Kaj je pravica zapraf? Si misliju da znaju, a saki vidi same svoju pravicu i na se kaj mu ne odgovarja kriči da je nepravda.
* * * * * * * * * * * * * * * * * * * * * * * * * * * * * * * * * * * * * * * *
Varaždinske vesti, br. 3611, 18.03. 2014.
Piše Barica Pahič
KAJ je naše pitanje i naš odgovor
Nieje lehke biti sudec
Kaj je pravica zapraf? Si misliju da znaju, a saki vidi same svoju pravicu i na se kaj mu ne odgovarja kriči da je nepravda. I na kaj se onda osloniti? Na znanje? Na zakone? Na moral? Na istinu? Na Bibliju? Ili se deti na kup i s tega zvleči nekaj svojega? I oni šteri su se školali da bi pravedne sudili nemreju siem pogoditi pa jim presude moraju spreispitati još važnejši. Zate su i stručnjaki na mukami.
Na ove premišljanje natirala me ovolietna Godišnja skupščina Varaždinskega književnega društva, održana 8.ožujka (na svetski Dan žena pak su zate se ženske dobile po jen jaglac).
Precednik N Slukić, tajnik T.Orak i precednica NO – a N. Bogojević, podnesli su godišnja izvešča. Nabrojene je se kaj je VKD ostvarile v 2013. letu i kulike knjig su njegvi člani napisali i vundali. Onda se raspravljale o izvešču. Jeni misliju da se sme računati same one gdi je pisale da sudeluje i VKD, a kaj njegvi člani dielaju bez toga natpisa se ne računa.Večina se s tiem slaže. Bile je rečene i da se za se treba znati jer člani VKD-a niesu same “nosači velikih klobukov” i boemi nek se bave i drugemi, pa i znanstvenemi posli. Rečene je i da VKD nema svoje prostorije, da je f Trakoščanske 24 same gost, ali da mu miesna zajednica i te meste hoče fskratiti.
Gradski političari se baš ne zanimaju za Društve, pa ni za njegve potrebe za prostorom. Morti misliju da je postojanje književnega društva same trošek i da ga Varaždinu ne treba. VKD-u su kakti dali rodnu hižu V.Jagića, štera je same skladišče smetja. Za obnovu, veliju, nie penez. Izvešče o poslovanju s penezi je dočakane s pljeskom za T. Oraka jer se štima na dlaku. To je prinas rietkest. Znači, poštenjakov ipak ima. Drugač, kak zgledi, na posle s penezi nieki vrag privlieče same one z dugi persti šteri se berze openeze po one: Moja ruka, tvuoj žep!
No, izvešča su prihvačena pa i plan ovelietnega delovanja. Primljene su i nuove članice Društva; Iva Tkalec, Ljubica Marošević Ribić i Lidija Deduš, najavljena je i proslava 20. oblietnice postojanja Društva. Ali ne znači da nie bile kritike. Tak se M.Varga, inače najpopularejši hrvatski pesnik haikua v Japanu, obrušil se na Ocenjivački sud lanjskih “Senja i meteorov”. On misli da je nagradu trebala dobiti jena, po njegvi proceni, čist druga pesma. Za svoje mišljenje je dobil sedem e-mailov potpore ( a nieje bil član Suda) a ni jeden član Suda nie dobil nijeden e-mail ni potpore ni protesta.Vište zakaj sem tulike premišljala o pravde. Nieje lehke biti sudec. Furt se najde i nad popom pop.
Zvir:
http://varazdinske-vijesti.hr/kaj-je-nase-pitanje-i-nas-odgovor/nieje-lehke-biti-sudec.html
i(l) str. 43 sim:
http://varazdinske-vijesti.hr/pdf/3611.pdf
Aktuelni broj VV:
http://varazdinske-vijesti.hr/online/Main.php?MagID=1&MagNo=1
Mirko Varga, Korenjak (Varaždin)
(haiku most important):Na mostu
dječji plač zaustavlja
leptir.On the bridge
stops a child from crying
a butterfly.
2. nagrada, Shimanami Kaido 1999, Ehime Prefecture, Japan* * * * * * * * * * * * * * * * * * * *
Vargov Mirkic najvekši vuspeh v haiku poezije doživeu je leta 1999., da je biu pozvani v Japan za nagrajeni haiku šteri na korenjačkomu kajkavskomu glasi:
na muostu
zaustaviu dečji krič
LEPTIRNaime Japanci su “puščali” v promet nekuliko mostov na moru, ter su iskali haikue na tu temu.
Mirkicov haiku je “vužgau” (“vupaliu”) posebno z srečnem koncom (happy end-om), ke mu je na kraju priznau i glavni sudec povedavš da ga je zapraf LEPTIR otpelau v Japan (iznenađenje v 3. retku!).
Sudec za prav(icu)?
kušni me za prav, 02:39
(kušni me kaj cipele mi se zuju..)
