Na trnacu:
MNLVG – MALONOGOMETNA LIGA VUKOMERIČKE GORIC

http://trnac.net/tag/malonogometna-liga-vukomericke-goric-mnlvg/

Na turopolske forumgorice:
10. MALONOGOMETNA LIGA VUKOMERIČKE GORIC 2013. – MNLVG 10.

http://www.forumgorica.com/sport/10-malonogometna-liga-vukomericke-goric-2013-mnlvg-10/

ODLUKA O POBJEDNIKU PADA ZA GOSPU
http://www.zsugvg.hr/tekst/hotnews/odluka-o-pobjedniku-pada-za-gospu–9-678.html

Glasnik
http://s878.photobucket.com/user/karadjordje/library/mnlvg10%20glasnik
http://s878.photobucket.com/user/karadjordje/slideshow/mnlvg10%20glasnik

15. KOLO : 15.08.2013. DUBRANEC,15,30
GORNI RUŠEVEC – KRAVESKA (KRAVARSKO) 3-4
DOLNI RUŠEVEC – GORNA OPATIJA 1-3
NOVI BREG (BRDO) – DUBRANEC 2-1
POKUPSKO – KOZJAČA 3-1
OPATIJA – HOJTNA (HOTNJA) 4-0
ŠILAKOVINA – VELIKA BUNA 1-3
LEVI ŠTEFANKI – MALA BUNA 4-2
CEROVSKa ŠPICA (VRH) —
* * * * * * * * * * * * * * * * * * * * * * * * * * * * * * * * * * * * *

Piše: kuntakinte

Boudoir Madame Butterfly

z epizodnemi podnaslovi:
Kamilica ob pol pet, Mačka pod Cumbulom, Tati blaga cesarskoga, Očala z čokolina, Mlečna steza i Dani mahune i mladoga bažula
(teri, normalno, po običaju nemaju nikakve veze, čak ni slabe autobusne, z niže nasr… napisanem tekstom).

A ni ni suncobranov jel se nekakov vrak navlekel prek neba kak mrena na oko. Klupi ima, istina niti pol kulko v Ščukinem berku, ali su nekteri sejeno rajši brigu o svemi homeroidi poverili blagotvorne travice z vrha Turopolske Alp za teru i najvekši stručnaki trde da ima lekovita svojstva i afrodizijački karakter.

Lepota i greota. Veliju tamnazočni da se v Vukovine broj kramarov smajnil za cca 3003%, usko povezano z doživlajem proščejna- pušing, rođo. Tek stigli z Pokoskoga veliju da je do tre vur isto pušing. Onda ispada da je vrh Montes S. Catherniae totalni dobitnik Velike meše z jack potom, jockerom, super sedmicum i još gore dve karamele. Navodno je nekaj bilo i v Lasinje ali odonud glasa nismo dobili, sigurno su se glasniki pobojali da jem nemo presudili, fundali je i vmorili kak i onoga pokojnoga Borkoviča, ilirca-plemenitaša. Mam po obedu sa se sila breške drukerov, bivše zvezde i legende, žitka i kukolja počela prek raz*ane cest, putov, steze i stramputic slevati na mesto zločina. V novešu dobu dva standardni šanki, prvi i ritopični, delaju kak da krize ni. Na prvem blešči več standardni Tajson z novum flizurum “Crwenkapavica just wanna have fun” z terum bi sigurno imal bezecano mesto v vrhu špice napada Cerovskoga Vrha, za početek. (Vrak mi je štel jenu pijaču dvaput naplatiti… Kaj sem ti se ja zameril!?? ). A ni ni suncobranov jel se nekakov vrak navlekel prek neba kak mrena na oko, tak da se prvooptuženi moreju negde drugde plesniveti. Klupi ima, istina niti pol kulko v Ščukinem berku, ali su nekteri sejeno rajši brigu o svemi homeroidi poverili blagotvorne travice z vrha Turopolske Alp za teru i najvekši stručnaki trde da ima lekovita svojstva i afrodizijački karakter. Nezavisni hortikulturni amateri su pak “natuknuli” da nebi bilo lošo po celem bregu nekakvoga drveča nasaditi kaj bi popravilo osečaj lada i smanjilo osečaj “površina meseca”. I tak, budući da su suncobrani nebili na terenu glavnina publike se skoncentrerala oko “wet punkta” de se več od jutra bole i više trubilo (na flašice) nek v San Remu. Posle pogroma se favoritov v Ščukinem berku Pod Cumbulom se očekival, če niš, isti scenarij i program, a kad ono; “Tresla se Pomen gora rodilo se (skoro) niš”. Paf!

Iako se več dva tjedne pripovedalo da je utakmica zmed Leptirov i Obadov “odigrana” i rešena situvacija na dubrajnskem terenu to baš i ni kazala. Spočetka su Kravarščani relativno lako preluknali Ruševlane ali na čuđenje breške kibicov Obadi se vračaju. V takvomu raspletu stvari zamalo je najtenši kraj zvlekel samaforista, bivša zvezda i legenda, radi drukanja i nepristanosti, i “diganja tenzij”. Na samem kraju krajev Leptiri nose tri bode a da je utakmica trajala deset sekundi krajše… Sto čudes.

