Čakovčanec Edo Lukman, več prek tridesti let voditelj čakoske škole animiranoga filma, postal je francoski vitez jerbo je čuda pomogel francuskoj kulturi. Vsi Edija poznamo kak čoveka šteri furt nekaj dela, vuči generacije i generacije naše dece risati i navek je stiha. Nigdar preveč ne šteči, ne jafče, a ve najempot smo zazvedili da ga poznajo i ovi v Francuskoj. Značko viteza mo je v Čakovec donesla francoska veleposlanica v Lepoj našoj. Neje to makar kaj, ona je zbog Edija došla k nam v Čakovec. I još nekaj. Čim je Edo postal vitez unda so se za njega zgrabili i naši političari. Neje se moglo, v prvi mah, zazvediti je li je Edo gracki ili pak županijski kulturni težak?

Kajkavska cajtmašina

Kiseli vuGorki
(V)SE( )ZONA KIS(S)ELE VUGORKOV
Kolovoz i okolo-vozi
IŠLA MAR(T)A Z KOLOVOZA (kolodvora)
Kiseli c(j)elovi, KIS(S-CJ)EL(OV)I, Küsschen-i, kušleci

Međimurske novine, br. 981, 04.07.2014.
e-vundano 07.07.2014.

Piše: Jožek radnik

Premišlavanje Jožeka radnika

Čakovčanec Edo Lukman, več prek tridesti let voditelj čakoske škole animiranoga filma, postal je francoski vitez jerbo je čuda pomogel francuskoj kulturi. Vsi Edija poznamo kak čoveka šteri furt nekaj dela, vuči generacije i generacije naše dece risati i navek je stiha. Nigdar preveč ne šteči, ne jafče, a ve najempot smo zazvedili da ga poznajo i ovi v Francuskoj. Značko viteza mo je v Čakovec donesla francoska veleposlanica v Lepoj našoj. Neje to makar kaj, ona je zbog Edija došla k nam v Čakovec. I još nekaj. Čim je Edo postal vitez unda so se za njega zgrabili i naši političari. Neje se moglo, v prvi mah, zazvediti je li je Edo gracki ili pak županijski kulturni težak?

Makar so se naši labodoritaši, z prvim cugom, otpelali z Brazila dimo v Domajo ipak se je naš porter na golo Stipica Pletikosa uspel zarivati vu ekipo prvenstva. Najme kaj, v Brazilo so zbirali i nejhujše labodoritaše, pak naš Stipica brani za jiv. Nebrem reči da je nišči ne pratil naše kak igrajo, kuliko bežijo, kuliko lenčarijo ili kuliko fušajo, kak napriliko naš Stipica. A neje niti čudno jerbo so tekme snimali z prek dvajsti kameri tak da se na vsakoj nekaj vidi. Kuliko gud se Stipica skrival, ali so ga našli i postavili so ga na mesto, štero si je zaslužil.

Vsi smo čuli, a naše žene i vidle, kak so se naši labodoritaši kopali goli kak od mame rođeni. Nejsam uspel zazvediti je li so se to kopali zbogradi precednika Hrvaškoga labodoritaškoga saveza Davora Šukera ili pak radi jegove pajdašice Severine. Čim zazvedim bodem vam povedal.

Navek se govrilo da je vsaki od nas kovač svoje sreče, a v Brazilo je Niko koval našo srečo i zišlo je kak je zišlo. Vsaki pravi kovač sreče ima i nekoga što mo pomaže. A koga je Niko mel? Mlajšega brateca Robija, a nikoga spametnešaga, šteri bi mo pomogel dok kola genejo doli z brega. Ak vas slobodno pitam: kak se zval nejpoznateši poglavica indijancov? Bik šteri sedi! A znate zakaj se tak zval? Zato kaj je ne mogel stati! A zakaj je ruon on bil nejglavneši i poglavica? Zato kaj je bil nejspametneši, očem reči, neje vse v nogaj nek je ono nejglavneše v glavi. Mi, očem reči, naši labodoritaši so vse meli sam nam je pamet sfalila. Verjem da smo se, ipak, nekaj navčil v Brazilo??!!

Naša labodoritaška reprezentacija je mela jako dobre, ako ne i nejbolše veznjake na Sveckomo prvenstvo (Modrić, Rakitić), a igrali smo kak bezveznjaki! Kuliko se ja razmem, greška je bil vu vezi!

Čim se zazvedilo da so Račan, Linić i Jurčić, još dok so 2003. leta prodavali prvi frtalj INE zeli i kuvertline z penezi, mam je naš Vrhovni sod zmenšal rešta Ivijo Sanadero.

Kuliko čujemo inšpektori iz Zagreba bodo hodali v šekucijo k nam v Čakovec i Međimorje, a nesmo nikaj čuli kam bodo poslali hercuvat naše inšpektore. Brzčas bi bilo nejbole da naši inšpektori hodajo po Zagrebo i tam reda navčijo zagrebečke purgere i vse dotepence, šteri pod zagrebečkim nebom kruha služijo, kak so i nas tu doma reda navčili, jerbo je prinas v Međimorjo ipak nejvekši red v semo. A ne kaj dojdo stranjski inšpektori i na nami Međimorci trenerajo strogočo i zapirajo nam krčme ili pak štacune sam zato kaj so našli par kunici viška v kasi. Krčma ili pak štacun se zapre, a te isti ljudi, prek pedevea, poreza i drugih nameta, plačajo te iste inšpektore. Nejbole je onima, šteri so na državnaj jaslaj i nikaj ne delajo jerbo oni nemajo v kasi niti viška niti manjka. Imajo manjka v šihtericaj gde jim falijo vure, ali ga zbogradi toga ne nikaj meje kunici v kuvertlino z plačom. To je te perpetum mobile, šteroga je još nišči v Lepoj našoj ne uspel v red posprajti makar nam to ovi z Evrope furt bajajo.

