Pregled tisKAJna

Zagorski list, br. 329 / 2010-02-05.

Za dušu, za spomenek

Fašunjek i Pepelnica

Na sam Fašunjek h jutre, starem bi pucam na plot bil obiešen slamnati dečke. Te je je bila opomena i špot radi toga kaj se nie oženila. Ljudi su znalji govoriti da saka puca ostane neoženjena radi toga kaj fejst prebira. Ni jeden dečke je nie zapraf pak su se radi toga narugalji z slamnatem na plotu. Bolj niesu prešlji ni stari dečki. Njim bi na plotu na Pepelnicu bila pristavljena slamnata puca.

Od negda, a i denes od Pepelnice do Vuzma nie bilje ženidbi, pak su negda snoboki obavilji svoj posel do Korizme. Če se ženidba nie obavila do toga cajta unda su se čakale nedelje poklje Vuzma.

Na Fašunjek se je pune jelje. Od kokošine juhe, pečene kokoši, do bunceka h zelju i krafljine. Na Pepelnicu pak, bil je veljiki post i nemrs. Nie se smelje pune jesti, kakva korica kruha, čajek ilji se same pila voda. Niesu mrsilji i postilji same deca i betežni.

Nastavek:
http://www.forumgorica.com/kajkavski/hr-kaj-ne-lepa-nasa-kajkavska-tiskajne/msg41997/#msg41997http://www.forumgorica.com/kajkavski/hr-kaj-ne-lepa-nasa-kajkavska-tiskajne/msg41997/#msg41997

Na Pepelnicu pod mešum velečasni bi pojedinačno simbolički posipal pepelom po glave “da ne boli glava” i napravil pepelom križ na čelu. Pepel se ne nosil domom.

Josip Kovačevič: Obitelska zadruga plemenite Kovačevičov
IV. DIO – OBIČAJI
http://www.forumgorica.com/tradicija/zivlejne-v-turopolske-obitelske-zadruge/msg40524/#msg40524

Glazbeni ansambl Tresnjevka – Turopoljski svati, 03:19

Turopoljski svati

Črešnje cveto, črešnje cveto, se diši po medu,
v Turopolje, ravno polje, svati moji idu.
A svati su, svati beli, tak to mora biti,
Turopoljci plemeniti, kak od zemlje zbiti,
kak od zemlje zbiti.

Od Gorice, do Lomnice, od Lomnice do Goric(e),
cvile guci, cvile guci, a bajsica brunda.

Od Gorice, do Lomnice, od Lomnice do Goric(e),
cvile guci, cvile guci, a bajsica brunda,
a bajsica brunda.

Z ružmarinom nakičeni, tak to mora navek bit,
Turopoljci plemeniti, kak od zemlje zbiti,
kak od zemlje zbiti.

Spodi duge, tič od srebra, veter ziba trave,
pod travami top sad drema, spomen stare slave.
Al su dečki još od negda, tak to mora biti,
Turopoljci plemeniti, kak od zemlje zbiti,
kak od zemlje zbiti.

Od Gorice, do Lomnice, od Lomnice do Goric(e),
cvile guci, cvile guci, a bajsica brunda.

Od Gorice, do Lomnice, od Lomnice do Goric(e),
cvile guci, cvile guci, a bajsica brunda,
a bajsica brunda.

Z ružmarinom nakičeni, tak to mora navek bit,
Turopoljci plemeniti, kak od zemlje zbiti,
kak od zemlje zbiti,
kak od zemlje zbiti.

Versi: Drago Bahun
Glazba i arr. Božo Potočnik
Izvedba G.A.„Trešnjevka“