * * * * * * * * * * *
KAJKAVSKA VEČERNICA I MEŠA
a) pdf oblik (zvirni oblik, z ilustrâcijam):
http://www.esnips.com/r/hmfl/doc/e5f32fb6-9f50-4fc3-8c7b-4629d332d4a2/KAJKAVSKA_VECERNICA_I_MESA
b) editérajuči oblik (ně baš lépo posložen, bez ilustrâcij)
http://www.forumgorica.com/kajkavski/p-oltar-portal-nas-svagdasni-pobozni-i-vragolasti-bogoslavija/msg4294/#msg4294
c) Video:
Kajkavska večernica z mešum: KAJ v Zeline 2008. i 2009.
http://www.forumgorica.com/kajkavski/p-oltar-portal-nas-svagdasni-pobozni-i-vragolasti-bogoslavija/msg21820/#msg21820
Na priliku z leta 2008. (1/5):
Cvetlinski zvon
Praf lepa je cvetlinska fara,
praf lepi je “Cvetlinski zvon”.
Praf lepa je cvetlinska fara,
praf lepi je “Cvetlinski zvon”.Nastavek:
http://www.forumgorica.com/kajkavski/bednjo-nujlijepsi-kemaucek-svieto/msg44291/#msg44291
* * * * * * * * * * * * * * * * * * * * * * * * * * * * * * * * * * * * * *
Adventska
Tičice lepo spevaju, 03:17
Božični koncert OSS-a Buševec leta 2007
http://www.youtube.com/watch?v=FzIGGMlKeXk