Cverglini pojeli ščuke
        …z rezervnemi naslovi; Muke kače na trnu, Trnje i kupinje, Kosturaši Pere Erdeda i Jazvec na sudu.

Neznam ščem su Vinceki igrališče polevali, jel z vodum il kakvem trovilom, il čez spucanu zemlu kakvi plini prebijaju- jeno totalno čudno kolo radi kakve se splati iti po Lige, trpeti žegu i vlagu, dobro i zlo, dok nas smrd ne rastavi. Il (je to) nekaj drugo..? I inače se zna dogoditi da de teri favorit cocne ali da su se skoro si tak zvani i imenovani “na Boga z kamejnem nahitovali” retko se zgodi. 

        Vinceki su letos lajnske epitete ” tople pive i mrzli konobari” uspeli prepraviti v zadovolavajuče “mrzle pive i mrzli konobari”. Nebi bilo zgorega da v definiciju nahite i teri “čke” i “ce” ali mladi su još stigneju. Osim kaj nas je zvezda malo prišparala v cerovske se ladovine našla za saku rit po jena klup- kak da su celo selo odklupili da bi gostom umilili kaj je rezulteralo z brojnum posetum strajnske delegacij i selske izaslanstve. Jenum rečjum, dobra poseta i dobro raspoložejne. Još da ni nedela, il bar da je zutra neradni dan… Bi se ludi malo opustili i pošteno našminkali. Ali takove stvari ne diraju Večite dečake 2%, il promile, oni su se pak rado i veselo zabavlali z kanticum i vodicum (ne moram reči do je potkuril  ), kiticum zelenum (negdo je zamenil Jurjevo i Veliku Mešu, prokleta pijača) i žutemi gajbicami i braon flašicami, i veselo smejali. Da je nestalo penez počeli su podsečati na navijače NK Bune, “Uvijek žedni”, valda jem se negdo smiloval…
         Na otpirajnu kola su solidni prosto prošireni Vrapci probali pružiti otpor brojčano, tehnički, taktički, navijački i v sem drugem pogledi nadmočnejem Balerinam, z naglaskom na “probali”. Šika je letos ozbilno svatila Ligu i tak se i ponašaju; čak je i na šanku fale da jem budu ostali v duge uspomene i lepom sečajnu. Sejeno su vekše selo…
        Velika Buna ni uspela pozitivno rešiti problem zvan Tigriči, i to potrti, v mini-mi sastavu. Po direktive tate `Uđbera, kaj se skrival iza štange suncobrana, zabijaju gole ali Opatija po kamikaze kodeksu “Sedam samuraja” na vrat-na nos vrača rezultat v egal. Ekipa na šanku cvete od zadovolstva; nekteri pijeju od žalosti, nekteri od radosti, retki od jutra a mnogi buju do zutra.
        Bebe su prebrikale Bisere kaj imaju pet put više bodov odne. Najprije su Biseri pokazivali tehničku nadmoč “made in Kupa” pak smo tu mogli videti i “z petjum za ritjum”, dva dupli pasi z efektnem promašajem, špic nabac v aut, stepanje borovine oko gola, z igrališča v šumu i druge “specijalitete kuće”. Bebe su vračale z istu merum ali su sake akcije dale svoj potpis; dva proigravanja aut, dodavanje korner, nabac golaut, dodavanje aut, faul, faul, faul, dodavanje nabac šuma. I taman da smo se prifčili na pravila igre jeni su slučajno pogodili Ševu a drugi Mužu i pak više niš nismo znali. Jedimo smo videli. Da Biseri imaju nove drese, novoga sponzora, zlatne, bez dekoltea “miss dijaspore”.
        Bozaniči – Lovriči 2-2. Jena od one kaj su situvaciju hitile z ravnoteže. Dok su Miši upirali na napadačkomu planu Manekeni podmazani pomognuti z svemi brojnemi drukeri z udruge Večni dečaki upiraju na kontranapadnomu planu kaj rezultera z tem da je Mišem skočil cug z šine. Kaj pak koriste Manekeni da jem ga vržeju na zato predviđeno mesto. A onda se pri Manekeni prikazal, ne Jezuš nek, Sepinho kaj je još otažalo položaj mišje ekipe. Ni treba zabiti povedati da se Precednik pripravil i za na gol (veli da v trenerke ima kil za pol gajbe pive, kak pancirke) a posle nam je krasil teren v napadu kak črleni karam fil. Post festum Miši žaluju ober gajbe pive a Manekeni slave kak da su tukli Manchester city. Ak jem do Velike Meše poštar ne donese penzije bu zaj*ano…
        Još fučkalo ni dobro ni muknulo a več je Ilovača imala tri lagane komade od Krpičef za nositi domom. Onda su jeni i drugi podigli tempo i tenzije kaj je pak f kombinacije z zagrijavanjem na šanku rezulteralo z stanovitemi konfrontacijami po pitajnu sudačke odluke i međusobne taktilne osečajof. Onda je palo jeno zasedajne, na stoječ, ZaVDEMNLVGa de su rešene nesuglasice i usuglašene suglasice o nastavku nogoloptačke avantur predzajdnega kola. Kaj je pak rezulteralo z nastavkom žbukajna prvospomenute. Jedino je još Junior uspel prije kraja spasiti čast dubrajnske ekipe z počasnem golom.
        Tutankamonovo proklectvo je pogodilo i Švabe. V črno su je zavili susedi z susednoga brega, il dola, kaj se odzivaju na špicnamet Obadi. Nit sa sila sneje z Opatije i drukeric z susedne sel jem ni mogla pomoči. Da je to videl Joža napravil je kaj i lani v Dubrancu, lagano se zaputil domomek. Bez puno spominka. Niti Tutine majstorije i rošade v kontekstu “fingiranje igrača više” des nisu mogle niš Ruševlanom.
        Da se zakumplicera “zicer”. Buduči da su si favoriti kola pili žufku žuju zajdna utakmica je trebala biti rutina v stilu “utakmica je odigrana”. I to inače ide tak da Vinceki ne igraju doma a publika ni sedmi igrač i ne igra se po pravile “cerovski rulet” na tenke granice incidenta, i dobro debelo z druge strane. Osim sedmoga igrača v vidu cerovske publike tu je bil i osmi v naravi poznat kak “cocnuti favoriti” terem je bilo draže da Cerovski pomuti plane Leptirom nek da Kravarščani naprave prednost pred pratiteli. Da se se skupa zbroji… A cerovska publika je još gorša tri put od dolnoruševačke, tera je…, odvajkada. Kak je to negdo negda negde napisal;

