2014-06-23
FOTO Ivajne v Buševce:
Od bajkerov i KUD-ov do „Živinske farme“
Kak završnu proslavu Ivajna, z OSS-a Buševec istikaju premijernu predstavu sve kazališne amaterov…
***************************
Ivajne v Buševce tradicionalno se obiležava več 11. leto. Posetitele su čera zabavlala kulturno-umetnička društva z Čučerja, Siska, Župajne i Mraclina. V osnovne škole organizerana je izložba karikatur, a v dečjomu vrteku izložba „Deca – čuvari dedovine“. Kakvo bi to Ivajne bilo da ne vužgan Ivajnski kres. V Buševce je poznat kak jen od najvekše v turopolskom kraju. Vuž-nega se vuživalo i slavilo do rane juterne vur.
– Na Ivajnu smo predstavili etno i eko proizvode naše vredne obrtnikov teri se trude očuvati našu starinu i da senok (neke ) ostane od toga sega ke delamo – povedal je predsednik OSS Buševec Nenad Rožičov (Šepinov).
DOJURILI ZE SISKA
Z svojemi staremi foringi v Buševec su stigli člani Oldtimer kluba Sisek. Žel(j)ko Žarkovičov dojuril je na tomosu z leta 1976.
– Nekak čoveka povleče žel(j)a da se vrne v mlade dane pa si onda i pronajde foringu z te dan, restaurera ju i počme se pak voziti na-te foringe. Motor (motociklin) je generalno restaureran, ke znači da je detalno bil rastavlen, peskaren, znova ofarban v negvu originalnu svetlo plavu farbu. I se je zmejneno ke se dotikavle mašine, od karik, kuplunga, lagerov, do sajli na motoru – opisal je Žarkovičov.
REKONSTRUERALI KRIŽANO PLATNO
Meštanem je cil revitalizerati Buševsku zadrugu v nejnomu zvirnomu vundajnu. Išču imajne na teromu buju prikazali tradicionalni Buševec v malomu. Več su sad od pozablejna spasili prikaz tkajna na tkalačkomu stanu. I ne samo to. Rekonstruerali su staro križano platno za Buševsku narodnu nošnu.
– Ovo sada ke se tke je lepo laneno platno tero je složeno prema vuzorku stare narodne nošne. To platno ima sentimentalnu vrednost da se rekonstruera onak kak se nekad tkalo – napomenul je Vlado Čehuličov.
ŽIVINSKA FARMA
Kak završnu proslavu Ivajna, z OSS-a Buševec istikaju premijernu predstavu sve kazališne amaterov. V petek, 27. lipna, uv Domu kulture ob 20,30 vur prikazali buju „Živinsku farmu“ na kajkavskom jeziku.
foto: Kronik Velike Gorice – Zlatko Srbelj
http://www.kronikevg.com/ivanjebusevcu/
