Pregled tisKAJna
Varaždinske vesti, br. 3582, 27.08. 2013.
Piše Barica Pahič
KAJ je naše pitanje i naš odgovor
Seljaki naviek najožaju
Zvali su f pomoč i Precednika Vlade, ali on se duge branil šutnjom. Onda su zvali i Precednika Države. On je najavil sastanek za deset dni. Znal je da se bu dotad policija aktivierala. No, dogodile se čude. Premijer se prikazal i rekel da seljake razme, da z nečim muoraju orati i da se zemlja nemre orati s plugom. Da traktor same, meste konjev, vleče plug, to mu v tem času nie opale na pamet. Zmotale ga je tuo kaj je moral obznaniti da nema više štrc-mrc. Reda mora biti! Penez ga nie i nebu jih! A zakaj je tak duge dvojil? Morti radi peljuzganja v morju ili zate kaj ga je mučil “prigovor savjesti” kak i babicu Jagu. V međuvremenu se buna rastepla. Seljaki su trdili da buju išli do kraja. I jesu! V svoje garaže! Nešterni kuruznicu silirati, a neki, kak npr. jeden z varaždinske okolice, na morje.
Male je zahladile, ali bu ovelietni kolovoz ipak zapamčeni po vručinami, suši, tuči, jeni neuspeli oluji, po fiskalizacije, protesti radi neplačanja posla, prietnjami štrajkem zdravstvenih delatnikov i seljački buni ili onem kaj je naš Precednik Vlade imenoval kak prosvede poljoprivrednih proivođačov. Misli da je ime seljaki neprimerene. Zbilja jake obzirne.
Seljakem, štere je nie sram zvati se tak, prigovarja se zakaj blokieraju ceste z traktori. Fnoge pak jake smieta rieč traktor. Tuo jim v sviest prizivlje 95. poznatu po traktorijadi (zna se več kakvi). A kakve bi traktore i mogli seljaki imeti, gda su one s perve traktorske ere pretirali na istok? Morti su to i napravili zate da bi kupili nueve i skupe i z njimi mogli paradierati po cestami i blokierati promet. Onak, čist za štrof oniem na vlasti. Zate je minister poljoprivrede rekel da su seljaki dobili svoje i da ne buju dobili veču cienu za pšenicu. Pune je pripovedal, a oni su onda iskali njegvu ostavku i šteli mu gnjoj dopeljati v dvorišče. Prietnja zbilja nie bila pametna. Pozabili su kak je gnjoj skupi pa bi minister mogel još i do kakvi penez dojti za njega. Da si plati put v Brisel! Kak god da se obrne, seljaki furt najožaju.
Zvali su f pomoč i Precednika Vlade, ali on se duge branil šutnjom. Onda su zvali i Precednika Države. On je najavil sastanek za deset dni. Znal je da se bu dotad policija aktivierala. No, dogodile se čude. Premijer se prikazal i rekel da seljake razme, da z nečim muoraju orati i da se zemlja nemre orati s plugom. Da traktor same, meste konjev, vleče plug, to mu v tem času nie opale na pamet. Zmotale ga je tuo kaj je moral obznaniti da nema više štrc-mrc. Reda mora biti! Penez ga nie i nebu jih! A zakaj je tak duge dvojil? Morti radi peljuzganja v morju ili zate kaj ga je mučil “prigovor savjesti” kak i babicu Jagu. V međuvremenu se buna rastepla. Seljaki su trdili da buju išli do kraja. I jesu! V svoje garaže! Nešterni kuruznicu silirati, a neki, kak npr. jeden z varaždinske okolice, na morje.
Sigurno se vezda pitate zakaj ja o semu temu pišem ak bi trebala pisati o knigami i popiefkami? Pa i štiela sem, ali preiskavajuč kniževnu produkciju VKD-a, niesem našla niš prikladnega na temu denešnjega teškega življenja i buntovništva. Ak je kie kaj i pruobal, tuo je proglašene za nemodernu ruralnu tematiku. Tu i tam, se najde nekaj o goricami, trseki, klopoci, mošteku i kletimi, ali grozdje još nie zrele i branje je daleke. Prie bu Špancirfest! Spral bu nam gorčinu.
Zvir:
http://varazdinske-vijesti.hr/kaj-je-nase-pitanje-i-nas-odgovor/seljaki-naviek-najozaju.html
i(l)
(str. 21. sim
(vezilo funkcionera morti samo ograničeno vreme)
http://varazdinske-vijesti.hr/pdf/3582.pdf
Aktuelni broj VV:
http://varazdinske-vijesti.hr/online/Main.php?MagID=1&MagNo=1
* * * * * * * * * * * * * * * * * * * * * * * * * * * * * *
(Dan)gubec iliti zgubidan
Gubec iliti gubitnik
Gubec iliti gubavi
Dobiš po gubcu, baba, če ne čkomeš (Baba cmizdri pod galgami / Ba-ladni petricokerempuvni Krleža).
* * * * * * * * * * * * * * * * * * * * * * * * * * * * * *
Joj mene joj – Kvartet Gubec, 02:03
