Oni “f krletki” bi mogli osnovati stranku (krletkijanski, krležijanski povedano)

Dogodile se čerupanje med “kukurikavci” i nuova uhičenja vu Varaždinu. Si trdiju da su nevini i da ne razmeju optužnice. O tem na berzinu nemrem suditi. Niesem jim blizu. Ali sem čula jenu ciničnu ideju; naj si oni šteri su več “f krletki”, ili vu nje buju naskorem, osnuju nuovu stranku. Članstva jim nebu zmenjkale, a mogli bi organizierati i podružnice. Varaždinska bi jim bila zbilja brojna.

…..
Varaždinske vesti, br. 3619, 13.05. 2014.

Piše prof. Barica Pahič

KAJ je naše pitanje i naš odgovor

Oni “f krletki” bi mogli osnovati stranku

Da se nekaj, osim graha, kuhale, znali su same znalci. Ostali su osečali nekaj čudnega v zraku.
I dogodile se; čerupanje med “kukurikavci” i nuova uhičenja vu Varaždinu. Si trdiju da su nevini i da ne razmeju optužnice. O tem na berzinu nemrem suditi. Niesem jim blizu. Ali sem čula jenu ciničnu ideju; naj si oni šteri su več “f krletki”, ili vu nje buju naskorem, osnuju nuovu stranku. Članstva jim nebu zmenjkale, a mogli bi organizierati i podružnice. Varaždinska bi jim bila zbilja brojna. Mogli bi osnovati i vladu v sjeni. Premijera i ministra gospodarstva več imaju, a i minister financija jim je izgladen.
Komaj sme se priviknuli na te da imame nuove svece, a več su došli “merzli sveci” i tuo ftruc temu kaj se slavil Praznik rada. Največi diel dneva bile je tople, dišal je grah z mesom i špekom, popieale se i veselile. Slavile se na se strani, i tuo saka politička stranka na drugem meste; varaždinski SDP na Dravi, HNS na Trakoščanu, a HDZ v Ljubeščici. Političari su pokazali velike zanimanje za severni diel Hrvatske.

Pomislile bi se da su došli zu zate kaj jim je najbližeše pa buju jim putni stroški najmenjši, ali nam je laburist Lesar otkril da je Premijer f Čakovec došel s pratnju v sedem auti, kak da je kralj. (Nie važne a je ili nie, ak se on tak oseča.) Od tam se v Zagreb nie štel mime Varaždina same prepeljati. Došel je pozdraviti gradonačelnika Habuša (s pratnju) i građanem čestital Pervi svibanj. Ministrica vanjskih poslov i HNS-ovka pak je v Trakoščan došla ohrabriti svoju rasciepljenu i potkurtanu stranku i nadihati se friškega zraka, a morti se zmislila i na onu štera se baš f Trakoščanu dogovorila za EU s Slovencem B. Pahorom. Morti si je gđa Pusić i pred ploču z šterom je ovekovečen tie sudbonosni dogodek i male zdehnula.

Na kraju je zjavila da je proslava Praznika rada tradicija, na kaj su ji statisti i jelci graha jake zapljeskali. Ne zna se je li se pritem zmislila svojega obečanja 200.000 radnih miest i kak ji je pri sercu z denešnjih 350.000. I ministrica kulture je bila blizu i pohvalila naše kazališče. Saka čast! Daleke od toga da je tuo f predizborne svrhe! Gospon Karamarko pak je, skromen kakev je, došel v Ljubeščicu prerezati nekakšnu žnoricu. Pokazal je da misli na gospodarstve i održal govor f šterom je špotal one na vlasti. I sindikalisti su reagierali oštre. Prizivali se ostavku Vlade i dielili čeljene kartone. Potkraj su “merzljaki” se pokvarili s dežjom i severnim vetrem probali rashladiti vruču političku atmosferu. Da se nekaj, osim graha, kuhale, znali su same znalci. Ostali su osečali nekaj čudnega v zraku.

I dogodile se; čerupanje med “kukurikavci” i nuova uhičenja vu Varaždinu. Si trdiju da su nevini i da ne razmeju optužnice. O tem na berzinu nemrem suditi. Niesem jim blizu. Ali sem čula jenu ciničnu ideju; naj si oni šteri su več “f krletki”, ili vu nje buju naskorem, osnuju nuovu stranku. Članstva jim nebu zmenjkale, a mogli bi organizierati i podružnice. Varaždinska bi jim bila zbilja brojna. Mogli bi osnovati i vladu v sjeni. Premijera i ministra gospodarstva več imaju, a i minister financija jim je izgladen.

Zvir:
http://varazdinske-vijesti.hr/kaj-je-nase-pitanje-i-nas-odgovor/oni-f-krletki-bi-mogli-osnovati-stranku.html

i(l) str. 23.  sim
http://varazdinske-vijesti.hr/pdf/3619.pdf
Aktuelni broj VV:
http://varazdinske-vijesti.hr/online/Main.php?MagID=1&MagNo=1

* * * * * * * * * * * * * * * * * * * * * * * * * * * * * * * *

Kavaliri – Baurico – TV Spot, 02:40