Neke misli Dragca (Dragutina) Dubravčiča… o politike
(ŠTAndardno pisana ina(t)čica more se pečitati v prethodnomu listu)
Najbezvezneše, a v istu dobu i najhasnoviteše i najpoželneše zanimanje je – političar.
Navek se pitam, kak političari pelaju lubav?
Političar je stvorejne tero zvana zgledi kak čovek.
Narod je zebere i dene na vlast, a oni ga onda tlačiju.
Jadni Hrvati. Šteli su svu državu, a dobili cirkus.
Na plemenite zemle, političari su drač i pleva.
Pesji paraziti su buve, a ludski političari.
Političar ne-mura iti na šakret, jer sere celi den.
Negdašni plemeniti hrvatski Sabor, denešni cirkus.
Čak i avuti z političkoga beglajta zglediju kak cirkuski light show.
Mediji vrte političare kak da su bogi, a ne tati.
Zake se v Hrvatske ne napravi i posebno grobje za političare, kak je na priliku, rečko pesje grobje.
Idealna država bila bi bez političarov.
Termin “visoka politika” je zmišlen da bi se prikrila stvarna glupost političarov.
Političarem je najjakše oružje, baš laž.
Narod puno zna, al malo more. Političari malo znaju, al puno moru.
Politički gledeč, Hrvatska je senok samo roba.
Demografsko čudo: Hrvatov ima se mejne, a političarov se više.
Postoje ludi teri žive za Hrvatsku i političari teri žive od Hrvatske.
Dok se političari i generali igraju, vojniki pogibaju.
Dober političar osluškuje narod, al narod navek zebere niščetnoga političara.
Politika je umetnost igrajna igri, kak zigrati narod.
Političar nastupa kak da se zna, a zna samo ono ke mu prišepnu.
Tuliko za sad, a više se more najti v Dragčove knige aforizmov “V medvremenu” (U međuvremenu) de ima prek jezero aforizmov.
Turopolska forumGorica
Ivek (Ivica) PepelkoVSE TI JE TO POLITIKA
Rad sam imel svega deda.
Bil je štimni muž z mustači.
V nedelu je k meše hodil
Navek nasmejan – v robači.
Čudil sam se kak je trpel
Kaj ga baka ždere, pika.
Znal se same nasmejati:
Vse ti je to – politika.Imela je baka razlog
Kaj se furila na njega.
Iako se za vse brinul,
Bil je vragu z tuorbe zginul.
Rad je hodil vu gorice,
Tješil snehe i dovice.
A baka naj doma – pika.
Vse ti je to – politika.Kak su prešla mnoga leta
Kad pogledam okol sebe,
Kak se javno laže, krade
Kak se kuha, kak se mota
Kak se plete, vuzla, štrika
Mislim da je ded praf imel:
Vse ti je to – politika.Nema više muške riječi.
To kaj veliš – da je tak !
Dober, pošten, če si denes
Zglediš kak da si bedak.
Jer nikaj ni kak se čini.
To kaj vidiš – nije to.
Med redi je druga slika!
Vse ti je to – politika.Nema više jedne kune.
Niti deset, niti sto !
Vse je negde deve-devet.
A kome kaj znači to?
Tristo lip su jene žvake
A scifrane te devetke
Su kak porez na bedake.
Misliš – nije vredno čika!
Al, vse je to – politika.Kak se denes vu tem znajti,
Kak normalen vu tem biti?
Biznis je na prvem mestu,
Drugog mesta niti ni.
Em vsak gdo si ikak more,
Vu politiku beži.
Mast na juhi — gore pliva
Bolj se grije teri bliže
Kre pečičke si sedi!Al koji su ipak pravi:
Žouti, črni il’ črleni,
Beli, plavi il’ zeleni?
Med sobom su vsi već zbrani
Z semi farbami nafarbani.
Sad se svade,sad su skup
Njima se to tak i šika.
Jer, vse je to – politika.A za nju pak vsi veliju
Jednu grdu, grdu reč.
Ne bum rekel ju na glas.
Rimuje se z riječi – MURVA.
Pak če hoćete baš znati,
Politika vam je…..!
Al to ste vi rekli !Zvir:
Ivica Pepelko: Kaj vu duši (zbirka pesmi), 2009.
Nakladnik: Službeni glasnik d.o.o. Krapina
