Pregled tisKAJna

e-medjimurje / kolumne / ca. 2013-08-01

Đuro Pongrac – Jura

Tak je rekel moj vujec Mika jenome od svojih nećaka da je of 1978. mel sudara čim je prešel Austrijsku granicu. – Čim si v kolca sedete mom se prehitite. A kaj bi da ste bili z menom da sam se 1927. po Nevjorku vozil na prdaču a med jezerema auti i stolno pazil na lompe. Da li je črljeno, žoto ili zeleno. Hote tu na trate pak se vozite dok se ne zvežbate.
A moj vujec Mika je bil svetski čovek. Z Nevjorka se vrnul za por let mrmljajući nekaj o tomu kak je za on njih vučil kak se dela dobro vino i peče prova žganica. Ni zobil reči da so Amerikonci hurmasti narod. Policija, za koju je delal alkohol štela ga je uhapsiti zoto kaj novi šef policije ni znal ceniti dobru kapljicu. To kaj je tam bila nekva „prohinbicija“ je ni bilo tak važno. Brat Valent ga je zrival na zodnji šif za Europu i tak je zbegel rešta. No i to je prešel tu domaj tam 50.-tih jer je bil u nekoj družini kaj je konjima repe rezala i prodovala. Zo se je govoril da je on svetski čovek.
I ve makar v grobu na Draškovskom grobju moj vujec Mika je i mrtev došel v Europu. Puno put me prijatelji kaj so protivnici Europske Unije znoju pitati? – Ma za koju vražiju mater vi Međimurci najmanje zazirete od EU. Oli ne vidite kuda sve to vodi? Drugi pak veli ovak. – Jel, rođo. A zar se nismo borili za Neovisnu Hrvatsku? Jeee drogi moji dečki. Jesmo se, to stoji kak ste vi to rekli. Samo mi smo vam drugi mentalitet. Nemrete se vi poriti z nami. Dok ste vi stoljećima kuburili pod turcima nas so gnjeli europski gospodori. Nekak smo se na njih već nafčili. Prijatel Šime rodom tam negdi od Zmijavaca, me čudno pogleda i upita? Oš reč da ste vi bolji od nas tamo.
Tu me je rasrdil kak vroga i počel sam lajati kaj mi je na srcu vum razuma. Ne Šime. Ne. mentalitet je drugačiji. Vidiš dok je tvoj djed jahal na magarcu doli niz kamenjar moj se već v cugu peljal. Ajd Jura ne seri, isceri mi se imenjak Jure iz Tomislavgrada. Svi smo mi Hrvati. I moramo biti jedno. V redo prijatel. V redo. Onda naj bo tak kak ti veliš. Samo mi se vidi da ni baš tak. Reči ti meni Jure da li za nas Međimurce veliju da smo napredna i bogata Županija. Da tako kažu – odgovori Jure.
A sad mi ti Jure nabroji kuljko mi tih vrednih bogatih Međimuraca imamo u vladi? Kuljko imamo ministrof? Nikaj. Brus. Frišku figu. Reči ti meni kuljko penez se z državne blagajne do za Međimursko gospodarstvo? Kuljko je država u Zodnjih 10 let uložila v Međimurje. Za se se drogi moj prijatel moramo somi snajti. Ak smo sposobni bomo se v Europi dokopali nekaj ojrekov za naše projekte. Ovi naši ne samo kaj nedaju nego ni nemaju. Još si dojdu k nam malo posuditi. Zdovnja smo vam mi dečki moji drogi skontali da se moramo obrnuti somi k sebi. Somi se moramo izboriti za saku kunu i ojrek. Ako bomo čakali da nam država štera je kak Bistrički bogec nekaj do, tenko bomo srali.
Mislil sam da mi Međimurci spodamo med vekše Hrvote. Brus kaj smo mi spram ovih iz Tomislavgrada, Ljubuškog, Širokog Brijega, i ostalih. Nedaj ti Bog nekaj reči ili samo spomenuti Titeka i Jugoslaviju. Mom smo jugonostalgičari, komunjare, i slično. No kak saka rit dojde na šekret tak je došlo i njiva. Si so protiv Juge ali ve bi šteli da granice ostonu kak v Jugi. Da nema carine, graničnih kontrola i ostalih pizdarija kaj EU zahtjeva. Mi se nekak vidi da ve oni bolje žale za granicama bivše Juge nego JNA. Išće nemreju razmeti da Bosancima i Hercegovcima od 1. srpnja 2013. treba biometrijska putovnivca. I ve bote čuli. Za kaj smo se mi buhali od 91. do 95.?
Poznote reči išće tam od od prošlog stoljeća da so vikali oni drugi. Za kaj smo se buhali od 41. do 45.? Kak da nas Međimurcov nigdi ne bilo. Pa kaj smo mi šlaprček? Pa kaj naši dečki niso prolijevali krv išće tam od Borova Sela pak do Oluje. Ali mi smo takvi. Močimo i delamo. Od navek smo navčeni svoje bujke ruljiti i za svoj koružnjok srat iti. Ne znam kak bi nam bilo da so tuljke milijarde došle k nam kak v Hercegovinu? Gde bi nam bil kraj ? Ali ne mi nemamo nikoga kaj bi rekel: Ljudi dajmo sredstva tam gde se bodo oplodila. Ak je i naš kakšni političar ili političarka blizu onima gori, gledi kak bo svoje žepe napunil, svoju rodbinu zaposlil i dobru penzijicu dobil.
Samo kaj ne veliju. Nam je dobro, a vi se snojdite. Bog i jezero pot bogme i bo tak. Imamo mi pametne i vredne ljude. A i ovi iz EU dobro znodo kam treba svoje peneze uložiti i dobro zaslužiti. Kaj se ova naša vlost boji kaj bi mogla videti (da se šterim slučajem pa makar iz samilosti ) ako bi bolnici v Čakovcu kupili uređaj za magnetsku rezonancu? Kaj ih je stroh videti kaj imamo v našim glovama i telima?
I ak nebuš postal lokal patriotski šovinist. Da se samo jen mesec ne splatiju duplične penzije onima tam prek meje, morti bi se našlo za magnet. Ali kak so naš najvekši pisac, gospon Miroslav Krleža rekli, „Ni med cvetjem ni pravice“ Međimurci so prestali biti trputec med cvetjem po šteromu se „krava i cigan posce“. Somi se bomo z dreka zvlekli. Samo nek nam ne „pomožeju“ kak so nas do ve. Morti je i dobro kaj nas nema med onima na vlosti. Se kaj si bomo napravili somi bomo krivi.

Zvir:
http://www.emedjimurje.hr/kolumne/kolumna-a-kam-bi-vi-posranci

* * * * * * * * * * * * * * * * * * * * * * * * * * * * * * * * * * * * * * * * * * * * *

Komentar članka (na) gor(j)e:
Antun Berljak, 2013-08-01,  8:06 am 

* * * * * * * * * * * * * * * * * * * * * * * * * * * * * * * * * * * * * * * * * * * * *

Ziga & Bandisti – Međimurje, kak si lepo zeleno, 04:30