Kajkavska cajtmašina: Je strah zrasel z zemlje ili je opal z neba?

Strahu su si popriek. Tuo bi se vučene rekle da je zavladal egzistencijalni strah.Vu tem strahu se več ne zna kie je komu prijatelj, kie kum, kie brat, a kie pravi ili “potencijalni” neprijatelj.
Prie ili kesneše na videle muora duojti se, pa i tuo kie je posijal strah po zemlje. Seme straha hičene v zemlju pusti korenje i opasne raste. Z neba duejde po više sile. Ak je došel v mandatu ateistov i agnostikov, šteri vu više sile ne veruju, s tiem se nemreju pravdati. Kie bu vutem opal, bu se dobre zbubiental i stergal.

Kajkavska cajtmašina

Kiseli vuGorki
(V)SE( )ZONA KIS(S)ELE VUGORKOV
Kolovoz i okolo-vozi
IŠLA MAR(T)A Z KOLOVOZA (kolodvora)
Kiseli c(j)elovi, KIS(S-CJ)EL(OV)I, Küsschen-i, kušleci

Varaždinske vesti, br. 3623, 10.06. 2014.

Piše Barica Pahič

KAJ je naše pitanje i naš odgovor

Je strah zrasel z zemlje ili je opal z neba?

Strahu su si popriek. Tuo bi se vučene rekle da je zavladal egzistencijalni strah.Vu tem strahu se več ne zna kie je komu prijatelj, kie kum, kie brat, a kie pravi ili “potencijalni” neprijatelj.

Prie ili kesneše na videle muora duojti se, pa i tuo kie je posijal strah po zemlje. Seme straha hičene v zemlju pusti korenje i opasne raste. Z neba duejde po više sile. Ak je došel v mandatu ateistov i agnostikov, šteri vu više sile ne veruju, s tiem se nemreju pravdati. Kie bu vutem opal, bu se dobre zbubiental i stergal.

Zgledi da ovie dnevov strah objemlje cielu Našu Liepu. Strah je opče stanje. Jeni su strahu da neju našli posel (duge ga zabadav iščeju), drugi da ne bi zgubili posel, treči da za one kaj su oddelali neju dobili plaču pa neju mogli plačati kredite i režije, oni na vlasti su strahu da bu se nekaj spreobrnulo pa buju zgubili položaje, da se bu zeznale kak su dobili velike kredite i komu su kaj dali ”ispod stola”, nešterni da buju muorali platiti porez na kamate za šparanje penez ili da buju razotkriti njieve inozemni računi, prevarancije i krađe pa strahujeju od uhičenja i rešta, a večina nas od poskupljenj, zmenjšanja plače ili mirovine, vekših porezov, od bolesti, gladi i da ne velim još i od poplave.

Strahu su si popriek. Tuo bi se vučene rekle da je zavladal egzistencijalni strah.Vu tem strahu se več ne zna kie je komu prijatelj, kie kum, kie brat, a kie pravi ili “potencijalni” neprijatelj. Zate nas jeni hočeju uveriti da je v Juge bile bolje. Kakti, pune je tega bile izgrađene, a denes pak ništ. Ljude zanima po čiji nacrti je se dobre izgrađane ak naši denešnji stručnjaki ništ ne znaju projektierati pa ministri vreče penez daju stranjskim za čije projekte se na kraju konstatiera da ne vriede. Kie je na višeši štiengi muoči, tie ima več razlogov za strah. Ali se mreža pričela tergati, a oni šteri su vu nje se kefaju se f šesnajst. A kaj nam sutra donaša? Kie bu koga “pojel za doručak”? Zate se pitame je li strah zrasel z zemlje ili nam je opal z neba, kak je rekel jeden šteri ne zna gde je, ali je za prikrivanje straha glavni. Stalne se nekaj obečavlje i vladajuči se dielaju optimisti, a na njimi se vidi da lažeju pa jim male kie veruje.

Oni šteri su za sebe govorili da su pravedni i pošteni, a protivnikem da je med njimi razlika kak nebo i zemlja (podzemlje čak), nekak su ftihli. Razotkrila se njieva pravednest i poštenje. Jemput bu se zeznale kie je i kulike penez zamračil, kie je kulike deržavu zadužil, kie i zakaj je duobil poticaje, komu je otpisan porez, kie je i zakaj dobil velike otpremnine. Prie ili kesneše na videle muora duojti se, pa i tuo kie je posijal strah po zemlje. Seme straha hičene v zemlju pusti korenje i opasne raste. Z neba duejde po više sile. Ak je došel v mandatu ateistov i agnostikov, šteri vu više sile ne veruju, s tiem se nemreju pravdati. Kie bu vutem opal, bu se dobre zbubiental i stergal.

A kaj bu stega imiel narod? Plačal bu račune za njieve krive odluke. Niesem optimistična. Moderne rečene, ja sem i tak outsourcing – vanjska usluga.

Zvir:
http://varazdinske-vijesti.hr/kaj-je-nase-pitanje-i-nas-odgovor/je-strah-zrasel-z-zemlje-ili-je-opal-z-neba.html
i(l) str. 23 sim:
http://varazdinske-vijesti.hr/pdf/3623.pdf
Aktuelni broj VV:
http://varazdinske-vijesti.hr/online/Main.php?MagID=1&MagNo=1

* * * * * * * * * * * * * * * * * * * * * * * * * * * * * * * * * * * * * * * *

Marjana Deržaj Ptičje strašilo, 03:26