Pregled tisKAJna
Varaždinske vesti, br. 3599, 23.12. 2013.
Piše prof. Barica Pahič
KAJ je naše pitanje i naš odgovor
Predbožična prognoza je glasila:
Za ovie Buožič na nebu repatice nebu
Jeni veliju da je zvezda repača znamenje dohajanja svetih treh kraljev šteri su nosili dare Buožjemu detetu, a drugi da najavljuje nevolje i rate. Zmislila me i na 1986. leto gda se Halleyev komet (repača) skazal i znad Hervatske. Si sme gledeli kak po nebe vlieče svuoj svetleči rep, pri kraju rastepeni f drobne iskrice. Moja mama si je zdehnula:
– Deca, nie dobre. Bu rata!
Dohajaju božični dnevi. Tuo vidime i po vulicami nakinčanimi z pune kojkakvih svietlečih žaruljic, po dekorieranemi izlogi, TV-promičbi božičnih darov z Dedeki Božičnjaki, starčeki s čelenimi kapicami; za jene f skupi kočijami i z severni jeleni, a za druge na pleči z kakvu vrieču f šteri i dari moraju biti menjši. A s TV-a nas pozivljeju i na zabavu v osvietljeni Zagreb. Ne muorame več hoditi ni v Beč ni f Salzburg da bi doživeli božične raspoloženje. Varaždinci pak ni v Zagreb ne moraju iti. Naš grad je več obilježen božičnim kinčom i plastičnim borom pred Viečnicu.
I ja zvlačim božičnoga kinča. Med kuglicami, anđeleki i žarljicami je i jena od mali žaruljic zložena zvezda repatica. Saki put gda ji iščem mesto gde bi najbolj pristajala, zmislim se i na ona duoba gda sem na Buožič muorala delati pak je slavlje bile onak po tihe, po domači.
Jeni veliju da je zvezda repača znamenje dohajanja svetih treh kraljev šteri su nosili dare Buožjemu detetu, a drugi da najavljuje nevolje i rate. Zmislila me i na 1986. leto gda se Halleyev komet (repača) skazal i znad Hervatske. Si sme gledeli kak po nebe vlieče svuoj svetleči rep, pri kraju rastepeni f drobne iskrice. Moja mama si je zdehnula:
– Deca, nie dobre. Bu rata!
Si sme se nate nasmejali. Kakve tuo bedastuoče mama pripovieda?
– Same se vi smejte. Morti ja tuo nebum doživela, ali vi bute. Stari ljudi su furt govorili da repeča rat naviešča. A kaj hočete goršu nevolju od rata?
– Rat? Kakev rat? – čudili sme se mi.
I f školi sme o tem puno govorili, a đaki su pisali zadače i referate, jednodušni vu tem da je repatica zakonita svemirska pojava i ne treba ji pridavati nikakva mistična značenja, pa ni osvetljavanje puta biblijskemi kralji.
– Se druge je proizvod ljudske mašte – rekli sme.
Ali je došla 1991. Na zgradu kre one gdi je onda v Zagrebu stanovala moja mama, z “Maršalke” su strieljali. Zrušili su stane na zadnjem katu.
– Kaj sam vam rekla za repaču? Kie je bil bedast? Trajale bu tuo najmenj štiri lieta. Si rati prinas traju tulike, a meni je tuo trejči. Nebum ga preživela.
I nieje. Fmrla je leto dni prie neg se zveršil.
I ovega si leta nameščam električnu repaču i veselim se Božiču gda se buju si moji našli kre mene. Znam da ovie put na nebu repače nebu. Vlada nam je za Nuovu 2014. mirise, zlato i tamjan več navestila priek TV-a. Sejeno se bumo veselili, popievali “Tihu noč” i “Čestit svietu…” i jeni drugem sreču, zdravlje, mir i sega obilja željeli. A tuo i ja želim siem čitateljem i siem dobrim ljudem.
Zvir:
http://varazdinske-vijesti.hr/kaj-je-nase-pitanje-i-nas-odgovor/za-ovie-buozic-na-nebu-repatice-nebu.html
i(l)
str. 49. sim
http://varazdinske-vijesti.hr/pdf/3599.pdf
Aktuelni broj VV:
http://varazdinske-vijesti.hr/online/Main.php?MagID=1&MagNo=1
* * * * * * * * * * * * * * * * * * * * * * * * * * * * * *
Ksenija Erker – Zgublena zvezda (Krapina 2011) Popevke zanavek 9.9.2011. HQ, 04:09
