Delegacija velkogoričkoga “Grozda” na Vinode v Đurđevcu

Napisal: Vlado Mikulčičov
11.11.2013.

 V sobotu 09. sesvetčaka (studenoga) delegacija velikogoričke Vudruge vinogradarov i vincilerov Grozd v zestavu predsednik Vlado Mikulčič, biškup Vinski Stiven Kobilinski Stjepan Vitez, biškup Turopoljsko Vukomerički Ivica Milkovič i službeni fotograf Željko Mikulčič  nazočila je 8. Martinjske špelancije v Đurđevcu. tam se skupilo 40-ek martijnske biškupov z cele Hrvatske teri su na redovne letne Vinode održali Martijnsku mešu, med sobom zebrali novoga Velikoga meštra martijnskoga ceremonijala, teromu su predali pečat i biškupsku kapu, a on je posle pozdravne reči i sve vinifikacije potlam krstil prinešene mošte v vino. Potrđeni su i novi kandidati za vinske biškupe ter podelene diplome i zafalnice. Osim martijnske meštrov na martijnskomu veselju na placu sudelovali su i kuburaši Kuburaškoga društva Koprivnica i vinođakonski Gruntovec bend. Naj napomenemo da je organizatora Turističku zajednicu Koprivničko križevačke županije poslužilo lepo vreme i da je za tu priliku prispel i posebni cug ze Zagreba z mnogobrojnemi ZagreBečani teri su  vuživali v ovomu zaizres osebujnomu i atraktivnomu turističkomu dogotku…

Zvir:

http://www.grozd-vg.hr/index.php?option=com_content&view=article&id=307:izaslanstvo-grozda-na-vinodi-u-urevcu&catid=34:aktivnosti
http://www.grozd-vg.hr/

DŠR Poljana 2012 Gruntovec bend, 15:53
https://www.youtube.com/watch?v=RQAH5WETCZI

PIJANO Bend Podravina, 09:51

http://www.grozd-vg.hr/images/stories/2013/vinoda.jpg