MUP RH – POLICIJSKA VUPRAVA VARAŽDINSKA
3. rujna 2013.

Romajne hrvatske policije v Ludbreg

Vu sklopu obiležavajna Svete nedele v Ludbregu, v petek, 30. velikomešnaka (kolovoza), održano je 14. Romajne (hodočašče) hrvatske policije v Svetišče „Predragocene Krvi Jezušove“.

Letos su se romajnu delatnikov policijske vuprav varaždinske, međimurske, koprivničko-križevečke, krapinsko-zagorske i belovarsko-bilogorske,  pridružili i delatniki Policijske vuprave primorsko-goranske, ter dragovolci (volonteri) Crlenoga križa z Ludbrega.

Kak i pretekle let i ov je put na početku Romajna, pri Župnomu dvoru (prezbiteriju) Ludbreg formerana  procesija tera se središčem grada vputila prema Svetišču, ter tu najpre sudeluvala v pobožnosti Križnoga puta.

Svetu mešu je vuz koncelebraciju ludbreškoga župnika, prečasnoga Jožeka (Josipa) Đurkana, kapelana policijske kapelanije Policijske vuprave varaždinske, Iveka (Ivice) Horvata i velikoga broja druge velečasne, predpelal biškup Jurek Jezerinec (Juraj Jezerinac), vojni ordinarij.

„Demokracija je plačena z krvjum hrvatske branitelov, poradi česa de(ne)s moremo slobodno spovedati svu veru, bez strava od pregajnajna, ke je pre Domovinskoge vojne, poradi sustavne ateizacije policije i celoga sustava, bilo nemoguče“ isteknul je biskup Jezerinec. Hrvatski su policajci prvi krenuli v obranu Domovine i nijova se žrtva nigdar ne-sme pozabiti, zato je i ova sveta meša posebno prikazana za zginule i nestale policajce.

„Vekše lubavi nema od ove – položiti život za prijatele sve“ isteknul je biškup Jezerinec pri koncu propovedi, ter zafalil sem organizatorem Romajna.

Policijski su službeniki na oltar prinesli dare: kruv i vino, policijsku kapu, križ i krunicu, ter Sveto pismo (Bibliju) i molitvenik.

Po koncu službenoga tala romajna, vusledil je obed za se sudionike Romajna, pripravlen v organizacije Odela  za suradnu z Vojnem ordinarijatom v Republike Hrvatske.

Zvir:
http://varazdinska.policija.hr/MainPu.aspx?id=166968

Turopolska forumgorica
Najava dogotkov
Dani ludbreške Svete nedele

http://www.forumgorica.com/dogadaji/dani-ludbreske-svete-nedele-ludbreg/

Maj(s)ka Božja

Marijanska, domjaničovinska

K suncu prosi vsaka roža
Dragutin Domjanič

K suncu prosi vsaka roža,
K suncu trava vsaka,
Tak i k tebi, Majka Božja,
Srce siromaka.
Milostiva vsakom ti si,
Vse ti vračiš boli,
Odbila još nikog nisi,
Koi za pomoč moli.

Čuj molitve vruče ove,
Draga naša Mati,
Tvoj te vezda narod zove,
Romari Hrvati:
Dobra nam naviek ostani,
Zmoli nam pri Sinu,
Da od vsega zla obrani
Nas i domovinu.

Zvir:
Kajkavska večernica i meša
vu Sv. Ivanu Zeline 2012.
str. 29.:
http://www.pou-zelina.hr/documents/Izdavastvo/51_Kajkavska_vecernica.pdf
iliti sim
http://www.forumgorica.com/kajkavski/p-oltar-portal-nas-svagdasni-pobozni-i-vragolasti-bogoslavija/msg4295/#msg4295

http://www.forumgorica.com/kajkavski/pro(iliti)za-kajkavsku-p(r)oeziju/msg51679/#msg51679

ŽVG Jurjevke – K suncu prosi vsaka roža, 02:01