(nastavek prethodnoga lista)

ŠTEFEK SOLDAT

scenarij: Štefica Fanjek

Prva scena

( Seoska kuhinja. Joža sjedi za stolom i čita, Ruža dolzi iz vana, u ruci nosi ceker.)

RUŽA: Koj još niste otišli?

JOŽA: Kak bi otišli kad ovoga klipana nije.

RUŽA: Kam je pak otišel?  Joj mene joj, če zakesnite na vizitu nedu ga u vojsku zeli. Tera ga bu dekla zela?

JOŽA: Dej čkomi Ruža, naj još ti stvarati nervozu. Bude došel! Im nije po svetu prešel. Dej mi reši nekoj za jesti. Sem još na tešču dušu.

RUŽA: (Stavlja kruh i sir.) Na, vraga pojel, samo na svoju rit misliš.

JOŽA: Pak nem na tvoju. Nesi ni ti svoje riti  mačaha.

(Dolazi Štef)

ŠTEF: Dobre jutre! Ima koj za jesti? Tak mi se vu črevu pretače od glada.

(Sjedne i jede.)

RUŽA: Kud hodiš? Več ste trebali otiti, a tebe nije od nikud.

ŠTEF: Sem se tuckal z Jankičom.

RUŽA: (čudi se) Ti si  se tuckal? Je li si ti pri zdrave pameti? Pak nije to za stare klipane kak si ti.

ŠTEF: Ivek je oteral guske na gmajne, pak sem se ja mester nega igral.

RUŽA: Si ti mogel guske oterati.

ŠTEF: Nesem se zmislil.

RUŽA: (digne glavu u zrak) Bože, Bože, koj sem ja tebi skrivila koj si me natepel z ovim neotesancom. (Okrene se prema prisutnima.) No koj bute sad tri dane najedali?

(Brzo se dignu.)

JOŽA: Koj se dereš sad mi je sir prešel v požirake. Tak me draple kak da bi me nešte z čavlom harbal. Dej mi piti!

RUŽA: (stavlja vino) Na, vraga popil! Ote več jemput.
(Obrača se Štefu.) Da se nebuš držal kak da si se smrzel. Moraš spometne govoriti. Inače te nebu doktor zel vu vojsku.

ŠTEF: Kak to misliš?

JOŽA: Dok te doktor pita moraš mu se lepo odgovoriti.

ŠTEF: Je kad ne znam koj me bu pital.

RUŽA: Pital te bu kak se zoveš?

ŠTEF: To je lafko povedati. Ja bum rekel Štef Šušlek.

JOŽA: Ali doktor bi te znal i kakvo drugo pitanje zapitati.

ŠTEF: A koj takvoga?

JOŽA: Viš  rekel mi je Matek Špičkov da ga je pital, gda je bila Seljačla buna. Mogel bi i tebe.

ŠTEF: Je, to je teško pitanje.  Bum pital Iveka bu mi on povedal.

JOŽA: Je li znaš gdo je zdigel bunu?

ŠTEF: Ne sečam se.

RUŽA: Si se to vu škole vučil. Koj ti nije niš vu glave ostale.

ŠTEF: Morti baš taj dan nesem vu škole bil. Bum i to pital Iveka.

(Dolazi trčeći kuma Bara.)

BARA: Joj ljudi dejte pomorite. Krava mi se teli, a sama sem doma.

JOŽA: Gde je kum Miško?

BARA: Otišel je na semen.

RUŽA: Kak baš sad, a Joža i Štefek se spremaju na vizitu.

BARA: Pak nek Štefek sam ide. Im mu nije tutora treba.

RUŽA: Naj bedastoče pripovedati. Nejde Joža ž njim. On ide za svojem poslom.

BARA: No pak ne bu tuliko zamudil.

JOŽA: Bute začkomele! Idemo to obaviti i gotovo. Ruža ti odi z menu, a ti Štefek pričekaj da Ivek dojde pak te nek poputi vu one koj smo se spominjali.

(Odlaze.) 

ŠTEF: Koj se ja sad moram vučiti gda je bila Seljačka buna. Koj je bile, to je prešle. Ja bum rekel doktoru.:” Ja bi s topa pucal! Pošlite me vu vojsku!”

(Dolazi Ivek.)

IVEK: Rekel je japa da me nekoj trebaš.

ŠTEF: Ivek, bi ti mene nekoj nafčil. Če me pitaju na vizite, tak da znam.  Je li ti znaš gda je bila Seljačka buna?

IVEK: Znam 1573g!

ŠTEF: U gda je to bile! To si moram dobre zapamteti. (ponavlja 1573, 1573…) A gdo se je bunil?

IVEK: Seljaki!

ŠTEF: Štel sem reči, šte med nimi najviše bunil?

IVEK: Koj te zanima gdo je zdigel bunu?

ŠTEF: To, to! To me zanima.

IVEK: Matija Gubec!

ŠTEF: (ponavlja) Matija Gubec, Matija Gubec!  Zakoj se je bunil taj, kak si rekel Bogec?

IVEK: Gubec!

ŠTEF: Baš taj! A zakoj se je bunil?

IVEK: Zate koj je narodu bile teško živeti.

ŠTEF: I koj je dale bile?

IVEK: Onda je narod z Gupcom krenul u napad na vlasteline, tere je vodil Franjo Tahi.

ŠTEF: Franjo Tahi, Franjo Tahi! Moram si i nega zapamteti.

IVEK: To saki bedak zna.

ŠTEF: Viš ja nesem znal dok me nisi ti navčil. Dej me pitaj. Da vidiš koj sem zapamtel.

IVEK:  Prvo pitanje! Gda je bila Seljačka buna?

ŠTEF: Prvo pitanje,1573!

IVEK: Točne! Drugo pitanje. Šte je zdigel bunu?

ŠTEF: Drugo, M…M…Matija Gubec!

IVEK: Trejte. Protif  koga?

ŠTEF: Trejte! Vlastelinof!

IVEK: Četrte! Šte im je bil na čelu?

ŠTEF: Četrte! Franjo Tahi! Si videl kak sem pamtlif.

IVEK: Dobre si si zapamtel. Samo naj do tam zabiti.

ŠTEF: Bum si ja putom ponavlal. Da sem bar ja tam bil

IVEK: Gde?

ŠTEF: Na bune! Ja bi s topa pucal.

IVEK: Nesu oni tope imeli. Samo vile, kose, motike i bote.

ŠTEF: I šte je pobedil?

IVEK: Tahi!  Negovi su bili bole naoružani.

ŠTEF: Da sem ja bil s topom, nebi seljaki zgubili.

(Dolazi Joža.)

JOŽA: Idemo Štefek! Bumo zakesnili!

ŠTEFEK: Idemo! (Odlaze.)

IVEK: Je li si si se zapamtel?

ŠTEF: Jesem!

(Svjetlo se gasi.)

(nastavek na sledečomu listu)