Pregled tisKAJna

 Zagorski list br. 219 / 28.12.2007.

(K)REŠ

Piše: Krešimir Končevski

I dok je večina naših ljudi zaokupljena slavljenjem rođenja Sina Božjega, a onda i novoga ljeta tere dolazi, dok si čestitame uz najbolje želje, niti se ne primeti kolike se one kaj delame razlikuje od onoga kaj govorime. Ake postoji sumnja da li Bog postoji ili ne, mislim, da nema sumnje v postojanje Vraga. Nije bitne da li je Vrag v obliku čoveka z repem i rogi, ili v terom drugom obliku, ali ja uopče ne sumnjam da on postoji.

Da je to istina imam i dokaze.
Ake zanemarime predbožičnu ludnicu, pripreme, šoping itd. nemreme i nesmeme zanemariti sam Božič i se one kaj bi on trebal značiti. I to nije bitne da li sme verniki ili ne jer neke su vrednosti univerzalne, ljudske. Božič je same jeden od simbola mira, tolerancije, prilika da se zmislime da sme ljudi. A ljudi se od ostale živine razlikuju po razumu, spoju inteligencije i racionalnosti, suosječanja i ljubavi. Valjda!?

No meste da noč v teroj je, navodno, rođen Sin Božji, simbol sega toga, poštujeme ko vreme rezervirane za vrednosti terih se v ostalom periodu male ili ni male ne zmislime, mi sme i tu noč u stanju iskoristiti za zadovoljavanje najnižih oblike ljudske pomame.

Ake je ugostiteljstvo nerazdvojni oblik ljudskoga druženja, onda bi na Badnjak bertije i ostali lokali trebali biti meste susreta i druženja prijatelja, suseda, poznanika, meste de bi si ljudi mogli četitati i v atmosfere Božiča, rasterečeni sakodnevne strke i pomame opušteni uživati v međusobnom društvu i zadovoljstvu kaj nisme sami nek sme okruženi z ljudmi teri su dio naših života, tere poštujeme i teri nas poštuju, barem taj jeden jedini dan. No stvarnost ni taj dan nije ni male idilična. Raspomamljeni mladunci divljaju z auti po cestami, pojedini katolički ugostitelji Badnju noč koristiju za zgrtanje ekstra profita nudeči zabavu dok župniki bez uspeha pokušavaju prenesti poruku Božiča. Oni teremi bi ta poruka največ trebala ionak nisu pri meše, nek divljaju uz zvuke lakih nota v nekojem od lokala čiji vlasniki nemaju ni tolike katoličkoga morala da bar za Božič svoju ponudu uskladiju z prigodu. Božič se pretvara v još jednu priliku za tulum bez obaveze.

A nakon Božiča Štefanje, dan kad se makar same v jutre otpiraju dučani. Ok, ljudi si trebaju kupiti kruh, kakvu sitnicu teru su pozabili i to je to. Ali ne! Dok sam išel po kruh mogel sam svedočiti kak se trpaju puna kolica kojekakvih gluposti, kak da su dučani v mesec dan otprti same taj dan. Da dučani delaju valjda bi i za Božič bila gužva. Ljudi kak da nemreju biti doma, kak da ih neki vrag tira, nekam se mora iti same da se nije doma, bertije, šoping, nije bitne.

I za beli Božič tek je nekolicina našla vremena počistiti si sneg oko hiže, ostali čekaju da to napravi nešči meste njih, a ak nisu zadovoljni, če nikoga drugoga, bar buju zimsku službu ogovarali v bertiji za stolem. A da ni nakon ovih praznike nije kraj rasipanju garantiraju novogodišnje rasprodaje. Dokaz da je kupac neuništiv!

Zvir:
http://www.zagorje.com/articles/4349/show.aspx
i
Zagorski list br. 219 / 28.12.2007. / aktualno (papérnato izdâjne)
Nepotpuno online-izdâjně:
http://www.zagorje.com

Turopolska forumGorica
HR.KAJ.NĚ? – Lépa naša kajkavska / pregled tisKAJna

http://www.forumgorica.com/kajkavski/hr-kaj-ne-lepa-nasa-kajkavska-tiskajne/msg9443/#msg9443

Kult(tur)ni rockeri ze Zaboka grupa „Zâdruga“ z vođum (frontmenom) Krešimirom Končevském Krešom, negdašném kolumnistum „Zâgorskoga lista“:

Vide(l)o:
Zadruga – Mala Čiči, 03 :31