OBEROPATIJA: pelatni iliti vozni red linije Čakanec- Klučičko / 11. kolo / 10. MALONOGOMETNA LIGA VUKOMERIČKE GORIC 2013. – MNLVG 10.

25 srpnja, 2013 - Vijesti iz: - Tagged: , , , , , , - Comments

 11. KOLO : 21.07.2013. OBEROPATIJA (GORNA OPATIJA), 15,30

   DUBRANEC – HOJTNA 2-1
   OBEROPATIJA (GORNA OPATIJA) – VELIKA BUNA 2-3
   KRAVESKA (KRAVARSKO) – MALA BUNA 2-0
   CEROVSKA ŠPICA (VRH-NJE) – LEVI ŠTEFANKI 1-8
   OBERRUŠEVEC (GORNI RUŠEVEC) – ŠILAKOVINA 0-2
   (K)UNTENRUŠEVEC (DOLNI RUŠEVEC) – OPATIJA 1-2
   NOVI BREG (BRDO) – POKUPSKO 5-2
   KOZJAČA —

* * * * * * * * * * * * * * * * * * * * * * * * * * * * * * * * * * * * * * * *

Piše (k)untenkinte  (ober)kuntakinte
Vozni red linije Čakanec- Klučičko
        Na omilene i sem drage destinacije v gornoopatijske šumice dogodilo se ičudaj toga, i čera i od lani. Prvo kaj čoveku opadne v oko je da se pol sela zvezlo nekam pod breg, v Čakanec, tak da bi k letu mogli imati još jenu ekipu v Lige. Osim Opatije orginal i Gorne Opatije mogla bi nam se pridružiti i Dolna Opatija. More biti da je negdo lepo drva prodal a da se šuma oplešive breg se zveze. Nekak mi se vidi da bi mogel biti načet i Schwarzwald… Ali sejeno se skupilo milijon milijonov Brežanov da bi popratilo kak se nijovi puleni žifceraju. A tu je bila i Elita kaj je imala probu do dugo v noč, dugu letnu noč, dok Jalža Imbreku rebra broji z valeromu vuz lojanicu radi toga kaj ju ima rad (pijaču, prokletu pijaču) pak otijde na Ligu ( a celi je den * rebra trgal) de se nacica z ovemi svojemi i još da se vračaju domom putem se dilem svadiju za nogomet (iako su prvi put videli loptu z 45 a postali stručnaki z 46) tak da je celo selo čuje, a cucki na mesec zavijaju (il je to proba!?) i mački se pujaju (celo leto i još jen dan), topli se veter čez praznu štalu natirava dok se gladni miš po prosnica zgleda a na jasla more videti samo hrđavi lanc ober teroga samo kratko i jasno z belum farbum piše “Šareka”… A bilo je i nogometa.
 
