Najduži mesec v letu je iza nas

Navek sam se pital zakaj ljudi ovaj naš sečanj zovu najduži mesec v godini kad ima 31 dan kak i neki drugi meseci?  A to je ipak tak. Na kraju leta se navek fest strošimo jer kak za truc imate svetki kolko vam srcu drago: počnete svetim Nikolom, pa imendani i rođendani naših bližnjih, pa Božić, pa Novo leto i već na početku novoga leta ste v debelom minusu. Sve iz prosinca dojde na naplatu v sečnju. Moramo platiti danak rastrošnosti v prosincu. Ali to ni sve. Mi v Koprivnici, a kak čujem i širom lepe naše, smo dobili kojekakve čekove za naplatu baš v to blagdansko vreme. Najprije nam je ona vodena birokracija poslala čak tri čeka da platimo zato kaj pada kiša. Onda, kak je to navek v ovo vreme, morate Komunalcu plačati nekolko put više za plin jer se nekak moramo grijati a ovo leto nas zima baš i ne špara. Ak trošite više plina to pak vam znači da bute morali potrošiti i više struje i dok sve to denete na hrpu od svega se ipak smrznete. Mam iza novoga leta obično navrne i svečenik po svoju štibru, samo je sreća kaj naši za sad zemeju kolko im daš i ne sramiju se zeti malih penezi kak onaj iz Međimurja. Mi penzići kak i oni z plićim žepom srećom nemamo silnu potrebu iti na skijanje, jer se i neznamo skijati, a tam bi nas morti još i nasanjkali. Zamislite na kolko bi to rati trebali otplačivati, kolko put bi morali prevleči karticu ili kolko čekova ispisati? Dojde mi koj dan da sve ove kartice prerežem i hitim v koš. Koristim ih već prek tridest let i još se navek zavaravam kak to nisu penezi nego samo komad plastike, stalno nekaj taktiziram al me na početku svakoga novoga meseca račun ipak vrne v stvarnost.

Ne pratim baš redovito kaj se v politiki događa al tu i tam čujem da nam se pak spremaju novi nameti. Kaj nisu mogli pričekati proljeće pa nam onda to nekak nježno reći a ne baš sad kad nam je najteže? Ovak odbrojavamo te duge dane kak nedga vu vojski.  Do sad sam vam furt kukal al za kraj ipak malo optimizma. Nije baš sve do kraja jako crno. Od Božića do Tri kralja smo tolko nakuhavali koječega i pekli kojekakve kolače da smo imali kaj danima za jesti. Ja i sad imam po škrinji nekakve klope koje se i nakon mesec-dva moreju stopiti i pojesti. Još v studenom smo zaklali fanj smoka pa i od toga imamo nekakvu zalihu frišketine a bome visi nekaj još i na tavanu. Odrežete kakav komadić špeka za gablec ili čušpajz, ak dojdu iznenada gosti imate kakvu šunkicu ili lopaticu a najde se još i koja kobasa. Ono kaj sam investiral pred dva meseca sad mi se pomalo vraća. A fala bogu v podrumu ima i kiseloga zelja od kojega se moru napraviti kojekakve kombinacije za obed. Doduše bil sam neki dan pri mojoj doktorici  pa mi je rekla da idem na dijetu jer imam malo kolesterola z viška. Pital sam ju: “A kaj bum z onim kaj visi na tavanu?” Znate kaj mi je rekla? “Donesite to k doktoru!” Dobar savjet, nema kaj.

Pondelek

Juha/Glavno jelo: Čušpajz od korabice, faširanci
Desert: Nekakav sok

Tork

Juha: Paradajzova juha z noklecima
Glavno jelo: Pileći paprikaš z testeninom
Desert: Ledeni čaj

Sreda

Juha/Glavno jelo: Vinski gulaš
Desert: Kifli z pekmezom

Četrtek

Juha: Povrtna juha
Glavno jelo: Krmenadli na češnjaku, restani krumpir, kiseli krastavci
Desert: Lagani gemišt

Petek

Juha/Glavno jelo: Ričet; najte štediti na kožicama
Desert: Šnenokli a može i malo odgovarajuće tekućine

Subota

Juha: Podravkina kokošja iz vrečice
Glavno jelo: Špagete ala francuski krumpir
Desert: Mala pivica

Nedela

Juha: Juha od goveđih kostiju z grisknedlima
Glavno jelo: Junetina ala vild, semerknedli, šalata
Desert: Čaša crnoga vina, princeskrafli
Zvir:
http://www.coolinarika.com/clanak/a-kaj-da-danas-kuham-95/

Vid Balog i Kavaliri – Vrnul sem se v Podravinu, 03:39