Mali(gani) – kak mali “guni” iliti pištoli

Pregled tisKAJna
Zagorski list, br. 513, 17.09.2013.

Dnevnik tate Bena

“Mali”

Čitam h nedelju vijesti na internetu i nemrem vjerovati. Pročital sam kak je policija upala na svadbu i zabranila mužikašima igrati i još su dobili prekršajnu prijavu zbog narušavanja javnog reda i mira.

Osim kaj je naveliko sezona svadbi, počela je i sezona berbi. Pri nama h Zagorju je najpopularnija berba grojzdja. To vam je ono kad skupite ekipu i prejdete h trsje grojzdje pobrati. Za one teri ne znaju kak se berba odvija bum u kratkim crtama to opisal.

Piše: Tomislav Benčić

Čitam h nedelju vijesti na internetu i nemrem vjerovati. Pročital sam kak je policija upala na svadbu i zabranila mužikašima igrati i još su dobili prekršajnu prijavu zbog narušavanja javnog reda i mira. Savjesni policajac je mudro zaključio da je pevaljka popevala na mikrofon koji je bil spojen na pojačalo. I da se to kaj je ona popevala čulo. Baš zato se i koristiju pojačala. Da se nekaj čuje. Da budem iskren za takav slučaj još nisam čul. Međutim, u svemu tome ima i nekaj dobro. Bar buju mladenci mogli pripovedati kak su imeli jedinstvenu svadbu. Na teroj je policija napravila fajrunt. Zato si vi teri se mislite ženiti i delati svadbe dobro pazite. Da ne bi slučajno imeli takvu muziku tera se bu čula. Mužika more biti na svadbi, moreju i igrati i popevati, ali da se ne čuje nikam. Jer gdo je videl da se mužika čuje? Zakaj nisu samo na binu zaljepili veliki poster od mužikaša i zamislili si da ovi igraju?

Osim kaj je naveliko sezona svadbi, počela je i sezona berbi. Pri nama h Zagorju je najpopularnija berba grojzdja. To vam je ono kad skupite ekipu i prejdete h trsje grojzdje pobrati. Inače je to jedan od preduvjeta za proizvodnju vina. Čul sam da ima i drugih načina, ali mene moj tata vuči da prvo treba delati h trsju, pobrati grojzdje i tek onda od tog grojzdja vino napraviti. Za one teri ne znaju kak se berba odvija bum u kratkim crtama to opisal. Prvo se ekipa treba skupiti. Zborno mjesto je naravno kljet. Pravi gazda bu prvo prisutne ponudil s nečim „malim” (rakija, konjak, štok, pelinkovec, kruškovac,…) i eventualno priredil da se nekaj h zube dene. Tu najbolje prejdeju oni teri prvi dojdeju. Jer si moreju onda spiti „maloga” sa svakim gdo dojde kasnije. Kad se svi okupiju onda se podjeliju zadatki, gdo bu kaj delal. Mam se zna gdo bu bral, gdo bu putu nosil gdo bu mljel i delal ostale stvari h podrumu. I onda se krene. Dobro je da pri beračima barem jedna osoba tera bu im točila piti. Jer kak buš bral bez goriva? Niti auto nejde če ne natočiš gorivo, pa kak bu onda berač išel bez goriva? Kad se grojzdje pobere to treba proslaviti s kojim „malim” i onda bu pravi gazda ponudil i nekaj za jesti. Prije jela za bolji apetit dobro dojde koji „mali” za aperitiv. I onda se znaju događati uobičajene pojave. Jedna od njih je ljubomorno čuvanje ključeva od auta. Bez obzira kolko bu „malih” riješila osoba tera h žepu ima ključ od auta, taj ključ se ne daje nikom. Jer se žena i auto nikome ne posujavaju.

Tom prilikom dolazi do velikog propusta Centra za uzbunjivanje. Jer nigdar ne oglasiju opču opasnost. A opča opasnost počinje negde h popodnevnim satima u danima berbe. U to doba prava je lutrija kretati se po cestama uz trsja, jer su auti prepuni gore navedenih ljubomornih čuvara ključeva od auta. Zato treba paziti jer več spomenuti „mali” ponekad imaju čudan utjecaj na one teri imaju ključeve od auta na način da ti isti odjedamput imaju osječaj da su Fangio, Fittipaldi, Prost, Senna i drugi zapraf amateri naspram njima kad se natankiraju s „malima”.

* * * * * * * * * * * * * * * * * * * * * * * * * * * * * *

Adalbert Turner Juci feat. Crni Ribar – Jesen vu trsju – TV Spot, 03:07