Pregled tisKAJna
Varaždinske vesti, br. 3581, 20.08. 2013.
Piše Barica Pahič
KAJ je naše pitanje i naš odgovor
Ona popievlje bielemu golubu i črnemu labudu
Ovie put vam predstavljam Mirjanu Pospiš, vučiteljicu, pesnikinju, članicu VKD-a i Hrvatskoga društva skladatelja, školovanu solopevačicu i “kantautoricu”.Ona ne popieva ideološki sumnjive pesme, neg o svemu bielemu golubu i črnemu labudu. Nieje dosegla slavu svoje velike prezimenjače Ruže, ali je v zabavni glazbi dospela na solidne meste, maker se ne reklamiera z škandali.
Pokle sakega mojega teksta nieki mi govoriju pohvale, a nieki pak prigovore. Jeni očekuju več šaljivoga i vicov, drugi veliju da mi je humor preveč stišani i “med redi” i da bi tu i tam nekoga trebala “još jakše podbosti”. Jeni veliju da preveč piem o kniževnemi temami, a nekoji bi šteli več društvene kritike. Meni pak je najvažnejše spoznanje da se te moje kolumne, takve kakve jesu ipak čitaju
Kolumna je potekla od zamisli da največ pišem o knigami i članem Varaždinskega književnog društva, ali kak vidite, zaletim se i na druga područja kulture, a tu i tam nekoga i podbodem. F preteklom tednu je bile kojčega vriednoga podbadanja, ali sem se odlučila ovie put nie vu te pehati, neg predstaviti nekoga domačega z glazbene scene. Na te se scene stalne nekšni ogenj vužiže kak npr. onie pod pete Marku Perkoviću. Ne smeta njegve prezime neg njegva ideologija (Kajin) pa zate do ve nie smel imeti koncerta v Istre. Baš me zanima za kulike stupnjev se bu preobrnul sviet pokle njegvega koncerta i jel bu i gda bu Severina vu nebe zeta.
Ovie put vam predstavljam Mirjanu Pospiš, vučiteljicu, pesnikinju, članicu VKD-a i Hrvatskoga društva skladatelja, školovanu solopevačicu i “kantautoricu”.Ona ne popieva ideološki sumnjive pesme, neg o svemu bielemu golubu i črnemu labudu. Nieje dosegla slavu svoje velike prezimenjače Ruže, ali je v zabavni glazbi dospela na solidne meste, maker se ne reklamiera z škandali. Sudeluje v pune glazbeno poetskih dogajanj. Pervi put je javne nastupila na svečanosti duhovne glazbe v Zagrebu pa pokle i na Krapinafestu i bila Pervi glas Zagorja. I na Kajkavskimi popefki f Krapine je nastupala ze svojimi skladbi, a na “Danima smijeha” 2007. je od dvoje nagrađenih dobila Brončani pleter.
Nastupa z vuglednimi glazbeniki kak npr. z Adamom Končićem, Valentinom Geci, z Kavaliri, Kvartetom Gubec i drugimi. Vundala je i CD Moj crni labude s 30 skladb štere popieva prateč se na gitari. Popiefke i piše da bi jih vglazbila i otpopievala. Prečtejte si njenu popefku.Čtejte ju kak da pritem poslušate njen čisti zvoneči glas.
Imela sem dragoga
Z večera je veter zapuhal
i kak da sem čula tvoj glas,
a vani je dišalo cvetje –
kak negda bilo je se.
Ti si tu, dragaš mi lasi,
od radosti drhtim sa,
al prešli su najlepš časi,
se stalo je – došel je rat!…
Zvir:
http://varazdinske-vijesti.hr/kaj-je-nase-pitanje-i-nas-odgovor/ona-popievlje-bielemu-golubu-i-crnemu-labudu.html
i(l) (str. 21. sim
(vezilo funkcionera morti samo ograničeno vreme)
http://varazdinske-vijesti.hr/pdf/3581.pdf
Aktuelni broj VV:
http://varazdinske-vijesti.hr/online/Main.php?MagID=1&MagNo=1
Moj crni labude – Mirjana Pospiš, 04:25
Mirjana Pospiš i Kavaliri – “Gda bi bili si kak mi“, 03:17
