Gda človek se to pročita pa vidi da gospon Paško još imenuje sudionike sega tega, mora pomisliti da je ponorel i on i si mi pa zgledi da živime vu velikem norchauzu bez vrat i oblokov. Voda nam več zalieva usta, ali sejene imame snage veseliti se i kričati; 0:4 za Hrvatsku! Bar male veselja!
Kajkavska cajtmašina
Kiseli vuGorki
(V)SE( )ZONA KIS(S)ELE VUGORKOV
Kolovoz i okolo-vozi
IŠLA MAR(T)A Z KOLOVOZA (kolodvora)
Kiseli c(j)elovi, KIS(S-CJ)EL(OV)I, Küsschen-i, kušleci
Varaždinske vesti, br. 3625, 23.06. 2014.
Piše Barica Pahič
KAJ je naše pitanje i naš odgovor
Zgledi da živime vu velikem norchauzu bez vrat i oblokov
F novinami piše da je Paško Kačinari vodil dugotrajnu buorbu za svojih 358 milijunov kuna, štere mu je Zagrebačka banka štela zejti i uveriti ga z “dokumenti” da mu jih je isplatila. Za krivotvorenje ga nie odgovornih.
Gda človek se to pročita pa vidi da gospon Paško još imenuje sudionike sega tega, mora pomisliti da je ponorel i on i si mi pa zgledi da živime vu velikem norchauzu bez vrat i oblokov. Voda nam več zalieva usta, ali sejene imame snage veseliti se i kričati; 0:4 za Hrvatsku! Bar male veselja!
Si mi premišljame kak tuo z nami stvari zaprav jesu. Zasipani s podatki da je neki hrvatski hotel, banka ili firma prodana ze sramotne nisku cienu, da je nieki na velikem političkem položaju podmičen napravil veliku štetu deržave i nagle se jake obogatil, da se deržava znovič pune zadužila, da zdravstvo ima velike manjkove, da su vnoge firme pod stečajem ili su propale, da negde zaposleniki po par meseci niesu dobili plaču, da nam BDP ide na niže, a ciene same rasteju.
Zeznajeme kak je ovie ili onie sebi prigrabil milijune, saki čas se nieki najde reštu, a političari jeni na druge kričiju: Pujci ga! Buorba za vlast je nemiloserdna. Si hočeju biti blizu kase. Spoznati tuo more se same na izvoru podatkov i imeti vupača javne reči. Za jenega takvega sem zeznala z oporbenih novin štere nemaju na piku same Sanadera, Linića, Merzel ili Milanovića npr. F temi novinami piše da je Paško Kačinari vodil dugotrajnu buorbu za svojih 358 milijunov kuna, štere mu je Zagrebačka banka štela zejti i uveriti ga z “dokumenti” da mu jih je isplatila. Za krivotvorenje ga nie odgovornih. Trdi da je z bankaremi povezan i sud. Dokumenti štere je predal sudu da bi došel do svojih penez “zgubljeni” su na sudu i onda poradi njegve upornesti “pronađeni” na istem sudu. On trdi da i denes bankarski lobi, v šterem su i domači ljudi, vlada na ciele bivše deržave i da je tie lobi odgovoren za 17.000 ubijenih v Domovinskem ratu,150.000 raseljenih ljudi, 400.000 nezaposlenih i 1.300 vniščenih firm, da je F. Luković, negdašnji direktor Jugobanke kreiral Yu-Forex grupu štera je još 1981. raspolagala s 52 tone zlata.
Vlasniki jugo-duga denešnji su gospodari Hrvatske, a si jugo-bankari i denes su hrvatski bankari. Podatki za znoreti! Kačinari zna da je f Parizu najdene 600 -700 milijunov dolara hrvatskih penez i da Hrvatska zapraf nebi smela imeti duga, ali se z njejni penezi priek MMF-a kamatari i z inozemstva kupuje hrvatske banke, ceste i firme i plasieraju krediti s velikimi kamatami. Zate nam je tak kak je. Veli da je za se tuo znal bivši deržavni odvetnik, ali ništ ni poduzel. Zna to i denešnji, ali je pitanje je l’ bu krenul uzvodno k izvoru kriminala ili bu i nas i sebe ftopil v njegve poplave.
Gda človek se to pročita pa vidi da gospon Paško još imenuje sudionike sega tega, mora pomisliti da je ponorel i on i si mi pa zgledi da živime vu velikem norchauzu bez vrat i oblokov. Voda nam več zalieva usta, ali sejene imame snage veseliti se i kričati; 0:4 za Hrvatsku! Bar male veselja!
Zvir:
http://varazdinske-vijesti.hr/kaj-je-nase-pitanje-i-nas-odgovor/zgledi-da-zivime-vu-velikem-norchauzu-bez-vrat-i-oblokov.html
i(l) str. 23 sim:
http://varazdinske-vijesti.hr/pdf/3625.pdf
Aktuelni broj VV:
http://varazdinske-vijesti.hr/online/Main.php?MagID=1&MagNo=1
* * * * * * * * * * * * * * * * * * * * * * * * * * * * * * * * * * * * * * * *
Snočka sam ti draga pod oblok dohajal
Ti si baba nora, greh je tebe dal
Snočka sam ti draga fučkal i popeval, 09:18
KUD “Mihovljan”, Mohovljan