Koliko ia znadem, bijahu
Rečićani, Kupčinjani, Jamničani, Dubrančani pak i
Pokupčani najgori. Nekoga Borkovića, plemića, tobože što
je pripadao stranci ilirskoj, ubiše i to na javnoj ulici.

XĐ
To bi bilo to ak se pak kaj ne zazeleni. Zimzelen.

* * * * * * * * * * * * * * * * * * * * * * * * * * * * * * * * * * * * * * * *

15. KOLO se igra : 15.08.2013. DUBRANEC,15,30

   GORNI RUŠEVEC – KRAVARSKO -Obadi drže kluče od raja za Kravarsku (bole si je biti dober z portirom nek z direktorom)
   DOLNI RUŠEVEC – GORNA OPATIJA -Krpiči v serije, jesu več Švabi hitili pušku v živicu?
   NOVI BREG (BRDO) – DUBRANEC -Ilovače sejeno a Mišem treba
   POKUPSKO – KOZJAČA -obadvoji v pozitivne serije, dve legende- dve ekipe, do bu koga zjašil i zaj*aval iduče leto dan
   OPATIJA – HOJTNA (HOTNJA) -jel Tigriči moreju protiv Bebe ponoviti igru protiv Glumcov X) X) X)
   ŠILAKOVINA – VELIKA BUNA -direktna, kak visoko v Gorni dom more seči Šika i jel su Glumci novi prvaki
   LEVI ŠTEFANKI – MALA BUNA -jel Vrapci moreju pošeremetiti plane Bojsov
   CEROVSKA ŠPICA (VRHNJA) – samo zajdne se pamte…

Odgovori na ta i mnoga druga pitajna; o Velike Meše po obedu spod Trga Selačke bune kbr. 1573

 

* * * * * * * * * * * * * * * * * * * * * * * * * * * * * * * * * * * * * * * *

 

10.MNL Vukomeričkih Gorica: Završnica na Gospu
 
U nedjelju je odigrano 14. kolo 10. jubilarne MNL Vukomeričke gorice 2013. Kolo je igrano u Cerovskom vrhu, a bilo je prepuno iznenađenja jer su svi favoriti pokleknuli, tako da se u zadjem 15. kolu u Dubrancu očekuje napeta i neizvjesna borba.
 Zadnje kolo igra se u Dubrancu na Veliku Gospu, 15.08.2013. s početkom u 15,30 sati. Nakon odigranih utakmica zadnjeg kola slijedi proglašenje najuspješnijih uz zabavu do jutarnjih sati.

Tablica
http://www.vgdanas.hr/Sport/Clanak/7073/10-mnl-vukomerickih-gorica-zavrsnica-na-gospu.aspx

http://www.cityportal.hr/u-cetvrtak-zavrsnica-breske-lige/

Novo Brdo smenilo Novo Mesto na trejtem mestu.

Naslov 14. Glasnika je “Svi su pali” a sadržaj bumo videli za par dan…