Kajkavska cajtmašina
Kiseli vuGorki
(V)SE( )ZONA KIS(S)ELE VUGORKOV
Kolovoz i okolo-vozi
IŠLA MAR(T)A Z KOLOVOZA (kolodvora)
Kiseli c(j)elovi, KIS(S-CJ)EL(OV)I, Küsschen-i, kušleci
Varaždinske vesti, br. 3627, 08.07. 2014.
Piše Barica Pahič
KAJ je naše pitanje i naš odgovor
Političari bi morali prepoznati brige, strahe, nade i želje naroda
Nie trebe biti jake školovani da bi se razmel Havelov govor z duše človeka šteri prepoznaje brige, strahe i nade običnih ljudi s kojega god kraja svieta bili. Vapime za političari šteri ne misle same za svoju korist, neg razmeju naše brige, strahe, nade i želje za boljše življenje. One štere niesu protivne opčeljudskem moralu i dobrobiti!
Negde oko 2 000. leta došla mi je pod ruku knjiga Vaclava Havela “Sve je moguće”. Zmislim se da sem ju sprečitala “na dušak” i da mi je f sečanju ostala duhovne finuoče i češkega domoljublja pa i “čovjekoljublja i bogoljublja” štero je z nje zračila.
Knjiga je tiskana pred kraj devedesetih, pred nuove izbore f Hrvatski, a čitala sem ju gda su na vlast došli Mesić i Račan ili kak je Havel rekel “neokomunističke strukture” pak mi je bila posebne zanimljiva zate kaj mi je otkrivala razmišljanja drukčeša od onih naših političarov. Negda progonjeni pisac-disident (on veli – borac za slobodu i ljudska prava), Havel je f to vrieme bil predsednik Češke pokle mirnega odvajanja Slovačke. Prie rušenja Berlinskega zida i sloma komunizma bile mu je zabranjene putovanje zvun svoje zemlje, a pokle tega je pune putoval po svietu, dobival počasne sveučilišne doktorate i govoril na sveučilištima, pred političari i predstavniki vlasti. I doma; za svoje Čehe.
Knjiga “Sve je moguće” su zaprav njegvi govori o “izazovima postkomunizma”, “iskušenjima političke vlasti”, o duhovnesti, politike, moralu, mržnje, nade, “odgovornosti za budućnost svijeta”, ratu na Balkanu…Mislil je da je čovečanstvu potreban Isus, a ne Cezar. S tiem je nie negiral pravo nijenega naroda na svietu da ima svoj oblik duhovnesti i da njeguje svoju veru jer se religije svieta imaju isti koren v ljudske potrebe za onostranim i i težiju “gore nad zemlju gdje njegova je duha kolijevka” kak je zapisal naš pesnik Kranjčević.
Knjigu sem nedavno dobila na dar i znovič sprečitavala neke delove i po več put. Dobre knjige vriedi več put čitati ak v njimi moreme prepoznati probleme svieta i najti orentaciju za svoje denešnje i buduće ponašanje. Vnoga Havelova stajališta, največ ona kak on tretiera svoj narod, trebali bi na pameti imeti i naši političari. Sigurne su nešterni od njih knjigu čitali. Najbolše bi bile gda jim nebi trebale tuđe pameti, pa ni Havelove knjige za pouku, neg same za podsečanje i potvrdu zahteva da vladajuči moraju zastupati svoj narod i delovati narodu na korist, čast i ponos i to po zahtevu svoje duše. Verujem da i prinas takvih ima.
Nie trebe biti jake školovani da bi se razmel Havelov govor z duše človeka šteri prepoznaje brige, strahe i nade običnih ljudi s kojega god kraja svieta bili. Vapime za političari šteri ne misle same za svoju korist, neg razmeju naše brige, strahe, nade i želje za boljše življenje. One štere niesu protivne opčeljudskem moralu i dobrobiti!
Zvir:
http://varazdinske-vijesti.hr/kaj-je-nase-pitanje-i-nas-odgovor/politicari-bi-morali-prepoznati-brige-strahe-nade-i-zelje-naroda.html
i(l) str. 35 sim:
http://varazdinske-vijesti.hr/pdf/3627.pdf
Aktuelni broj VV:
http://varazdinske-vijesti.hr/online/Main.php?MagID=1&MagNo=1
* * * * * * * * * * * * * * * * * * * * * * * * * * * * * * * * * * * * * * * *
Drele i Vid Balog-Remetinec, 02:46