Varaždinske vesti, br. 3569, 28.05. 2013.
Pregled tisKAJna
Piše Barica Pahič
KAJ je naše pitanje i naš odgovor
Mali naviek ostaju mali
Naši moderni selebritiji, pohlepniki, kartaši i kockari ze suobu ne ostavljaju same svoju pustoš neg povlače i svoje zaposlenike i vnoge obitelji. Se se to vrti v samouništavajučem ringišpilu. Ali se nie treba tomu veseliti, neg o tem na vrieme misliti zate kaj se neprestane ponavlja. Ak publika to i razme, kaj ima od toga? Morti same podržavanje sviesti da se s tiem nie treba miriti. Mali naviek ostaju mali, a nagle zdignuti se moreju nagle i zrondati nazaj
Se se več odvrtelo, maker još nie do kraja. Još bu toga v drugom krugu. A kakev bu kraj?
Se je v Božje ruke, same je pitanje kie bu v te vertnje kažnjeni, a kie nagrađeni i zakaj. Znovič bumo se uverili da su nedohvatni puti gospodnji.
To da se sikak more odvrteti potrdila mi je predstava “Tri kavaljera frajle Melanije” v našemu kazališču. Napravljena je po delu Miroslava Krleže štero je predstavi prilagodil i režiral proslavljeni Georgij Paro. F podnaslovu priče se otkriva “kak je propadala hrvatska Moderna”, kaj se vidi nie same po življenju rečene frajle, neg i po liku siromašnoga i sušičavoga pesnika Trnina, njegvem shvaćanju društvene i kulturne situacije i na kraju sameubojstva. Z programske knjižice doznajemo da Krleža svoj ironični tekst o bogati nasljednici i njeni kavaliri, nie baš bil oduševljen z ideju da se tie njegev tekst znovič štampa i da je priča pisana prema živlenju stvarne osobe.
O tem svedoči popratni tekst “Na tragu Melanije”. A zate kaj je f tem življenju i f te sudbine i sam imel nekaj udela, imel je i razloga da tie tekst nastoji porinuti v zaborav. F tomu mi se male zvertela i spreobrnula i slika o njemu. Se se da protumačiti ze svojega kuta, ali i doživeti ze svojega osobnega životnega stajališča. Zate je moguče i to da svoje ponašanje autor prikrije ili nesvesne razotkrije. Melanija je imela peh da ji roditelji priskrbe bogatstvo, a nie bila baš pametna. Lakomislena i nedorasla svoje životne pozicije oponašala je one z “više klase”, a nie razmela da nesvesno juri f propast (kak i autorev živi model).
Kaj me napeljalo pisati o predstavi f šteri se more čuti i male kajkafščine?
Gledeči Melanijine lude zabave, tancanja i akrobacke prevrtanje po Parizu i Zagrebu, nerazumne rasipanje penez na kavaljere; večnoga studenta i kartaša i salonskoga “naprednjaka”( korisna same ponižavajuče siromašnem pesniku), napeljavalo me na spoređivanje z življenjem naši moderni selebritijev, pohlepnikov, kartašov i kockarov.
Oni ze suobu ne ostavljaju same svoju pustoš neg povlače i svoje zaposlenike i vnoge obitelji. Se se to vrti v samouništavajučem ringišpilu. Ali se nie treba tomu veseliti, neg o tem na vrieme misliti zate kaj se neprestane ponavlja. Ak publika to i razme, kaj ima od toga? Morti same podržavanje sviesti da se s tiem nie treba miriti. Mali naviek ostaju mali, a nagle zdignuti se moreju nagle i zrondati nazaj.
Predstavu je sikak dobre pogledati nie same radi višega doživljaja zbilje, neg kaj je i poučna i zabavna.
Zvir:
http://varazdinske-vijesti.hr/kaj-je-nase-pitanje-i-nas-odgovor/mali-naviek-ostaju-mali.html
i(l)
str. 25. sim
http://varazdinske-vijesti.hr/pdf/3569.pdf
Aktuelni broj VV:
http://varazdinske-vijesti.hr/online/Main.php?MagID=1&MagNo=1
* * * * * * * * * * * * * * * * * * * * * * * * *
Tičeki mali i(liti) „Errrrrrrrare humanum est”
TIČEKI POPEVAJU.3gp, 02:23
