ZVONA, Mesečni list čakovečke žup, SESVETČAK (STUDENI) 2013.
NEKAJ ZA ČAS KRATITI
Neje Božek kriv za našo krizo, najte na jemo šparati!!!!?
Znuom gda je kriza, ali nejte šparati sam na dragomo Božeko, a dok dojde nekša nevola unda smo vsaki den v cirkvi i prosimo ga nek nam pomore, nek nam oprosti vse ono kaj smo zahuzali. A Božek kak Božek, on je takši i je, pak nam nejvečpot i vse oprosti. Na to smo navčeni i zato tak i delamo. Neste si nigdar mislili kaj bi i naš dragi Božek mogel jempot štrajkati kak to, več dva mesece, delajo naši dragi doktori brez šterih isto tak nebremo. Bar nej dok zbetežamo
Več pomalem i sam sebi idem na živce: pak kaj se čudim tem nezerenušima, kaj tak grdo moram reči, pak je i v Evanđeljo napisano gda je Jezuš ozdravil deset betežnikov, a sam jeden se vrnul kaj mo se zafali. Brzčas nebrejo vinogradari biti vekši katoliki od ovih v Evanđeljo? Pak so se zato i našemo gvardjano lagvi resušili! Ak več ne delajo vsako nedelo stisko v cirkvi, ak ne mečejo nikaj v nedeljne škreblice, unda bi bar mogli lagve napuniti. Neje vse v penezi!
Furt pripovedamo da je kriza, da ga ne dosti penez, a i tak se ponašamo. Ali ne navek. Nejbole se tua kriza pozna v cirkvi dok tre nekaj dati za Božekovo hižo, a i one šteri žnjom gospodarijo. Prosim vas lejpo, znuom gda je nej lejpo gledati v ljucko bukso, ali nebrem negda kaj ne bi videl kak ljudi prebirajo po drobnaj penezaj dok tre nekaj v škrebljico hititi. I to ne jempot! Pak od čega bodo naši velečasniki, očem reči, župniki živeli ak bodemo v škreblice sam železne peneze metali i to one nejmenše. Gledim sosedo Franco, ona vsako nedelo hiti v škreblico 5 kuni, a znam da ima bogečko penzijo. Gruntam si: kuliko bi ja moral hititi kaj bi mi Božek (čitaj: župnik) zapisal plusa? Vsi se zgovarjamo na to krizo, štera traje i traje, a unda nam dojdo Vsi Sveci i vse ono kaj celo leto govorimo nam padne vu vodo. Najme kaj, grobi i grobja so nam okinčeni kak daj gostuvanje obslužavali. Cvetja ga vejč nek i vu nejlepšemo međimorskomo cvetnjako. Nek vsi ljudi, a posebno pajdaši i sosedi vidijo, kak smo radi meli našega pokojnoga. I neje to vse, mora na grobo svetiti nejmeje dvajsti lampaši kaj mo ne bo dušica zalutala dok pe v nebo. A vsi mi znamo, bar mi katoliki, da se za dušice tre moliti v cirkvi, ali na tej veliki svetek je pre mešaj ne stiska. Ne ftegnemo i k meši dojti jerbo moramo to vse cvetje na grobje odnesti i vse te lampaše vužgati. Niti so stiske bile po cirkvaj, a niti pak je stiska bila pre meši, štera je služena na čakoskomo grobjo. Pak bodete rekli gda vas sam šinfam, ali moram vam nekaj reči: kak ne dojdete tua gde vam je mesto, a ftegnete sikam drugam. Vse se more ak se oče i vse se ftegne ak se dobro splanera. I još sam to: znuom gda je kriza, ali nejte šparati sam na dragomo Božeko, a dok dojde nekša nevola unda smo vsaki den v cirkvi i prosimo ga nek nam pomore, nek nam oprosti vse ono kaj smo zahuzali. A Božek kak Božek, on je takši i je, pak nam nejvečpot i vse oprosti. Na to smo navčeni i zato tak i delamo. Neste si nigdar mislili kaj bi i naš dragi Božek mogel jempot štrajkati kak to, več dva mesece, delajo naši dragi doktori brez šterih isto tak nebremo. Bar nej dok zbetežamo.
Minuli mesec smo zafalili dragomo Božeko za vse ono kaj je zraslo na našim poljima, sadovjakima, vrčakima, goricaj… Of tjeden pred nami obslužavlemo godovno svetoga Tinčeka i krstimo mošta vu vino. To je još jedna prilika kaj zafalimo dragomo Božeko za rodne gorice i pune lagve. Prosil bi vse one štero so napunili lagve kaj nebodo zahuzali kak je to bilo lanjsko leto. Najme kaj, lani je nej bila stiska pre zahvalni gorični meši jerbo so falili oni šteri so nejveč nabrali. Oni so odišli mošta pretakat. A što zna gde bi gombali i vlekli zvezde z neba gda so gorice slabo rodile ili pak da je, nedaj Božek, toča pobrala pol grozdja. Što bi vsima fpetil? Nejme brige, ali skorom navek isti falijo! Več pomalem i sam sebi idem na živce: pak kaj se čudim tem nezerenušima, kaj tak grdo moram reči, pak je i v Evanđeljo napisano gda je Jezuš ozdravil deset betežnikov, a sam jeden se vrnul kaj mo se zafali. Brzčas nebrejo vinogradari biti vekši katoliki od ovih v Evanđeljo? Pak so se zato i našemo gvardjano lagvi resušili! Ak več ne delajo vsako nedelo stisko v cirkvi, ak ne mečejo nikaj v nedeljne škreblice, unda bi bar mogli lagve napuniti. Neje vse v penezi!
Vaš Tonček
* * * * * * * * * * * * * * * * * * * * * * * * * * * * * * * * * * * * * *
Zvir:
ZVONA, Mesečni list čakovečke žup,
Leto XVI, br.11, studeni, l. 2013.
Nakladnik: ŽUPA SV. NIKOLE BISKUPA, ČAKOVEC,
http://www.ofm.hr/zupa_cakovec/ , http://www.ofm.hr/zupa_cakovec_jug/
Naklada 750 primerkov
* * * * * * * * * * * * * * * * * * * * * * * * * * * * * * * * * * * * * *
Kajkavski v cirkvam
Velečâsni Ivan Hrâstovičov, župnik v Loboru v Hrvackomu zâgorju, sě z svemi meštani spomina(l) kajkavski i, ke jě posebno vâžno, na mešami propovéda(l) na kajkavskomu jeziku.
http://www.zagorje.com/articles/2340/show.aspx
* * * * * * * * * * * * * * * * * * * * * * * * * * * * * * * * * * * * * *
KAJKAVSKA VEČERNICA I MEŠA
a)
pdf oblik (zvirni oblik, z ilustrâcijam):
http://www.pou-zelina.hr/documents/Izdavastvo/51_Kajkavska_vecernica.pdf
b)
editérajuči oblik (ně baš lépo posložen, bez ilustrâcij)
http://www.forumgorica.com/kajkavski/p-oltar-portal-nas-svagdasni-pobozni-i-vragolasti-bogoslavija/msg4294/#msg4294
c) Video:
Kajkavska večernica z mešum: KAJ v Zeline 2008. i 2009.
http://www.forumgorica.com/kajkavski/p-oltar-portal-nas-svagdasni-pobozni-i-vragolasti-bogoslavija/msg21820/#msg21820
Na priliku z leta 2008. (1/5):
Kajkavska večernica KAJ v Zelini 2008. 01, 15:00
Daj još jednu prijatelj natoči – Boris Babarović Barba & To je to ( Dragi naš Kaj 2013 ), 04:06
