Čakavski va EU!
Ste vi malo videli kako bi te sakramenske »zelene« otele ukinut hrvacki zajik va Evropskoj unije. Ja, ona Frančiska z Holandije i ona Marija z Njemačke, te dve šušumige su dokončale da mi, Bosanci, Crnogorci i Srbi povedamo isten zajikon, ki, pazite vi sad to, dohaja z jednoga zajedničkoga ki se zove srpsko–hrvacki i da kad je tomu već tako, neka se lipo dogovorimo da nan ta ishodišni bude i zajednički.
Ja bin rekla ste za to da čakavski bude službeni zajik cele Unije. A ne govorin niš bedasteje od njih dve, aš ako one misle da se mi si razumemo zato aš povedamo isten zajikon, onput je činjenica da bi se na račun čakavskoga razumeli i mi, i Slovenci, i Rusi, i Česi, Slovaci, Makedonci i da ne nabrajan dalje, a prava podloga za to je ča drugo ako ne staroslavenski. Da mane poslušaju ne da bi zašparali, leh bi čuda zašparali.
Piše Slavica MRKIĆ MODRIĆ
Ste vi malo videli kako bi te sakramenske »zelene« otele ukinut hrvacki zajik va Evropskoj unije. Ja, ona Frančiska z Holandije i ona Marija z Njemačke, a more bit i obrnuto, ma baš me briga, aš ako njih dve misle da j sasma svedno s ke republike bivše Jugoslavije dohajaš, ča bi se ja pojidala skuda su one. Najme, za one ki ne znaju o čemu povedan, sad ću i pojasnit. Te dve šušumige su dokončale da mi, Bosanci, Crnogorci i Srbi povedamo isten zajikon, ki, pazite vi sad to, dohaja z jednoga zajedničkoga ki se zove srpsko–hrvacki i da kad je tomu već tako, neka se lipo dogovorimo da nan ta ishodišni bude i zajednički.
Tako su to dokončale i predložile F & M, i ostale žive. Ljudići moji, kad san ja to pročitala, ne daj Bog da su mi bile blizu, aš bi doma šle i raskosmane i finjene. Najprvo bin jih raskosmala aš ča se pačaju va ono o čemu pojma nimaju, onput bin jih posela i lipo njin dala do znanja da povedaju bedastoći. Predavanje bi počelo od staroslavenskog, pa bi preko Ćirila i Metoda nekako došli do prosvjetitelji, spomenuli i Vraza, i Vuka, pa još čuda njih, onput bin njin za lektiru dala si starohrvacki pisci, ma i si oni ki su važni za nacionalnu baštinu ostaleh bivšeh republik, pa kad bi se to pročitale bin jih pitala ako još vavek misle da su šegavo predložile to ča su predložile. Ma ne bi tu bil kraj, morale bi one mane naučit i glagoljicu, i ćirilicu, napamet Njegošev »Gorski vijenac«, Mažuranićevu »Smrt Smail Age Čengića«, dakako da i »Balade Petrice Kerempuha«, pa četire pjesmice od Balote i pet od Gervaisa, ma i citate z Andrićeve »Ćuprije«, tri poglavlja od Crnjanskog, celu povjest oveh prostori, pa ako bi se to preživele, onput bi imele navadit i čakavski.
Turopolska ForumGorica
Muzh – Siječanj 21, 2010Vevo je moderna drzhava:
Zeleni maštaju o “izvornome srpsko-hrvatskom jeziku”
http://www.vecernji.hr/vijesti/zeleni-mastaju-izvornome-srpsko-hrvatskom-jeziku-clanak-82580
Obratite pozor na pozhelne stvari:
“Europski parlament upozorava na to da je izvorni srpsko-hrvatski jezik sada rascijepljen u niz službenih jezika u nekim mogućim kandidatskim zemljama toga područja; ističe da trošak prevođenja ima znatan utjecaj na proračun europskih ustanova; poziva Europsku komisiju da s hrvatskim vlastima prije pristupa pronađe prikladno rješenje glede hrvatskoga jezika koje ne bi spriječilo kasnije zaključivanje sveobuhvatnoga sporazuma o jeziku s BiH, Crnom Gorom i Srbijom kada te zemlje jednom postanu članice EU”
i
Pozivaju također na “omekšanje krute politike useljavanja i azila”
Turopolska ForumGorica
Muzh – Siječanj 21, 2010Pochetak kolonizacije ili nastavak?
Gda se mi nebi sramili svojega Jezika onda bi mam vrgnuli v Ustav da su Kajkavski i Chakavski sluzhbene inachice Hrvatskog Jezika pak nek evropjani sprevadjaju na dva jezika ak basch ocheju. Tak i tak je Kajkavski materinji vekschine stanovnikov Hrvatske. Ak more par sto ilada permajduschov imati svojega jezika onda moremo i mi.
http://www.forumgorica.com/politika/moderna-drzava/msg10552/#msg10552
Ka je ta?
“Neću van više govorit o zajiku kega me je moja mat navadila, vi volite vašega, ne zato ča je veći od mojga nego zato ča je vaš, ja volin svojga, ne zato ča je mići nego zato ča je moj.”
(Vedrana Rudan, kolumnistica Nacionala)
