Pregled tisKAJna
Varaždinske vesti, br. 3561, 02.04. 2013.
(e-vundano 05.04.2013.)
Piše Barica Pahič
KAJ je naše pitanje i naš odgovor
Različno se tretiera one štere je roda spustila f kakvu selendru, a nie vu veliki grad
(Druga pak veli da) zaostali ljudi drugem prebrajaju “krvna zrnca”, a napredni miesta gde je kie rođeni
Varaždinci znaju kaj je dobre pa če i nie njiheve. Nedavne su v Gradske knižnice ugostili slovenske kniževnike z Ptuja. Kak god da je bilo zimogrozno, publike je bilo puno. Pljeskala je i smejala se. Smehom je popratila i parodiju na hrvatsko – slovenske političke odnose.
Kak god da je teden pred Cvietnicu zgledelo da vuletno vrieme ipak dohaja, ja sem se vnapre zmrzla kak da sem znala da nas čaka nuovi snieg i zimske hladnuoče. I to nie poradi vremena nek onoga kaj je bilo na TV-u. Ne znam kie me je vrag natental da otprem TV baš dek su se spominjale Špičkovina i Vukovina. Odma me zvala kolegica štera špičasto ime nemre podnesti, kam pak Vukovinu, zate kaj ju to jake asociera na vuke i vučje zakone. Ona se zlaže z tiem kaj je bile rečene. Druga pak veli da ime potieče od imena za nekšno germlje štero ima ljekovitu kuoru i da zaostali ljudi drugem prebrajaju “krvna zrnca”, a napredni miesta gde je kie rođeni, maker misli da rečeni govornik to ne bi rekel da nie bil čemeren. I kaj s tiem?
No, niesu ta imena one kaj je mene fpičilo. Fpičilo me tuo kaj saki dien doživljavam da se ljude različno tretiera pogotove one štere je roda spustila f kakvu selendru, a nie vu veliki grad. Ne bi se morti na to ni obrnula da v naše kulture ne vrvi se od Ranka Marinkovića i da prie toga niesam v Kazališču glediela predstavu prema njegve pripovetke “Ruke” šteri dramsku prilagodbu i režiju potpišuju Vesna i Dubravko Torjanac. Ove Varaždince ništ ni smetalo to gdi je rođeni genijalni književnik šteroga je roda spustila na otok Vis, f to vrieme malo ribarsko naselje Komižu. Ak i dolje na jugu rode nosiju decu! Torjanci su tie posel odlično obavili i oduševili i kritiku i publiku. Sjajne!
V novinami se liepe more ponoviti gradivo z srednje i to same čitanjem naslova knjiga štere je R.M. napisal. Kie još ne zna za “Gloriju” i “Kiklopa”? Nije pozabljen ni slavni Varaždinec V. Jagić.
Je, a v Kazališču je cieli teden gosp. Kerekeš nasmejaval Varaždince. Do karte je bile teške dojti. Niš nie čudne kaj on vu Varaždinu nasmejava ljude, ak on to more i v Zagrebu i drugde (TV i film) i nikomu ne smieta to otkud je. Pametnim pak ljudem to ionak nigdar ne smeta dek se ne reščemeriju.
Varaždinci znaju kaj je dobre pa če i nie njiheve. Nedavne su v Gradske knižnice ugostili slovenske kniževnike z Ptuja. Kak god da je bilo zimogrozno, publike je bilo puno. Pljeskala je i smejala se. Smehom je popratila i parodiju na hrvatsko – slovenske političke odnose. Zmislil nas je na “politično venčanje” Boruta i Jadranke, i da su se ti odnosi znovič bili zašpinčili. Bile je bile povuci- potegni radi penez, ali se još točne ne zna kie je kaj potegnul. No, naj ne gubimo nadu. Čakaju nas slična “venčanja” jer oni ve imaju Alenku, mi pak Zorana.
Zvir:
http://varazdinske-vijesti.hr/kaj-je-nase-pitanje-i-nas-odgovor/razlicno-se-tretiera-one-stere-je-roda-spustila-f-kakvu-selendru-a-nie-vu-veliki-grad.html
i(l) str. 21 sim:
http://varazdinske-vijesti.hr/pdf/3561.pdf
* * * * * * * * * * * * * * * * * * * * * * * * * * * * * *
Zadruga – Ja zivim vu malomu selu, 02:03