Kajkavska cajtmašina
Kiseli vuGorki
(V)SE( )ZONA KIS(S)ELE VUGORKOV
Kolovoz i okolo-vozi
IŠLA MAR(T)A Z KOLOVOZA (kolodvora)
Kiseli c(j)elovi, KIS(S-CJ)EL(OV)I, Küsschen-i, kušleci
Varaždinske vesti, br. 3628, 15.07. 2014.
Piše Barica Pahič
KAJ je naše pitanje i naš odgovor
Tuo kaj se piše i govori, ni pes z maslem nebi pojel
Tuo kaj se piše i govori, ni pes z maslem nebi pojel. Političke “veličine” misliju da se same oko njih sviet verti. Saki od njih se napre rievlje i protivniku hoče zabiti cviku. Se je jena velika trač-partija. Naj mi se ne zameri reči; Kak “babe”na placu! Mislim; naj mi “babe” ne zameriju. Zate muke i boli razdireju narod; poplava, tuča, slaba ciena pšenice, stečaji, smanjenje plače…
Kaj sem one pisala o “strah-torti”? Kaj sem prorokuvala? V globalu niesem ništ fulala, ali jesem pune v detalji. Posebne one o Kolindi šteru sem “vidla” same na tortine glazure, a nie na verhu kak Barbiku. Je, tuo je bile zate kaj ja tortu i niesem vidla kak svadbenu i slavljeničku. V javnest nie bil došel onie spis od trinajst stranic šteroga se naš Predsednik fljetne odrekel i za njega optužil obaveštajne podzemlje. Ni proroki nemreju bez podatkov. Z tega se vidi da torta (figurativna) do denes nie do kraja spravljena, ali nuova dogajanja Lindu ipak dievljeju na verh zate kaj tak liepa i cukrena na verh baš paše. Same kaj meste nje nešterni dievljeju i Kena onak ftegnutega vu frak. Njega bi bile teške vu frak ftegnuti zate kaj se v zadnje vrieme, v odgovornem predsedničkem poslu, baš nie stenjšal. Nevolja pak je i vutem kaj na ove naše torte mesta ima same za jenu figuru.
Ak se Barbike oblieče krinolina, zavzela bu cieli verh. Za Kena nebu mesta. Ima nekak preveč domače i ozloglašene ime. Kie mu je kriv kaj je svuoj pogled usmeraval več na istok neg na zapad. Treba misliti kam se gledi! Kak podnesti dva Ive za redom? (Mesić je zebrani zate kaj se ne zove Franc.) Veča nevolja proistieče z tega kaj na verh ili bar blizu verha splezati hoče još i Bandić, a spasiteljski je zagudil i reformierani Čačić, ali mu je mam otpoviedane da ne govori istinu. Ništ od prave torte! Za večinu je terdi peljak. Hervati nečeju domači dualizem ili kaj još gorše. Kak da nemaju EUropu!
Tuo bi vliekle na samoupravljanje vučem več imaju prakse. Spoznali su da je vu tem jen same upravljal, drugi su mu potpirali noge na stolcu, a trejči fotelju nosili na pleči i delali. Kak da je denes drukčeše! Izim kaj denes se menj ljudi diela pak je fotelja se težeša. Znovič se prebrojavljeju odlike i mane kandidatov. Onieh na špice političkega dogajanja! Bu vraga! Rasvietljene je pune tega skritega i prikritega. Njieva slika postaje se gorša, kak slika Doriana Graya f poznatem romanu.
Tuo kaj se piše i govori, ni pes z maslem nebi pojel. Političke “veličine” misliju da se same oko njih sviet verti. Saki od njih se napre rievlje i protivniku hoče zabiti cviku. Se je jena velika trač-partija. Naj mi se ne zameri reči; Kak “babe”na placu! Mislim; naj mi “babe” ne zameriju. Zate muke i boli razdireju narod; poplava, tuča, slaba ciena pšenice, stečaji, smanjenje plače…
Moreme se veseliti same uspehu Jelene Štefanić, Marka Gašparovića, Vusićeve i Kavrana, koncertu za Gunju ili hodočašču na Mariju Bistricu. Bar nečem!
Zvir:
str. 35 sim:
http://varazdinske-vijesti.hr/pdf/3628.pdf
Aktuelni broj VV:
http://varazdinske-vijesti.hr/online/Main.php?MagID=1&MagNo=1
* * * * * * * * * * * * * * * * * * * * * * * * * * * * * * * * * * * * * * * *
Setala se fajna Mara KUD Prelog, 02:46
