To je bila prilika da se zmislimo kak je prvo proščeje bilo na Jugo pre dvajsti let. Bilo je teško, kak i navek dok se cirkve zidajo, jerbo znate kak i od čega se cirkve zidajo? Od onoga kaj obečajo oni kaj imajo peneze i od onoga kaj dajo oni šteri nemajo. Penez ga ne bilo kuliko je trelo, ali je ljudi bilo. Vsi so dohajali i pomagali, a denes da je vse gotovo, da je cirkva zlipšana ve najempot ga nega dosti ljudi.
* * * * * * * * * *
ZVONA, Mesečni list čakovečke žup,
IVANŠČAK (KLASEN, ROŽENCVET, LIPEN) 2014.
NEKAJ ZA ČAS KRATITI
Tončekova proščeja
To je bila prilika da se zmislimo kak je prvo proščeje bilo na Jugo pre dvajsti let. Bilo je teško, kak i navek dok se cirkve zidajo, jerbo znate kak i od čega se cirkve zidajo? Od onoga kaj obečajo oni kaj imajo peneze i od onoga kaj dajo oni šteri nemajo. Penez ga ne bilo kuliko je trelo, ali je ljudi bilo. Vsi so dohajali i pomagali, a denes da je vse gotovo, da je cirkva zlipšana ve najempot ga nega dosti ljudi.
Što bi rekel da vreme tak fletno ide, ne sam da ide nek i leti. Minuli tjeden, očem reči, minuli vikend je bilo proščeje na čakoskomo Jugo. Najme kaj, Sveti Tonček (moj imejak) šteri je i glavni patron čakoske mlajše i južne župe je opslužaval svoje ovoletošje godovno, pak je to bila prilika da se zmislimo kak je prvo proščeje bilo na Jugo pre dvajsti let. Na Antonovo 1994. leta se je zišel Odbor za gradnjo cirkve z ondašjim gvardjanom paterom Ivanom Lončarom i onak skromno se je prefeštalo. Leto dni predi, na samo Antonovo, je bil blagoslovleni i v zemljo posajeni kamen temeljac nove cirkve, a črez leto dni se je več vidlo kak lepo napreduvle, pak je to trelo i prefeštati. Ne preveč, ali je trelo, a itak je bilo napravleno. Južno proščeje je počelo srmežljivo, ali je dale več ne tak bilo jerbo so vsi pomagali i vsi so šteli kaj bi Tončekova cirkva bila čim predi gotova. Zmislim se kak denes da so vsako leto posle proščeja delana z domačim snagama, popevali so Makovci, pleh-bandisti, kudovi, tamburaši, Kerma, Žiga, jeno leto se pomagal Skočiš Zec, a drugo leto slavonski kanarinec Kićo. To so bili cajti da so i sponzori pomagali kaj se tekučine dotikavle (vino, pivo), a i Vajda je nekaj dala tak da ste mogli sedeti pod šatorom i pomagati zidati cirkvo. 1997. leta je denešji južni župnik, pater Drago, organizeral koncertlina Črlenih jabuki i tuliko je ljudi došlo kaj so niti vsi ne zišli v park prek cirkve. To leto je na Tončekovo proščeje došel nadbiškop i kardinal Francek Kuharič. I on je skupa z nami obedoval pod šatorom dok so tamburaši igrali kaj se ne čulo kak kosti pokajo i zobi škriplejo. Tak je to bilo, tak je počelo. Bilo je teško, kak i navek dok se cirkve zidajo, jerbo znate kak i od čega se cirkve zidajo? Od onoga kaj obečajo oni kaj imajo peneze i od onoga kaj dajo oni šteri nemajo. Penez ga ne bilo kuliko je trelo, ali je ljudi bilo. Vsi so dohajali i pomagali, a denes da je vse gotovo, da je cirkva zlipšana ve najempot ga nega dosti ljudi. Tri dni smo se prepravlali za proščeje, vsaki den je mešo služil drugi velečasnik (Prelog, Sveti Juraj na Brego, Šenkovec), a i popeval je drugi župni zbor. Na Tončekovo je, posle večernje meše, bil koncertlin mačkoskih Kudovcov pred cirkvom na Tončekovomo placo, a posle pak je, prek pota v parko, popevala klapa Šufit. To je bilo na samo godovno, štero je ovo leto palo ruon v petek. Drugi den so na isti mesti igrali i popevali Gazde, tak da morem reči da sveti Tonček more biti zadovolen z ovoletošjim svojim godovnom.
Kaj vam bodem rekel, tretji den prepravljanja za proščeje, a to je bilo v četrtek je dosti ljudi falilo v cirkvi jerbo so se, po krčmaj, terasaj… prepravljali za prvo tekmo na Sveckomo labodoritaškomo prvenstvo, gde so naši „Vatreni“ igrali z Brazilcima. A što je štel mogel je na vse dojti jerbo je meša bila v sedmi vuri, a tekma v deseti. No, mesto kaj bi bili došli na mešo i prosili svetoga Tončeka nek nam pomore kaj pobedimo, mi smo rajši mehnatili oblizeke z roštilja i trosili pive, tak da so nam naši labodoritaši odišli po riti k meši. Nigdar ne znamo de nam je mesto. Fala vsima šteri so mi čestitali moje godovno, verjem da jim je ne žal jerbo sam jiv vse počastil z rundom pod šatorom.
Vaš Tonček
* * * * * * * * * * * * * * * * * * * * * * * * * * * * * * * * * * * * * *
Zvir:
ZVONA, Mesečni list čakovečke žup,
Leto XVII, br.6, lipen 2014. l.
Nakladnik: ŽUPA SV. NIKOLE BISKUPA, ČAKOVEC,
http://www.ofm.hr/zupa_cakovec/ , http://www.ofm.hr/zupa_cakovec_jug/
Naklada 750 primerkov
* * * * * * * * * * * * * * * * * * * * * * * * * * * * * * * * * * * * * *
Kajkavski v cirkvam
Velečâsni Ivan Hrâstovičov, župnik v Loboru v Hrvackomu zâgorju, sě z svemi meštani spomina(l) kajkavski i, ke jě posebno vâžno, na mešami propovéda(l) na kajkavskomu jeziku.
http://www.zagorje.com/articles/2340/show.aspx
* * * * * * * * * * * * * * * * * * * * * * * * * * * * * * * * * * * * * *
KAJKAVSKA VEČERNICA I MEŠA
a)
pdf oblik (zvirni oblik, z ilustrâcijam):
http://www.pou-zelina.hr/documents/Izdavastvo/51_Kajkavska_vecernica.pdf
b)
editérajuči oblik (ně baš lépo posložen, bez ilustrâcij)
http://www.forumgorica.com/kajkavski/p-oltar-portal-nas-svagdasni-pobozni-i-vragolasti-bogoslavija/msg4294/#msg4294
c) Video:
Kajkavska večernica z mešum: KAJ v Zeline 2008. i 2009.
http://www.forumgorica.com/kajkavski/p-oltar-portal-nas-svagdasni-pobozni-i-vragolasti-bogoslavija/msg21820/#msg21820
Na priliku z leta 2008. (1/5):
Kajkavska večernica KAJ v Zelini 2008. 01, 15:00
Tancajne z bidram (međimurskemi digani, diza(jnera)ni kolači)
“Ples z bidrami” – nastup na “Antunovskom proštenju” na Jugu, 24:40
