Pregled tisKAJna

Varaždinske vesti, br. 3559, 19.03. 2013.

Piše Barica Pahič

Kaj dima?! Megle! I to one štera se rasprostira, zavlači nam v dušu i nosi strah od otkazof, poskupljenja življenskih troškov, novi porezov, smanjenj  prihoda,  veliki kamatov,  pa od nezdravoga mlieka, neispravne hrane, kojkakvi betegov…Kie bi se nabrojil?! Za naš dim nie treba ni pečičk ni raufungov. Kaj to ni prava kniževna tema?

Čakanje na bieli dim z Vatikana je se bolj napeto. Na TV-u smo vidli ne sam pune kardinalov šteri buju birali novega papu, neg i dvie pečičke z koji budu dimi išli v zrak pred nestrpljivimi novinarskimi kamerami. I postavljanje raufunga na krovu Sikstine se mogle videti. Novinari obavljaju svoj posel. Pune je toga več poznato pa radooznalost ne dugoga vieka. Morti se šteri put i črni dim pokaže, ali ono kaj se čaka je bieli dim. A za njim bu sliedilo i ime novega duhovnega vođe krščanskega naroda kaj je zapraf jedini smisel priče štera jma poznati začetek i kraj, a sredinu, zaplietanja i rasplietanja, one najzanimljinejše i tak nebumo zeznali.

Morti bu ime novoga pape poznate prie neg se ovie tekst otisne. Naj temu novemu bu blagoslovljene papinstve na zadovoljstve i krščana i nekrščana. Od njega se očekuje briga za krščane i mirotvorna uloga v svietu. Papa mora biti moralna vertikala svieta.

Ali meni je nie bila glavna briga izbor novega svetoga oca. O tem ionak nišče izim kardinalov nebu odlučival, a mi bumo odluku primili na znanje. Mene raufung, pečičke i dim kakev se bu pokazal napelavlje na čist druge, nie baš pobožne misli. One me vleču  na domače proizvođače dima šteri se prinas, več put črni neg bieli, prikazuje sakoga dneva. A takvi pak prinas ima za izvoz. 

Kaj dima?! Megle! I to one štera se rasprostira, zavlači nam v dušu i nosi strah od otkazof, poskupljenja življenskih troškov, novi porezov, smanjenj  prihoda,  veliki kamatov,  pa od nezdravoga mlieka, neispravne hrane, kojkakvi betegov…Kie bi se nabrojil?! Za naš dim nie treba ni pečičk ni raufungov. Kaj to ni prava kniževna tema? I zate bum citierala nekaj  teksta šteri, kak se to vučeno veli, problematiziera naše društveno stanje v kojem

“Sigdi si klopoču kak prekleti  melin,
a melja jim je črna i žuhka kak pelin”

i konstatiera:

“…Zabadav se posluša kaj mediji veliju.
Od mudrosti šuplje saki dien brenčiju,
a od tega brenca, pameti i špota
knedljin nam zestaje sred tienkega gota.
Pogotnut se ne da skup sfrfljanog šrota.”

Čitatelju se f tekstu nudi i male

“…žuhkega smieha kaj med zobmi škergeče
i rieči štera čez zobe regeče.
Zabadav nam gore vukovarske sveče!
S politikom smo nigdar nie imeli sreče.
Zabadav nam gore svetla velegradska,
mi smo još mrklina i megla horvatska.”

Same, nekoji naivci veliju da se zaprav ni ne zna kie su naši proizvađači megle.Ma, hote spat! Kaj se nej znale? A nam ne treba megla neg bieli dim. I velike je pitanje gda bu nam i z šteroga raufunga spasonosne suknul!?

Zvir:
http://varazdinske-vijesti.hr/kaj-je-nase-pitanje-i-nas-odgovor/
i(l) str. 21 sim:
http://varazdinske-vijesti.hr/pdf/3559.pdf

* * * * * * * * * * * * * * * * * * * * * * * * * * * * * *

Dreletronic – Mrak, mrak, crni mrak (1994.), 04:04

http://www.youtube.com/watch?v=HOwTqH5jPuY