Najdepši sloj je zmešan od domačih Scila i Haribda…
Kajkavska cajtmašina
Kiseli vuGorki
(V)SE( )ZONA KIS(S)ELE VUGORKOV
Kolovoz i okolo-vozi
IŠLA MAR(T)A Z KOLOVOZA (kolodvora)
Kiseli c(j)elovi, KIS(S-CJ)EL(OV)I, Küsschen-i, kušleci
Varaždinske vesti, br. 3624, 17.06. 2014.
Piše Barica Pahič
KAJ je naše pitanje i naš odgovor
”Recept za “strah-tortu”
Jeden sloj je zmiksan od EU izborov, kaj znači Ruže i Tonina z dodatkem M. Le Pen, potem pa male Ukrajine i Putina, potepeno s Krimom meste pecilnega praška Dr. Oetker, pa onda male Obame i Angele Merkel poradi sočnesti. Drugi pak je nekak bolj klasične zvuordani od domačih poplava i pomoči poplavljenemi, pa onda od “pripetavanja”za Savudrijsku valu (Piranski zaljev), a pridodane je i nekaj crnogorskega okoli Prevlake, poradi ravnoteže znutri bivše Juge.
Najdepši sloj je zmešan od domačih Scila i Haribda…
Ak ste kuharski nastrojeni i gledeli ste “Celebrity Master chef”, sigurne bu vas zanimala “strah-torta” za šteru je recept pisani i popularizierani preteklega tedna. Sami ju nemrete napraviti, ali da ju bute kuoštali i z nju se još duge davili, sigurne je. Kaj nieste primetili njen recept na TV-u ili v novinami? Hočete ju ili nie, recept je javni, tuorta je napravljena i vi ju sprobavljete, ak tega i nieste svesni. Prie ili pokle bu vam došle v glavu. Torta je najmenj “trokatna”, a saki sloj je z druge mešavine (zmešarije), saki je nadeveni z drukčešom “filom”, a zvana je, kak se i šika, nakinčana i z nejestivim kinčem. A i sloji se moreju raporediti kak kie hoče. Pak prinas je demokracija visoke rangierana.
Jeden sloj je zmiksan od EU izborov, kaj znači Ruže i Tonina z dodatkem M. Le Pen, potem pa male Ukrajine i Putina, potepeno s Krimom meste pecilnega praška Dr. Oetker, pa onda male Obame i Angele Merkel poradi sočnesti. Drugi pak je nekak bolj klasične zvuordani od domačih poplava i pomoči poplavljenemi, pa onda od “pripetavanja”za Savudrijsku valu (Piranski zaljev), a pridodane je i nekaj crnogorskega okoli Prevlake, poradi ravnoteže znutri bivše Juge.
Najdepši sloj je zmešan od domačih Scila i Haribda, štere na naš brod skup tira Karamarko, a zbegava Vlada s kormilarem Zokyjem, i z drugom Linićem kak kočničarem, pa čas zgledi da bu zdrobljen, čas pak da z “mudrim vodstvem” (oni na vlasti su furt najpametnejši) bu zišel na otprto morje. Glavna melja za njega je boks v SDP gde se još ne zna kie bu ostal na podu, a kie z rukami v zraku. Je, nesme pofaliti ni žličica Stipe, pa navrh noža Ive (sejene šteroga), Lalovca, Leke itd., itd.
Čujte, tuo je temelj za tortu, a saka sredina ima i specifični pridodatek (zate i je višeslojna), a kam i kulike bute deli Habuša, Patafte ili npr. R.Radelić i njejne otpremnine, tuo ide po vuolje. Če ste pomislili da buju tu zmiešane i Jadra, Vesna, Milanka i v zadnji čas Kolinda, upozoravljem vas da one nemreju biti zvuordane z nabrojeni. One spadaju f kremu i glazuru. Dohajaju kak ukras, kak cukorne rojžice skup z blješteči đunđeki! Željko, Ranko i naskorem morti još kie buju poslužili kak tacna na štere se torta serviera. Morete ju vživati s pratnju A. Vujice (Laži, laži, laži me…) i tancati v ritmu “kak veter puše”.
Deržavni dug, nezaposlenest, protesti, bune sindikatov, ciene, porezi i slične, nutri se ne mieša. Pokvaril bi se okus sega nabrojenega. Če jih slučajne primietite, zanemarite jih. Dober vam tek!
Zvir:
http://varazdinske-vijesti.hr/kaj-je-nase-pitanje-i-nas-odgovor/recept-za-strah-tortu.html
i(l) str. 23 sim:
http://varazdinske-vijesti.hr/pdf/3624.pdf
Aktuelni broj VV:
http://varazdinske-vijesti.hr/online/Main.php?MagID=1&MagNo=1
* * * * * * * * * * * * * * * * * * * * * * * * * * * * * * * * * * * * * * * *
“Mamica su štrukle pekli”, 01:26