       Ilovača se pojavila, za verne lubavnike, da ne velimo šoce, iliti popularne kibice Lige, v dosta čudnem i neočekivanem sastavu, Šekspir bio rekel v nektere svoje drame, v RR, romantično-riskantnomu postroju. Na korak od mini-mi. Bebe su pak, brojne, spremne i volne, kak i navek, prectavile raskoš ojtnanske škole nogometa i nogoloptačev v najsvetlešem svetlu, da ne velimo suncu. Skoro četiri generacije na kupu, se jen drugomu do vuva a drugi trejtomu do ramena. Ne nemre čak niti morski žal hititi z kolotečine, jedino je more prebrikati raspored, jel vekšega hedonizma, zabave i akcije navem belom svetu, veliju, ni. V Ilovače se čak i Šef moral prirediti za utakmicu a ista je sudbina, gorka sudbina, pogodila i kuma Želka, kaj se v najbole manire najvekše kockarov obavezal da ak da gol plača pive za se (kak bi rekel Precednik; “Samo za se!!!”). Čak je i na šanku račun otprl! Ali suci, ti ludi trdoga srca i … oštroga oka, taj gol kaj je mogel napojiti žedne, osakatiti zdrave, podiči mrtve, okrenuti svet… poništavaju. I jenem potezom smanivaju promet na šanku za cele 500 pive i lišavaju statistiku negve pojave. Totalni neredi izbijaju. Petoboj 45 milijardi Brežanov, policije, lučke specijalcov, bojne za specijalne namere i komunalne redarov jedva jedvice smirivaju redari MNE Gorna Opatija. Utakmica se nastavla, Ilovača kak kača na trnu a Bebe kak gladijatori novoga doba. Posle da Slavek meče svega četrtoga (!?) ovo leto situvacija se skros zakumpicerala ali mrzla glava Šukerova (teri ne liči ni na jenoga poznatoga Šukera) i negvoga ekipnoga pajdaša Jure (teri liči na svega brata) postavla stvari na svo mesto. “Legenda z Bregov” je to samo nemo spod oka gledela i šaltala čik i pivu.
       V jene dosta čudne utakmice de su se si bez lopte razbežali po terenu kak moji piščenci da se svojum srebrnum strelum zaletim čez dvorišče Glumci su tukli domače Švabe z 4-2 iako su Švabi dali 4 gole a Glumci 2. Zgleda da je presudilo kaj su brača Klasnič otišla na morje, samo su se vrnuli na čas na slikajne i pak otplovili (ni imal do klopiti šakum po stolu), kratka klup i dekoncentracija v obrane. Nisu se dost koncentrerali prije utakmice. A da je Želku priznat gol si bi bili koncentrerani, od Bune do Pokoskoga i od Kupinca do Bresta. Taj se gol ne samo tak zabil…
       V dvogledu Leptirov i Vrapcov zvezde ove prve su bile uzrok nesreče ove druge. Kulko se got zvezde ove druge upirale na nogometnomu planu nisu nikak mogli zjašiti ove prve teri su još bili i pod čokom od sobote i domačinstva. Kak bi to rekel nijov poznati druker Draš, most je f pitajnu “doza adrenalina”. Da smo več pri drukeri, kravarski su bili izvan sebe posle utakmice, od koncentracije…
       Vinceki nisu fasovali Jamesa Bonda protiv Bojsov nek i malo više. Iako su igrali dobro i napadački realizacija jem je bila slaba kaj letos ni prvi problem Štefankov; oni žbukaju do got jem dojde na tapetu (skoro). Veliki Petko si je još podeblal statistiku a ni drugi se nemaju kaj žaliti- jedino su oni kaj se zoveju Miro bili bez evidenteranoga učinka.
       Šika letos ima velike apetite, to se mam videlo po horde drukerov kaj su okuperali Schwarzwald z svojemi navijačkemi rekviziti, ajnc-A ekipe i 55 selektorov- Mrki operera po terenu a Joža v pozadine. Odkad su se Obadi premandurili v črninu samo jem jena rutina gine… Most su se vmorili dok su pešice išli na hodočašče v Opatiju kak nabistru…
       Krpiči vele da jem nikak ne leže Tigriči ali tok utakmice to ni kazal; Zvona je opravdal svoj angažman v belem dresu. A onda su počeli problemi i coprija zvana “Opatija”; Pota i Mazo delaju nered po krile a Ježo pritišče po sredine, i faul po faul penal, penal po penal gol, gol po gol pobeda.
       A na kraju dana su nas svem nogometajnem (i reakcijami na gole) razveselili Miši i Biseri. Biseri tradicionalno dobri v igre ali malo kratki po pitajnu realizacije a Miši su se raspucali kak da Želko pive deli zabadof. Zet v prvem talu meče tri put Joletu teri se pak celu popoldnevku pregrijaval kak gusnata pegla na peči. V drugem talu Šef ekipe pospravla dve naivne lopte “model Generalič-Hlebine” iza Joletove pleč kaj je on popratil na sebe svojstven način. Jagoda i Kruno su prije dali svoj obol ekipe Biserov ali to ni bilo dost kontra prekjakodobro raspoložene Mišev (na)vođene “el technicom” Bucum teri se osim kaj je vodil ekipu uspel paralelno v pol vure još spominati z bar 450 ludi. Apsolutna kontrola i koordinacija. V publike je bil viđen i lubitel kulturno-umetničkoga rada ali to najte nikomu povedati.

