Kajkavska cajtmašina
Kiseli vuGorki
(V)SE( )ZONA KIS(S)ELE VUGORKOV
Kolovoz i okolo-vozi
IŠLA MAR(T)A Z KOLOVOZA (kolodvora)
Kiseli c(j)elovi, KIS(S-CJ)EL(OV)I, Küsschen-i, kušleci
Varaždinske vesti, br. 3626, 01.07. 2014.
Piše Barica Pahič
KAJ je naše pitanje i naš odgovor
Stručni ili politički interesni vritnjak
Da je gospon Željko Jovanović od Premijera dobil vritnjak, nemre se poreči, kak god oni trdili da je minister prosvete i sporta povlečen v prijateljskem dogovoru. Dogovora je bile, ali vritnjak je vritnjak, (na opče zadovoljstvo prosvetnih delatnikov i šire). Veliju da za tie vritnjak, stručni, politički ili same interesni, dotičnjak i je i nie kriv. Nieje zate kaj su se ministerski resori pri Kukurikači delili tak da su najprie zebrani ministri, a onda su se oni sporazmeli med suobu kie bu prevzel šteroga.
Niesem vidla i ne znam a je bile tak ili nie, ali narodna predaja govori da je buduči premijer s kandidati vodil ovakvi spomenek:
– Čuj, Ratko štere ministarstve hočeš?
– Pa gospodarstve. Zate sem i zešel vu Vladu.
– Imaš praf. Ti si maher za te. – A ti Slavek?
– Kaj druge nek financije -otpovrnul je ovie odlučne, ni ne senjajuč da bu jemput dobil vritnjaka.
– Logične, ti si specijalizierani vu tem području več od službovanja v INE. Tuo Vesna Balenović trdi več priek deset liet. – A ti Rajkec?
– Unutrašnji posli. Kaj ne znaš da ja f tem resoru več imam iskustva?
– More! – složil se buduči premijer. – Vesnica bu zela vanjske posle. Ona se za te viežba još od srednje. A Mirelica ima resor smetja i čistega okoliša. Ona je ženska pa ima šnjof za čistu prirodu. Kaj ne?
Tak je išle i dalje pa je Željka dopala prosveta i šport; em je školovani, em je vežbal s “tegovi”, pak je logične da si zeme takve ministarstve. A kaj nie ni prosvetar ni športaš, nieje bile bitne. Nie je važna struka, pa zate ni vritnjak nie stručni. Ali tu se začela njegva delimična krivnja zate kaj je odlučil reformierati školstve i isušiti močvaru f športu. Mam pokle izborov dal se na posel i pričel z još jenu abrakadabra reformu školstva. Postigel je nezapamčeni uspeh vu tem kaj je ukinul kvačicu na š i postal junak legende o zercalu (ili ogledalu). Reforma je donesla slabše plače prosvetarem i šparung kak i se druge, počev od Šuvarove! Za ništ je nie kriv on, neg Vrhovni sud i “loša percepcija” v javnesti. Jasne da su krivci oni šteri loše percipieraju. Pogotove prosvetari i maturanti šteri su nie zarazmeli kakve je farbe Juditin persten! Kaj zate ak f pitanju nie bila farba neg razumievanje ponuđenoga teksta. I tak je Željkec zglajzal, maker su naši ritači lopte v Brazil odišli bez Šimunića čist spremanega za SP. Tie uspeh mu je nie zeti v obzir.
No, došel je nuovi minister, nuova era i nuova reforma! Morti on trefi dobru percepciju. Morti bu gospon Mornar bolše brodil, vedril (i oblačil) s prosvetari.
Zvir:
http://varazdinske-vijesti.hr/kaj-je-nase-pitanje-i-nas-odgovor/strucni-ili-politicki-interesni-vritnjak.html
i(l) str. 35 sim:
http://varazdinske-vijesti.hr/pdf/3626.pdf
Aktuelni broj VV:
http://varazdinske-vijesti.hr/online/Main.php?MagID=1&MagNo=1
* * * * * * * * * * * * * * * * * * * * * * * * * * * * * * * * * * * * * * * *
Negda sam visoko letel, zdavnja sem bez kril!
I onda neš pil… text: Pajo Kanižaj, pročitao: Dražen Marek, glazba: Andrija Maronić (cimbal), 03:39
