Kajkavska cajtmašina
Kiseli vuGorki
(V)SE( )ZONA KIS(S)ELE VUGORKOV
Kolovoz i okolo-vozi
IŠLA MAR(T)A Z KOLOVOZA (kolodvora)
Kiseli c(j)elovi, KIS(S-CJ)EL(OV)I, Küsschen-i, kušleci
Varaždinske vesti, br. 3629, 22.07. 2014.
Piše Barica Pahič
KAJ je naše pitanje i naš odgovor
Još jena knjiga na bednjanskem miesnem guovoru
Bednjanskemu guovoru prieti izumiranje, pa se muora zapisati i “pohraniti u nacionalnu memoriju” kak zaštičeno “nematerijalno kulturno dobro”. Saki se jezik i saki guovor najbolj čuva ak se na njemu piše, a bednjanski ima več autorov z vriednimi književni ostvarenji. Ne bi bile dobre da ostane same na razini vica, da služi za karikaturu i nasmijavanje onieh šterim je čuden i nerazumljiv.
F subotu 12. serpnja v Bednje je bile predstavljanje knjige “Do tei imuš serce” (Da ti imaš srce) Izidora Furjana, člana Varaždinskega književnega društva. Knjiga je teorijski raznerodna zate kaj je vu nju del i pesme i pripovetke i jen skeč, pa i opširnejši prikaz svoje teške buorbe za življenje i nepravde, šteru su mu, po njegvem mišljenju, delali ljudi. Se kaj je napisal su njegva sečanja, najvredneša po tomu kaj su dokumenti duoba gda je rođeni, odrasel i preživljaval svoju mladest. F knjige su popisane i rieči stumačene standardnimi rečmi hervatskega književnega jezika.
Predstavljanje je vodila je prof. Ružica Marušić Vasilić, a o knjige su govorile varaždinske profesorice hervatskega jezika i književnesti, Nevenka Žirovec i Barica Pahić Grobenski, rođene v bednjanskem kraju kak i autor. I popiefke su mu čitali rođeni Bednjančani; Danica Radmanić, Božica Herega, N. Žirovec, Karlo Žimbrek i sam autor, tak da su gosti, največ člani VKD-a skup s njegvim predsednikom Nenadom Slukićem, šteri je imel uvodnu rieč, mogli čuti pravi izvorni bednjanski miesni guovor. Za glazbeni diel svečanesti pobrinul se prof. Ivan Mežnarić, šteri je vglazbil Furjanove popiefke i otpopieval jih. Furjanova knjiga zapraf i nieje veliki doprinos književnesti nacionalnih razmerov, ali je jake vriedna zate kaj je največim dielom pisana bednjanski, miesnim guovorom šteri je najbolj zečuvani oblik prajezika sieh kajkafskih guovorov. Po tomu je tie jake “važna znanstvena jezikoslovna činjenica”, tiem več kaj je zečuvani na jenem malem prostoru, de je i denes razgovorni jezik večine stanovnikov. Stalne je predmet znanstvenega interesa. Postal je poznat i zanimljiv, pogotove zate kaj na njem popievaju “Kavaliri”, glazbeni sastav šteri je uprav na njegvoj melodioznosti i neobičnesti izgradil svoju popularnost f ciele Hervatske.
Bednjanskemu guovoru prieti izumiranje, pa se muora zapisati i “pohraniti u nacionalnu memoriju” kak zaštičeno “nematerijalno kulturno dobro”. Saki se jezik i saki guovor najbolj čuva ak se na njemu piše, a bednjanski ima več autorov z vriednimi književni ostvarenji. Ne bi bile dobre da ostane same na razini vica, da služi za karikaturu i nasmijavanje onieh šterim je čuden i nerazumljiv. I bednjanska deca f škuole na njemu pišu, a več nekaj liet se pripovieda o tiskanju riečnika bednjanskega. Morti i tuo jemput buo. Fnogi Bednjančani svuoj guovor osečaju kak diel svojega detinjstva i mladesti. Kam god da jih je življenje odnesle, duša jim je ostala v rodnem kraju i v domačem guovoru.
Zvir:
http://varazdinske-vijesti.hr/kaj-je-nase-pitanje-i-nas-odgovor/jos-jena-knjiga-na-bednjanskem-miesnem-guovoru.html
str. 35 sim:
http://varazdinske-vijesti.hr/pdf/3629.pdf
Aktuelni broj VV:
http://varazdinske-vijesti.hr/online/Main.php?MagID=1&MagNo=1
BEDNJO – NUJLIJEPŠI KEMAUČEK SVIETO
http://trnac.net/tag/bednjo-nujlijepsi-kemaucek-svieto/
http://www.forumgorica.com/kajkavski/bednjo-nujlijepsi-kemaucek-svieto/
Kavaliri – Nujlijepši kemauček svieto, 03:09
