Turopolska forumGorica
“Plemeniti puti” Vojka Miklaušičovoga
H) Vraštva (1)
(1. od vukupno 7 stranic)
http://www.forumgorica.com/kajkavski/’plemeniti-puti’-vojka-miklausicovoga/msg45117/#msg45117H) Vraštva (2,3)
(2.i 3. od vukupno 7 stranic)
http://www.forumgorica.com/kajkavski/’plemeniti-puti’-vojka-miklausicovoga/msg49450/#msg49450
H) Vraštva (4)
(4. od vukupno 7 stranic)
Od srbečice:
Z voljeni mazati.
Sršna bol:
Vareniku od rutice piti. Ali ruticu namočiti v staro vino pak na žlice piti.
Suvan:
Suvu slaninu s pelinovem perjem jesti. Vareniku od pesjeg jezika (trpuca) z medom piti i na sitno ‘rena jesti vuz oto. Vareniku od Agrimonie eupatorie dugo piti.
Trgajne i kalajne v kosti:
Natirati s koprivami, slanom rakijom ali z pu’ovom maščum.
Kupati se v kuvanom drožđu. (Parna? Kupelj od octa).
Vetri:
Varenika od kimlina.
Če se voda zapre:
Od šipka vareniku piti.
Vodenika:
Piti samu sirotku, obložiti z lestjem od bekovine (Salis vitelina) i z voljem mazati prede. Piti vareniku od korena kopine, hebe-da, borovice i listja lopura.
Otečeni vrat:
Šaku vratiča (tanacetum) popariti i na vrat pod krpu i rubec okolo.
Vrbanec:
Vrbajnščaka prepeči na maslu i maže se ono mesto.
Vručina:
Kuvano vino piti.
Bolno vuvo:
Par kaplic toploga volja kapnuti nutrek. S tuvlem varenikom od črnog sleza spirati. Netrosova soka čez krpu procediti pak v uvo nakapati. Vodu od črlenog luka v uvo (od zdreckanoga).
Zanovtice:
Zajčevo salo gore, ali malo zmesnoga kruva z medom.
Zaprtost:
Kuvane suve slive.
Zimica:
V čašu staroga vina papra deti i kimlina i klinčeca i popiti.
Očistite se:
1 do 3 žlice prava rabarbare v rakiju od vinskog tropa.
Zubna bol:
Od šibe babikovine (Berberis vulgaris) dolnu žutu koru nastrugati i od toga zub nakapati. Ali par glavic nedozrele od maka namakati bar 8 dnevov v čistu tropicu i par kapi na vatu i na zub.
Žaludec:
Piti vareniku od kojnice, Božeg drevca, tritrice na tešče i više puti na dan. Sok od zimske povrtnice piti. V staro vino namakati rožmarina i piti na den po teru žlicu.
Žvale:
Z lešnakovem oljem ali s toplem lojem mazati.
Kolera:
Češnak i borovicu jesti. Paliti Angelicu silvestris suvi koren.
Mevke kosti:
Kupati v slanoj vodi da je kuvan oreov list.
Krč:
Mazati slanom rakijom. I za križa.
Kukec:
Staro salo metati. Luka črlenca, kozjaka i češnaka speči na masti i gore deti.
Kurje oko:
Luk češnak ali svežu govedinu gore metat.
(176)
* * * * * * * * * * * * * * * * * * * * * * * * * * * * * *
H) Vraštva (5)
(5. od vukupno 7 stranic)
Za rast lasi:
Korejne od kopriv kuvati pak vu tom glavu prati. I od torice (Lapa major).
Lišaj:
Mazati sokom od limone, voljem i z belanjkom od jajca.
Maternica:
Piti sok od zelja kiseloga.
Madron:
Travu polajec (Salvija pretensis) posušiti i na sitno stuči i med pražetinu.
Muzol:
Listje od rosopasa (cindule) ali slezovo pero napak deti.
Ognojeni nabodec:
Zajčevo salo deti.
Natuček:
Kukuruzovu melu rezmočiti i na krpu pak gore.
Nazebina:
Snegom namazati više puti. Z petroljem isto.
Opekotine:
Mazati z voljem de su se odmakali leri. Belajnek od jajca.
Oteklina noge:
Kuvati od hebeda koren (Sambucus ebiilus) i močiti noge. U vode od kuvanog listja oreja namakati a gore privijati oreov list svež.
Od čele:
Zvaditi žalec i zemlu gore.
Če noga curi:
Namakati noge vu vode od kuvanog listja belog sleza i oblagati z listjem ojdnega ali od podbela.
Če se poreze do:
Listje od blitve ali nakapati soka od osjaka ili (trpuca) pesjeg jezika. Zdrobi se suvi cvet od pelina ali koren od gaveza i posipa.
Pre’lada:
Piti vareniku od trpuca ali od preslice (Equis arvense) od koprive varenike.
Kak rana da zaceli:
Jedrku od orea stiskati i z tem voljem mazati. Netres stuči i pera na ranu. Prav od pelina.
Raspucane vusnice:
Mazati z voljem i toplem lojem.
Bradavke:
Travu bradavičnak stuči i na to privezati.
Dobrec:
Piti lipov čaj s kuvanem vinom. S voljem mazati. Vareniku od slatkog korenka.
Žaltavo lice:
Mazati z vodom od loze ka se plače.
(Fras) Srčni grč:
Rakiju u ke je bilo namočeno Bože drevce.
Glavobola:
Malko ruma popiti. Pelin popariti s kipučem octem i vruče na glavu pod rubec. Korena astrugati i isto tak mrkve. Na čelo deti perje od hrena ali pero od kiselog zelja.
Gliste:
Stučeni česnak z voljem jesti.
Prolev:
Lipov čaj z borovicom. Vareniku od trpuca. Rakije de je bil namočen pelin ali zeleni oreji.
Griža:
Kuvane kopine. Rožičke jesti. Piti črno vino s kopinami ali drenkom. Pustu juvu (prepečena mela i voda) Vareniku od titrice.
(177)
Nastavek sledi prvum zgod(n)um
* * * * * * * * * * * * * * * * * * * * * * * * * * * * * *
DONJA LOMNICA – Vojkovi dani 2009 – KUD NOVA ZORA, 06:46
