8. KOLO: 13.07.2013. VELIKA BUNA, 15,30
OPATIJA – NOVI BREG (BRDO) 0-2
ŠILAKOVINA – DOLNI RUŠEVEC 1-2
LEVI ŠTEFANKI – GORNI RUŠEVEC 2-0
MALA BUNA – CEROVSKA ŠPICA (VRH-NJE) 3-0
VELIKA BUNA – KRAVESKA (KRAVARSKO) 3-2
HOJTNA – GORNA OPATIJA 1-5
KOZJAČA – DUBRANEC 1-1
POKUPSKO —
* * * * * * * * * * * *
Piše kuntakinte
Nema tice bez prasice
Na prepoznate “Križajne” nas je dočkalo lada kak na površine meseca, po običaju. Na su sreču zvezda ne pripeče netočno pak se dalo zdurati. Dal je Bog durajne. Glumci su dali malo bole prevetrati binu tak da se sat vidi čeznju, još samo da vugneju ceradu od igrališča i vržeju kakovu mrežu da se breški kibici moreju “lančati” v ladovine bilo bi “ajnc-A”. Da smo več pri bine muzika se ni mogla načuditi kulko mesta imaju, sigurno inače igraju po zapečke, samo je ispal problem da su jem kabli prekratki za tak veliku binu. Velika Buna- velika bina.
Da smo još pri ladu i suncu, tata `Uđber se zalepil na reklamu od ZŠUVG kak sličica od životinjskoga carstva v album. I ne gible. Ono kaj se gible su deca, dece, ludi božji, kak v mejnemu vrtiču.
Otpirajne kola zmed Tigričev i Mišef nas je uverilo da su godišni v punomu jeku. Tigriči su se nekak pokrpali za utakmicu, nenad* zvezda se ni prikazala a Miši su prikračeni za Pankija. Več dugo nismo uživali nit v pojave Đaje Đajiča, teri se prema vlastite izjave više ne bavi z nogometajnem nek je isklučivo, samo i jedino “na diskurcu kulturno-umetničkoga rada”. Da ni jenoga Lovriča onda mora drugi tovariti, tak je bilo i of put.
Šika je jednak tak potrta z kratkum klupum, ni baš tak kritično da se Pančo mora ošvicati, ali smo videli nektere teri nam nisu bili dostupni v šilakovskem dresu svoj čas ili se retko preslače. V dres. Zvezdu zaselka Lučani, priznatu i poznatu po špicnametu Ruzlin, nismo v dresu Manch… Šike videli sigurno dve lete, tam negde od utakmice proti Opatije i izjave “Pa, od koga mi zgubimo..!”. Krpiči su došli v duge karavane i vidi se da ne prirodne pojave kakve škode sem ne * 2%. Verujem da niti zaprašivajne proti Krpičem nebi urodilo plodom. * ga, veliko selo. Oni letos igraju samo utakmice na rubu infarkta, takva je bila i ova. Ak ovi ne obetežaju od srca onda bu Šika dobila na žifce, kulko su se nažifcerali da su dobili gol četiri minute prije kraja.
Po rezultatu bi se reklo da su Srebrne lisice, il lisjaki, vrgli Golobrade v žep ali to ni bilo niti blizu toga. Obadi su zujali i pikali ali, za čudo božje, niti jena ni sela tam de treba. Se su sprestrelali osim gola- pauki buju još mesec dan krpali paučine iza gola na meste tera nisu po leto dan pogojena do čera, ali gol je ostal cel. Ni da Obadi nisu dali gola, dali su oni jenoga ali jem se od toga štelo plakati. Več sem mislil da je to onaj kaj saki put dava gole za Ruševec ali me je bivša zvezda Gladovca popravila da je to jen drugi. Osim toga teri je pribiležen Petko-boyu za drugoga se poskrbel isti taj Petko, da nebi bilo “nismo znali”. Z ove dva gole rekel bi da taj Petko preuzima listu strelcov Lige. A utakmica? Trda i grda kak slonova rit, z prelazom na “pasmaters”.
Mali su Bunci dobili Vinceke “na modzek” a ne na silu. Tomeku je mam po dve minute pukel film i pošle suze na oči da je videl kam to, pak, vodi. Kronična bolest kaj je več fajn časa, kakti, *, da dojdeju do gola neznaju kaj bi, je je pak nahudela. Of put se nisu pomogli od nikakve zvezd, a most je i bole tak.
Ova zmed Glumcov i Leptirov je bila još grdeša i trdeša od slonove riti. Čisti rovovski rat i borba prsa u prsa. Glumci su bili sretneši v dosuđivajnu penalov i to je rešilo utakmicu. Ali ni na odmet nit spomenuti savete tate `Uđbera, tam negde zmed novoga tratoara i lese, oko bandere, tipa “Stevo Karapanđa”.
Hudi Švabi su bez za*cije nemački točno, precizno i pedantno rešili problem zvan Bebe. I to bež Črnoga. Ali Bebe letos imaju običaj ne otijti z tratine da nisu dali gol a i deda Slavek je osetil poriv da pokaže da još more, dati gol i preluknati metu. I tak jeno z drugem z trejtem dava rezultat ove utakmice. Onaj do neda gol proti Bebami zna da gubi z 1-0. Temelna matematika.
Ilovaču više nigdo nemre vloviti nit za glavu nit za rep. Negda su davali na koše golov a sad da jem treba više nemreju niti golčić dati. Kontra očekivanoga na Križajne se med Manekeni pojavil i legendarni Sepinho, bez Chirole, teri je delal rusvaj v obrane Ilovače skupa z Lucky Pevcom. V prvem talu se Ilovača za*la tak da nisu dali 245% zicere a onda da su jem se vuva počela zalevati žurba je noge oduzela. Manekeni slave, ostali su na tablice spred Ilovače.
Do sad smo se igrali a sad počimamo za ozbilno. Pol smo odigrali, posle ove des ostalo je još 6 utakmic i več se sad vidi poprilike do bi mogel prema gore a do prema dole. Za nektere je 7. kolo granica a za nektere početek.
Solidne slikovnice z Velike Bune
MNLVG10_8_Velika Buna_slide_112min
http://www.youtube.com/watch?v=u4azfclzcnw
Kozjača – Dubranec, MNLVG10., 2013.07.13., Velika Buna