Ivanka Kunič, Vidovec

Marijina soza

Nova soza
žmehka, čemerna
čez zmočeni Ti se obraz
spustila, Marija
na terde zagorske
naše hrvatske grude
od srama i jada
pred bistrički bokci
nekam se skrila…
ili se morti
na friški križi posušila?

Ali – s pervim soncem
da z bistričkog turnja zazvoni,
Tva soza, Marija,
kak dragi kamen
pred prošenciju bistrički bokcov
naze zablešči.
Blešči soza na križnom potu
našega Svetišča
kak repatica v noči blešči…
prošencije bistrički bokcov
hrvacki romarof
na križnom potu
stolietne Kalvarije
z istu molitvu, z istu nadu i veru
još i denes skup drži.

Na zrovune grude
našega Svetišča
znad stari i friški
naši grobišča
Tva soza, Marija,
na sakom križu
kak svetinja blešči.

Za istu molitvu,
z istu veru vu
vuzemsko zdignuče
se nas skup drži
Tva soza, Marija.

II. Recital duhovno-refleksivnoga pesništva “Josip Ozimec” Marija Bistrica, 2000.
2. nagrada Stručnoga ocenivačkoga suda

http://www.rmb.hr/index.php?kat=recitali&podkat=josip_ozimec&opsirnije=46

* * * * * * * * * * * * * * * * * * * * * * * * * * * *

Žva FIOLA – Vužgi jenu luč – Gornja Stubica, 04:04