(Pro)letek predstave
Pučko oprto vučilišče
Sv. Ivek (Ivan) Zelina
Zelinsko amatersko kazališče “ZAmKa”
komedija Štefice Fanjek
Štefek soldat
Vukratko o predstave:
“Trideseta su leta prešloga stoletja. V narodu živi vuzrečica Do ne za Cara ne ni za curu i velka je sramota ne biti primlen v vojsku. Štefek, prezimenom (i pametju) Šušlek, sem srcom oče obaviti svu dužnost. Roditeli, svesni sinovoga hendikepa, postaraju se spuniti dečkovu želu i Štefek othaja na služejne v Zemun… Ne još podišal barut topa z teroga bi pocal, a friški soldat okonča kak posilni v stanu pukovnika Kralevske vojske. Zadatek: čuvajne otađbine i časti oficirove mlade žene. Štefek se jako trudi opravdati vukazano mu poverejne i, očekivano, vupada v niz (ne)predvidive zapletov… Ke se se trefilo v tri lete Štefekova službovajna i ke ga čeka da se vrne domom, zezvedete v 70-ek minut pučkog teatra teri vam donašamo …”
* * * * * * * * * * * * * * * * * * * * * * * *
Glume:
Štef Šušlek ……… ……………………………Mario Dukarić
Joža Šušlek ………………………………….. Stjepan Nizek
Ruža Šušlek …………………………………. Zdenka Kamenarić
Ivek Šušlek ………………………………….. Josip Kamenar
vojni doktor …………………………………. Kruno Hublin
Marko / lekar Nenad Stanković ……… ..Goran Bagavac
Ruda …………………………………………… Zdravko Pustički
kuma Bara ……… ……………………………Katica Frljak
Milica Karanović ……………………………. Danica Bejuk
Goga Karanović …………………………… .Mari Ivica
majstor svetla i tona: ……………………. Marijan Fanjek
ŠTEFEK SOLDAT
scenarij: Štefica Fanjek
Prva scena
( Seoska kuhinja. Joža sjedi za stolom i čita, Ruža dolzi iz vana, u ruci nosi ceker.)
RUŽA: Koj još niste otišli?
JOŽA: Kak bi otišli kad ovoga klipana nije.
RUŽA: Kam je pak otišel? Joj mene joj, če zakesnite na vizitu nedu ga u vojsku zeli. Tera ga bu dekla zela?
Nastavek:
http://www.forumgorica.com/kajkavski/stefica-fanjek-stefek-soldat/msg51111/#msg51111
Dragutin Milivoj Domjanič
CIKLAME,
KRVAVE CIKLAME…
Tam sunce je strusilo zlato
Čez listje na preprut i na me,
Iz luga su lukale guste
Dišeče črlene ciklame.
Ciklame, krvave ciklame,
Da broja ni moči im znati,
Tak puno, da čoveku čisto
I smililo nakel se stati.
Veliju, da negda je zdavna
Tam grobje zapuščeno bilo
I vsega je preprut prerasla
I cvetje ciklamah je skrilo.
Vuz reku železna je cesta,
Železna tam ružiju kola
I voziju naše soldate
Bez broja prek brega i dola.
I tam, gde su najgorši boji,
Gde nigdo se smrti ne straši,
I najviše gde ih pogiba,
Sigurno tam budeju naši.
Po celomu svetu su boji
Na hiljade zmirom ih pada
I samo se širiju grobja
Prek zemlje i sela i grada.
*
I došla je noč ili žalost
Na nebo, na zemlju i na me
I videl sem vsigde po svetu
Ciklame, krvave ciklame.
* * * * * * * * * * * * * * * * * * * * * * * *
Produkcija:
Pučko oprto vučilišče Sv. Ivan Zelina, 2013.
www.pou-zelina.hr
