Pregled tisKAJna
Varaždinske vesti, br. 3593, 12.11. 2013.
Piše prof. Barica Pahič
KAJ je naše pitanje i naš odgovor
Od suza i plača do popiefke i veselja i nazaj
Po cestami su špancierali policajci i testierali vozače na stupanj alkoholizieranesti. Kie zna kulike ji je poplavele! Jedine žrtve pak su oni šteri ne piju ili ne smeju piti zate kaj voze pune aute pijanih. Praf jim budi. Dal Bog da su to jedine žrtve martinjskega slavlja. Življenje nam teče od suza i plača do smeha i veselja i nazaj.
Ovieh jesenskih dnevov sme ophajali gruoblja, kinčali grobe naših dragih, vužigali svieče i molili se za njih. Zestajali se z starimi prijatelji i rodbinu z šteru se zestaneme same na Sesvete ili pak na sprevodi, ređe pak na venčanji. Na Sesvete se obvezatne nejde same na naše preliepe varaždinske gruoblje neg i v ruodni kraj. Imeli sme osečaj žalesti i svečanosti. Vu tem sme vidli kie još do nas ili pak do naše obitelji kaj derži i kie još hoče vužgati svieču na čijem gruobu. Spitavali sme se kak nas služi zdravlje i je li kaj znamo za one šteri ovie put niesu došli doma. Fnuogi su obišli i sve največ prazne hiške. Zmišljavali sme se kak se negdar živele gda nas je f sake hiške bile pune i kak nam je bile v detinjstvu, zeznavali kie od nažih poznatih fmrl negde drugde.
Tak su se miešale i suze i smieh, i žalest i veselje. Nam je pri sercu biele i male tople. Nekaj nas je grele sunce, nekaj pak sreča kaj sme ze našli s kiem dragim i poznatim. Onda sme se skupili okoli stulov, pa sme najprie molili, a onda jeli, pili, šalili se. Bile je i onieh šteri su rekli da imaju radi v novinami nekaj prečteti na kajkafščine i da je toga premale. Ali kajkafščine ima, maker nie f novinami. Tuo dokazuje natječaj za nagradu “Katarina Patačić” na šteri je prispelo 12 knig. Kie bu dobitnik, zeznale bu se odma.
A dek su još svečice po groblji požmirkavale, mislile se na sakdiešnje brige i posle. Življenje ide dalje. Nieje pozabljena ni nuova prilika za zestajanje, krščenje mošta, Martinje… Čula sem jenoga fajn črlenoga muža kak je zapopieval: “Došel bu došel Sveti Martin, on ga bu krstil, ja ga bum pil” i pozaval na službene preobračanje mošta vu vino. Dogovarjale se gdi bu odigrani tie ”posvečeni” čin. Na placu su naručivane guske (dobre su i race) za martinjske pečenke z mlinci. Nekoji tuo obavljaju v svoji klieti, ali fnogi bormeš i v hoteli.
Prilika je za vinarski turizem, za šteri se naviek najde nekaj penez. Organizierale se kie bu i gde bu zvajal martinjske špelancije i križevačke štatute, Čolo je pak negde predstavljal biškupa, na kaj ni svečeniki ni biškupi ne glediju kak na svetogrđe, nek se i fnogi od njih dobre zabave. Po cestami su špancierali policajci i testierali vozače na stupanj alkoholizieranesti. Kie zna kulike ji je poplavele! Jedine žrtve pak su oni šteri ne piju ili ne smeju piti zate kaj voze pune aute pijanih. Praf jim budi. Dal Bog da su to jedine žrtve martinjskega slavlja. Življenje nam teče od suza i plača do smeha i veselja i nazaj.
i(l) str. 21. (?) sim
http://varazdinske-vijesti.hr/pdf/3593.pdf
Aktuelni broj VV:
http://varazdinske-vijesti.hr/online/Main.php?MagID=1&MagNo=1
* * * * * * * * * * * * * * * * * * * * * * * * * * * * * *
Martin Sagner & Melos – Ja sem pospanec, 02:49
