Pregled tisKAJna
Varaždinske vesti, br. 3554, 12.02. 2013.
Piše Barica Pahič
KAJ je naše pitanje i naš odgovor
F kojekakve stvari se fpuščam
Ne mislim da je to (negda) bile bolje, ali deci treba reči da v te odnose nejdu prerane i radi mode, i prectaviti posledice na telesne i duševne zdravje i dalnje življenje. Igre z vragovim repom zezivlju teške životne drame.
Fpikavljem se f kojkakve stvari pa me neki pitaju kaj bi rekla na jake aktualnu temu zdravstvenega i spolnega odgoja. Niesem mislila da se f te stvari trebam miešati i moralizierati. No, kaj je, tu je. Dek nie bile takvega odgoja f školi, f tem području se odgajale potihe i šepčuč. Bile je pune več dece, ali nie i problemov izumiranja naroda. I onda su se ljudi zaljubljivali; i jake mladi i starejši, i v “intimne odnose” se fpuščali gda jim je tak došle. I onda je bile fačukov ( gerde se i sramne govorile).Ali nie bile toga da bi novine objavile da su se pucke v jene osnovne škole kladile štera bu “spala” z više diečkov. A pobiedila je ona štera je spala z njih sto, maker o spanju i nie mogle biti rieči.
Rečite kaj hočete, ali ja o tem imam svoje (reakcionarne) mišljenje. Kak pervo betežne je f tak rane duobe imeti tulike “odnosov” i to za okladu, a druge, kaj mi se vidi još betežnejšim, da se tak nekaj organiziera, a pogotki zbrajaju kak f športu jer mora biti i sucov šteri to nadgledavljeju. Istina, ljudi su naviek vu tem griešili, ali se do vernosti deržale. I negda bi či muž odišel f kvar, a prevarena žena i ona druga se rezrečunavale; spreklele, zeskuble ili sklempevuhale ak su se poznale. Prevareni muž pak bi svoju nevernu ženu zbil kak vraga ak je mogel, a ak nie, onda bi se napil i se po hiži spotrl, ali rastave braka su bile rietke. Kak se pokle živele, sam Bog zna. Ne mislim da je to bile bolje, ali deci treba reči da v te odnose nejdu prerane i radi mode, i prectaviti posledice na telesne i duševne zdravje i dalnje življenje. Igre z vragovim repom zezivlju teške životne drame.
A zakaj se vu te fpuščam? Tiem se, kaj nie, bavi veliki diel kniževnosti.To se vidi i f knige“Za Barbaru” šteru sam trebala prectaviti. Napisala ju je Ružica Schmid Bistrović, i posvetila svoji rođakinji. Po dokumenti i osobni zapisi, ona znaša dviestolietno propadanje i lutanje članov svoje obitelji po svietu, tiem do Nemačke. Ima tu i krimiča i herc-literature; ljubavi plemiča i selske puce, silovanja, ubojstva, osvete i obiteljske tajne radi štere je Barbara največa žrtva pretkov. Na miesti je radnja preveč razvliečena i nie baš smisleno povezana. Autorica za obiteljske nevolje krivi ljubavne i ljubomorne zgode pretkov.
Šteta je kaj nie prikazan pravi razlog rasprodaje obiteljske imovine strancem za male peneze. Slične se i denes dogaja v naši deržavi. Je li važne decu nafčiti i zakaj je tak? Kie ništ ne nafči z onoga kaj je bilo, se preživljuje znovič!
Zvir:
http://varazdinske-vijesti.hr/kaj-je-nase-pitanje-i-nas-odgovor/f-kojekakve-stvari-se-fpuscam.html
i(l) str. 20 sim:
http://varazdinske-vijesti.hr/pdf/3554.pdf
* * * * * * * * * * * * * * * * * * * * * * * * * * * * * *
El Combo – SPOVED (Ak sem ti srčeko ranil), 03:51
Gost u pjesmi: Rajko Suhodolčan
Ak sem te ikada fkanil,
ak sem i prešel vu kvar
ak sam ti srčeko ranil
pozabil te nebum nigdar
Ak sem i druge gledal
Ak sam i kušlec koj dal
O tem ti nisam povedal
Da pokle ti ne bude žal
Ak sem s pajdašima ostal
Ak sem te v noći zbudil
Popevke te semu su krive
I vince kaj srcu godi
Ak ti i nisam došel
Ak sem pozabil te zvat
Ja ti se znova kunem
Zatajil te nebum nigdar
Deni na papir