       Of tjeden je malo redeši raspored ali je i dale gusto grajne. Igramo se na Dolnem Ruševcu, više ne “Na Čučinem oku” nek na velebnomu i prepoznatomu stadionu “Old chubby butt”, teroga nis videl 4-5 let i iskreno se nadam da je tam negdo popikal kakove kostajnov il gacije jel ak ni si bumo vu te parenice pod zvezdum pogoreli kak ocvarki. Samo budu krpe žlundre znas vesele. Iduče mesec dan.

* * * * * * * * * * * * * * * * * * * * * * * * * * * * * * * * * * * * * * * *

12. KOLO se igra : 28.07.2013. UNTENRUŠEVEC (DOLNI RUŠEVEC), 15,30_”Old chubby butt”

   LEVI ŠTEFANKI – OPATIJA -kaj reči… trda obrana i brzi napad, govorim o Bojse
   MALA BUNA – POKUPSKO -jako teška i jako trda v klase sloniča Toniča
   VELIKA BUNA – NOVI BREG (BRDO) -direktna, most pak opadne kakova trgovina
   HOJTNA – (K)UNTENRUŠEVEC (DOLNI RUŠEVEC) -susedi, neznam jel ovo spada v medopčinski derbi il opčinski
   KOZJAČA – OBERRUŠEVEC (GORNI RUŠEVEC) -Manekeni, šaromigasti, Obadi v silazne putanje, išče se žrtva za uzlaznu
   DUBRANEC – CEROVSKA ŠPICA (VRH-NJE) -Ilovača I – Ilovača II, tu bi mogel i Vinca dojti, Tajson, Vinca,… kak pod Cumbulom, il v Ščukinem berku, neznam jeste zabili onaj gol kaj je Želku poniščen a lopta ni bila vane?
   OBEROPATIJA (GORNA OPATIJA) – KRAVESKA (KRAVARSKO) -direktna, istoga budu momenta morali vrnuti Jožu z mora jel Laptiri ne opraščaju a i zgleda da su potrošili sve loše dane, most je de tera svadba ostala…
   ŠILAKOVINA – raspored za Bogove!

* * * * * * * * * * * * * * * * * * * * * * * * * * * * * * * * * * * * * * * *

KRAVESKA PAK PELA
KRAVARSKO OPET VODI 

U subotu je igrano u Kravarskom, a u nedjelju u Gornjoj Opatiji.
 -Po prekrasnom i sparnom vremenu odigrane su zanimljive utakmice sa nekoliko iznenađenja i neočekivanih rezultata koji su rezultirali gustoćom na vrhu- kaže glavni operativac Lige, Zlatko Petrac. Novo Brdo je izgubilo prvu utakmicu, bolji od njih bili su nogometaši Lijevih Štefanka. To su iskoristili najbliži pratitelji, Velika Buna i Gornja Opatija koji su im se približili na bod zaostatka. Vodeće je Kravarsko koje ima 25 bodova, ali i utakmicu više. Strijelce predvodi Ivica Petković koji je postigao 18 pogodaka. Liga se nastavlja u nedjelju, domaćinstvom Donjeg Hruševca.
http://www.zsugvg.hr/tekst/hotnews/kravarsko-opet-vodi–9-664.html

 

* * * * * * * * * * * * * * * * * * * * * * * * * * * * * * * * * * * * * * * *
 

Bregionalna liga: Kraveska prevzela pelatvu

* * * * * * * * * * * * * * * * * * * * * * * * * * * * * * * * * * * * * * * *

Predlog za momčad desetleča (2004-2013):

http://s878.photobucket.com/user/karadjordje/media/mnlvg10%20glasnik/Prijedlogzamom10D0addesetlje1070a2004_2013_sustav1_3_2_zps5e3f6254.png.html

 

Solidne slikovnice z Oberopatije
MNLVG10_11_Gornja Opatija_slide_102min

http://www.youtube.com/watch?v=z-CPrWRmx7Y

 

Novo Brdo – Pokupsko, MNLVG10., 2013.07.21., Gornja Opatija, 15:59