Dragutin Domjanič

Sneg pred Vuzem

Pun glavobolkah je lug,
Puna fijolicah trava,
Kaj se je zmislil taj sneg,
Da si sad pak poprhava?
Zemlja od sna se budi,
Čekaju pupki na grani,
Noč si slavička želi
Sunčeca toploga dani.
Zime je bilo vre dost’
V mesece kmične i duge,
Vsaki veselja bi štel,
Dost’ nam je zime i tuge.
Vuzem pred vratmi je vre,
On se i v srcu nam javlja,
Kaj če sad zima i sneg,
Vuzem se suncem pozdravlja!

http://hr.wikisource.org/wiki/Sneg_pred_Vuzem
i(l)
http://dzs.ffzg.unizg.hr/html/Domjani2.htm

* * * * * * * * * * * * * * * * * * * * * * * * * * * *

Sneg je beli pokril naše rože – TEREZA KESOVIJA, 03:50