Posle demonterajna Ilovače četiri dane prije očekivalo se da budu Krpiči navalili na Švabe kak svijne na punu kopajnu a kad ono… Došli Ruševlani z praznum puškum. To je dalo Opatije časa da se malo poigra ali ne dost da se Črni popne na tablice strelcov. Labuđe jezero v ausvendik verzije. Više je drame bilo jeno leto v utakmice Krpičef i Gruntovčanov. Onda znate tera vura bije.

Ni od trejte nas baš ni srce pobralo; sudar “letos neprepoznatlive” Ilovače i “letos neprepoznatlive” Mišev završil je skoro mirolubivo. Jedino je malo atmosferu podigel selektor Buco kaj je bil pol kilometra dale od terena, trejti red, levo, mezanin, stajanje. A da je završilo; “ajd, deca, na flašicu”.

E, ova je malo podigla temperaturu; v četrte, tera baš o ničem važnom ne odlučiva, nam, su nas z interesantnem nogometajnem počastili Manekeni z Precedničke svite i Biseri z precednikovoga velemesta. Zanimlivo da su Biseri iako imaju dan opičine zmogli snage i igračef da se kvalitetno uprizore pod Trgom Selačke bune. Istina, z, zajne klasičnum, umetničkum pauzum od petnajst minut dok se ne zbroje i oduzmu. Sled utakmice je pokazal da je dost bitno ak imaš igrače kaj stalno igraju i treneraju, če niš, v 44 B lige. Več su nas pred kraj Lige Biseri nafčili da saki dupli pas ne mora završiti z efektnem promašajem nek se zna natrefiti, kak i dekle dete, da lopta odsedne na zato predviđeno mesto. To je zasluga mlade, da ne velimo Biserčičev. Da nebi bilo da su samo Pokoščani igrali, na utakmicu su došli i Kojzačani, kumpletno pleme, z poglavicum, vračem i dodatnum opremum. I si su oni bili tak žalosni da su morali piti. Pak. Večne dečake niš ni moglo razveseliti, nit kantica nit vodica nit tobogani i nijalke oko igrališča. Oni su jednostalno bili v *.

Buduči da je i Hojtne dan opičine govorilo se da ni oni nedu došli (kaj se po dobromu staromu breškomu običaju penalizera v financijskomu obliku, sto marki i tak to) ali “modri” su se v predviđeno vreme nacrtali na predviđenomu mestu. Zgleda da Bebe imaju više ekipe i igračef nek pokojni Gruntovčani. V solidnem odmeravajnu snag v opičinskomu derbiju više nek četiri put bole su prešli Tigriči. V nijovem bi slučaju dobro legla ona da cukor dojde na kraju. A kaj su se morali preguknuti prije toga…

E, a sad ona kaj rešava pitajne vrha tablice. Kak i sako leto na završetku Lige Buna dojde v kumpletnomu sastavu z se 456 igračof, pol sela se zjati v Vrhovju, sa sila prometa na šanku, a ni na odmet povedati da proglašejne pobednikov bez Bune ni jednako. Oni navijaju za se, samo za se , tu su nabijačke pesmice radi tere bi v Južne Koreje odletelo par glav, hitajne “bombe” med igrače, malo gusenic, prstohvat interesantnoga zagrijavanja, suothpark komentari a negda se vidi i nogometa. Nekak je ostal dojam da je Šika zabila dojti na utakmicu. Glumci vode i kontroleraju utakmicu a da je bilo jasno “kuda plovi ovaj brod” Šika proba z sastavom 6-0 napraviti nekaj ali tu su spušili samo još jen gol. 3-0 il 5-0 v ovakve utakmice više ni bitno. A onda dolazimo do zajdne deset sekundi z prve utakmice; Šiki je nekak “oženil” golmana za loptu i popravla sliku. E, a da je trajala krajše…

Zapirajne Lige, kak da Bojsi imaju pretplatu na spomenutu delatnost a of put su jem društvo delali Vrapci. Vrapci su, pokazalo se, jena multidisciplinarna ekipa kaj “ne preže” nit od zagrijavanja za “košaricu”; hitale su se trice, zakucavali su od najmejnega do najvekšega i da je sudec ostal dule na šanku rešili bi oni ovu utakmicu ko Kup Radivoja Koraća. Da jem se ni žurilo domom, jel sejeno ludi imaju posla. Pokazalo se da Bojsi ovu utakmicu moreju rešiti i bez svega nejbolega strelca, teri je igral ali mu ni bilo sujeno, da zabije. Obavoji su bili najbole nakureni na početku drugoga tala da je v prve par minut opala totalna golijada.
I, završila je i ova…

* * * * * * * * * * * * * * * * * * * * * * * * * * * * * * * * * * * * *
10. MALONOGOMETNA LIGA VUKOMERIČKE GORIC 2013. – MNLVG 10.

Solidne slike z Dubranca

MNLVG10_15_Dubranec_slide_108min, 1:48:25

http://www.youtube.com/watch?v=co9DlGigKio

* * * * * * * * * * * * * * * * * * * * * * * * * * * * * * * * * * * * *

Lijevi Štefanki – Mala Buna, MNLVG10., 2013.08.15., Dubranec, 12:53