Ne znati zakaj je naša Vlada žilava kak sam vrag dok je v pitanjo naša čakoska kasarna, očem reči, vojarna. Nedajo nam to kasarno i nedajo. Ne znati što je odnesel v beli Zagreb grad nekše hude glase kak očemo z tem placom nekaj zašuljati. Je li je to bil još Jožek Posavcov ili pak Ivek Peerhočov? Nekši je vrag tu ne kak tre! Ali i mi se nedamo, pak ne moramo mi Međimorci navek biti vekši katoliki od pape i dati peneze, štere nemamo, za nekaj kaj smo sami naprajli i kaj je naše. Nedajo oni, nedamo mi, pak bodemo vidli što bode duže zdržal?

Čakovčanec Edo Lukman, več prek tridesti let voditelj čakoske škole animiranoga filma, postal je francoski vitez jerbo je čuda pomogel francuskoj kulturi. Vsi Edija poznamo kak čoveka šteri furt nekaj dela, vuči generacije i generacije naše dece risati i navek je stiha. Nigdar preveč ne šteči, ne jafče, a ve najempot smo zazvedili da ga poznajo i ovi v Francuskoj. Značko viteza mo je v Čakovec donesla francoska veleposlanica v Lepoj našoj. Neje to makar kaj, ona je zbog Edija došla k nam v Čakovec. I još nekaj. Čim je Edo postal vitez unda so se za njega zgrabili i naši političari. Neje se moglo, v prvi mah, zazvediti je li je Edo gracki ili pak županijski kulturni težak?

Dvajstipet let je minulo otkak smo mi v Lepoj našoj, a i naši sosedi z Juge, prešli z socijalizma, očem reči, komunizma v kapitalizam. Nejpredi smo živeli v socijalizmo, a unda se je nešči zmislil da bi nam čuda lepše bilo v komunizmo, pak smo genuli po širokoj i asfalteranoj cesti po tomo poto. Kapitalisti so se sam smijali i čakali so da bodemo zalutali i da se bode vruhnula ta hižica od karti. Tak je i bilo dok je Gorbačov prodal ruskoga socijalizma i dal zrušiti Berlinskoga zida. Za vse nas vu Varšavskomo pakto je počelo novo vreme jerbo se je brez zida čuda dale vidlo. Živeli smo v mrako komunizma i dok je nešči vužgal svetlo kapitalizma vsi smo leteli naprej kak muhe brez glave. Vsi smo se nadjali da bodemo v tom novom uređenju kapitalisti, a ne smo meli na pameti da ga jako malo kapitalistov, očem reči, kulakov, a čuda vejč proleterov, očem reči, težakov, šteri morajo jako čuda delati (ak imajo gde) za korico kruha i lonček mleka. Nesmo veruvali da so nam govorili kak nema velike razlike između kapitalizma i socijalizma (bar za težake i male ljude) i da je v socijalizmo bilo izrabljivanje čoveka po čoveko, a v kapitalizmo je obratno.

Čakoski komulci, očem reči, komunalni redarstveniki bodo znova počeli štrofati one šteri se z peciklinaj vozijo po centro Čakovca. Makar so peciklini hičeni z prometa po centro Čakovca več od prvoga aprila stopram je ve došla depeša z vrha da moči kaserati od onih šteri ne čitajo, ne posluhnejo, kaj bi rekli ne bogajo. Morem vam reči da i dale ovi z peciklinaj lečejo okoli mene, okoli dece, okoli mladi mami z kolcaj, a redarstvenikov nigdi. Ne moramo čakati nevolo jerbo ona sama dohaja i kaj nebode nešči završil v gipso predi nek bodo komunalci pravzaprav počeli štrofati??!!!

Minulo je pet let otkak je Ivo Sanaderov napustil mesto precednika Vlade i cugle državne vlasti dal v roke svoji pajdašici Jadranki Kosor. Posle nam je Ivo pokazal kud se ide v Evropo jerbo je on išel v Osterajh gume mejat, a Lepa naša je, po tem trago, odišla v Evropo štiri leti posle. Nebrem veruvati kak vreme leti. Leto dni je minulo otkak smo v Evropi, a još navek čakamo kaj nam počne teči med i mleko, štero so nam obečuvali dok smo nutri išli. Kuliko sam mel za čuti još navek nutri davlemo vejč penez nek vum zvlečemo. Što nam je kriv kaj se ne razmemo v posel. Brzčas so oni nucali nas, a ne me jiv!

Zvir:
http://www.mnovine.hr/kolumne/Jožek%20radnik/1/Francoski%20vitez%20se%20špancera%20po%20Čakovco
i(l) zajna stranica sim:
http://issuu.com/mnovine/docs/mnovine981i
i(l) zajna stranica sim (?):
http://www.mnovine.hr/images/pdf/981/mnovine981i.pdf         (?)

* * * * * * * * * * * * * * * * * * * * * * * * * * * * * * * * * * *

Zvonko Špišić – Pismo gosponu Prevertu v Pariz (Popevke zanavek) Krapina 1997. HQ, 04:11